ꓒꓵꓽˍ ꓟ ꓡꓳ ꓒꓴꓽ ꓡꓴ. ꓢꓶꓽ (17th Sunday Homily )

  ꓠꓬꓲ. ꓠꓬꓲ ꓠꓴ ꓐꓰ ꓥꓪ ꓠꓬ ꓮ ꓓꓰ ꓒꓵꓽ ꓟ ꓒꓵꓽ ꓶ ꓔꓯ ꓧꓪ ꓟꓶ ꓡꓰꓳ ꓐꓰ ꓟ ꓔꓯ ꓓꓵꓽ ꓙ ꓠꓬꓲ ꓡꓯ꓿ ꓔꓯ ꓥꓳꓽ ꓧꓪ ꓟꓶ ꓡꓰꓳ ꓐꓰ ꓐꓯ ꓠꓬ ꓣꓳꓽ ꓔꓯ ꓙꓳˍ ꓟ ꓮ ꓙꓵꓽ ꓪꓴꓽ ꓗꓷ ꓐ ꓡ ꓡ? ꓐꓯ ꓟ ꓔꓯ ꓓꓵꓽ ꓙ꓿ ꓢꓲ ꓒ ꓬꓰ‐ꓢꓴ ꓔꓯ ꓥꓳꓽ ꓗꓪ ꓠꓬ ꓒꓵꓽ ꓶ ꓖꓳ ꓟ ꓔꓯ ꓟꓶ, ꓠ, ꓟ ꓐꓱ ꓶ ꓬꓲ. ꓠꓬ ꓬꓲ. ꓔꓯ ꓙꓳˍ ꓟ ꓮ ꓙꓵꓽ ꓪꓴꓽ ꓗꓷ ꓐꓯ ꓡꓳ꓿ ꓟꓲ ꓠꓯꓺ ꓕꓱ ꓟ ꓗꓪ ꓠꓬ ꓮ ꓫꓵꓽ ꓥˍ ꓟꓲ ꓒꓵꓽˍ ꓫꓵꓽ ꓡꓰ ꓥꓳ꓿ ꓖꓳ ꓡꓱ ꓐꓯ ꓥˍ ꓟꓲ ꓮ ꓙꓵꓽ ꓟ ꓕꓯꓽ ꓢꓲ ꓒꓵꓽˍ ꓫꓵꓽ ꓠꓬ ꓕꓲꓽ ꓫꓵꓽ ꓡꓰ ꓙꓳˍ ꓡꓳ꓿ ꓖꓳ ꓟ ꓠꓬ ꓟꓴ ꓗꓪ ꓗꓴꓷꓼ ꓥꓳ꓿ ꓟꓴ ꓗꓪ ꓗꓴꓷꓼ ꓕꓯ ꓢꓲ ꓗꓪ ꓒꓵꓽ ꓫꓵꓽ ꓮ ꓫꓵꓽˍ ꓟꓲ ꓟꓽ ꓙꓳ꓿ ꓣꓳ ꓕꓲꓽ ꓠꓬꓲ ꓕꓲꓽ ꓠꓬꓲ ꓛꓳ ꓙꓳ ꓔꓬ, ꓟ ꓗꓪ ꓪꓴ‐ꓢ ꓗꓴꓷꓼ ꓐꓰ ꓔꓯꓺ ꓡꓯ ꓘꓳ ꓓꓴ ꓙꓳ ꓡ ꓕꓯ ꓣꓳ ꓬꓰ ꓔꓬ ꓟ ꓟꓬꓱꓽ ꓮ ꓙꓵꓽ ꓔꓯ ꓗ ꓠꓯ.ꓼ ꓢꓲ ꓗꓪ ꓡꓳ ꓩꓴ ꓔꓲ. ꓠꓯˍ ꓡꓳ꓿ ꓖꓳ ꓡꓱ ꓡꓳ ꓩꓴ ꓔꓲ. ꓢꓲ ꓡꓰ ꓟꓴ ꓗꓪ ꓗꓴꓷꓼ ꓖꓳ ꓟ ꓠꓬ ꓣꓳꓽ ꓐꓱ ꓶ ꓗꓷ ꓡꓰ ꓥꓳ꓿ ꓟꓴ ꓗꓪ ꓗꓴꓷꓼ ꓖꓳ ꓟ ꓔꓯ ꓪꓴꓻ ꓠ, ꓟ ꓐꓱ ꓶ ꓠꓬ ꓣꓳꓽ ꓔꓯ ꓙꓳˍ ꓟ ꓠꓬ ꓪꓴꓽ ꓗꓷ ꓠ ꓗ ꓡꓳ꓿ ꓠꓬꓲ. ꓠꓬꓲ ꓠꓴ ꓐꓰ ꓥꓪ ꓤꓶ ꓗꓪ ꓡꓳꓺ ꓒꓰ ꓟꓽ ꓓ ꓫꓵꓽ꓾ ꓪꓴꓽ ꓗꓷ ꓟꓽ ꓬꓯꓼ ꓫꓵꓽ ꓮ ꓫꓵ ꓙꓳ ꓡ? ꓪꓴ‐ꓢ ꓗꓴꓷꓼ ꓔꓯ ꓣꓳꓽ ꓢꓷ. ꓡꓰ ꓥ ꓟꓲ ꓣꓳꓽ ꓐꓱ ꓶ ꓚꓵ ꓚꓵ ꓒꓵꓽ ꓶ ꓥ ꓡ ꓐꓯ ꓟ ꓔꓯ ꓓꓵꓽ ꓙ ꓠꓬꓲ ꓡꓯ꓿ ꓣꓳ ꓒꓵꓽ ꓶ ꓠꓬ ꓟꓴ ꓗꓪ ꓗꓴꓷꓼ ꓥꓳ ꓐꓰ ꓟ ꓔꓯ ꓓꓵꓽ ꓙ ꓔ꓿