ꓗ‐ꓛꓲ ꓗꓴꓷꓼ ꓫꓴꓺ ꓑꓴꓔꓮꓳ ꓟꓵꓽ ꓪꓽ ꓙꓳˍ ꓟ ꓔꓶ. ꓗꓪ ꓙꓰ ꓠꓲ, ꓫꓵ ꓢꓴ ꓐꓴ ꓟꓬꓱꓺ ꓖꓶ ꓔ ꓢꓴ ꓮ ꓟꓬ, ꓙꓳˍ ꓡꓳ ꓐꓰ ꓐꓯ ꓔ ꓟ ꓓꓳꓽ

ꓗ‐ꓛꓲ ꓗꓴꓷꓼ ꓫꓴꓺ ꓑꓴꓔꓮꓳ ꓟꓵꓽ ꓪꓽ ꓙꓳˍ ꓟ ꓔꓶ. ꓗꓪ ꓙꓰ ꓠꓲ, ꓫꓵ ꓢꓴ ꓐꓴ  ꓟꓬꓱꓺ ꓖꓶ ꓔ ꓢꓴ ꓮ ꓟꓬ, ꓙꓳˍ ꓡꓳ ꓐꓰ ꓐꓯ ꓔ ꓟ ꓓꓳꓽ

8 ꓦ ꓟ 19 ꓠꓬꓲ 2023 ꓘꓳꓼ ꓕꓯ ꓗ‐ꓛꓲ ꓗꓴꓷꓼ ꓫꓴꓺ ꓑꓴꓔꓮꓳ ꓟꓵꓽ ꓪꓽ ꓙꓳˍ ꓟ ꓟꓵꓽ ꓗꓪ ꓙꓰ ꓠꓲ, ꓫꓵˍ ꓢꓴ ꓐꓴ ꓙꓰ ꓠ, ꓟ  ꓟꓬꓱꓺ ꓮ ꓟꓬ, ꓖꓶ ꓔ ꓡꓳ ꓐꓰ ꓐꓯ ꓔ ꓡꓳ꓿ ꓛꓲ ꓡ ꓟ 11 ꓦ ꓗꓪ ꓐꓰ 4 ꓦ ꓗꓪ ꓛꓲ ꓪꓽ ꓙꓳˍ ꓟ ꓟꓵꓽ ꓗꓪ ꓙꓰ ꓠꓲ, ꓫꓵˍ ꓢꓴ ꓐꓴ ꓟꓬ‐ꓟ ꓗꓴꓷꓼ ꓮ ꓟꓬ, ꓗꓪ ꓟꓬꓱꓺ ꓖꓶ ꓔ ꓢꓴ ꓮ ꓟꓬ, ꓙꓳˍ ꓡꓳ ꓐꓰ ꓐꓯ ꓔ ꓡꓳ꓿ ꓪꓽ ꓙꓳˍ ꓟ ꓟꓵꓽ ꓗꓪ  ꓠꓬ ꓮ ꓘꓶ. ꓛꓲ ꓡꓳ. ꓐꓲ  ꓟ ꓟꓵꓽ ꓥ ꓟ ꓪꓴ. ꓠꓬꓲ ꓪꓽ ꓔꓯ ꓡꓳ. ꓛꓳ ꓠ, ꓟ ꓙꓰ ꓠꓲ, ꓫꓵ ꓢꓴ ꓮ ꓟꓬ, ꓙꓳˍ ꓟ ꓥ ꓡꓳ꓿

ꓖꓳ ꓡꓱ ꓥ ꓟ ꓪꓴ. ꓠꓬꓲ ꓛꓲ ꓡ ꓟ 11 ꓦ ꓗꓪ ꓐꓰ 12 ꓦ ꓘꓴꓽ ꓗꓪ ꓪꓽ ꓙꓳˍ ꓟ ꓔꓶ. ꓗꓪ ꓙꓰ ꓠꓲ, ꓫꓵˍ ꓢꓴ (40) ꓣꓳ ꓟꓽ ꓛꓲ ꓟꓬꓱꓺ ꓖꓶ ꓔ ꓟ ꓥ ꓡꓳ ꓐꓰ ꓐꓯ ꓔ ꓡꓳ꓿

ꓟꓬ‐ꓟ ꓗꓴꓷꓽ ꓘꓴꓽ ꓗꓪ ꓪꓽ ꓙꓳˍ ꓟ ꓟꓵꓽ ꓠꓬ ꓗ‐ꓛꓲ ꓗꓴꓷꓼ ꓫꓴꓻ ꓡꓰ ꓥ ꓟ ꓪꓴ. ꓠꓬꓲ ꓚꓳꓦꓲꓓ ꓠꓻ ꓫꓵꓽ ꓖꓴ ꓡꓰ ꓗ. ꓠꓯ. ꓪꓽ ꓙꓳˍ ꓟ ꓟꓵꓽ ꓗꓪ ꓚꓳ. ꓡ ꓢꓴ ꓮ ꓟꓬ, ꓙꓳˍ ꓟ ꓥ ꓡꓳ꓿ ꓗ‐ꓛꓲ ꓗꓴꓷꓼ ꓫꓴꓺ ꓗꓪ ꓬꓲ. ꓙꓵ, ꓟꓶ ꓫꓵˍ ꓫꓵˍ ꓪꓽ ꓙꓳˍ ꓟ ꓟꓵꓽ ꓠꓬ ꓘ‐ꓖ‐ꓑꓴ‐ꓣꓲ‐ꓜꓲ ꓐꓰ ꓛ‐ꓖꓳ ꓟꓵꓽ ꓧꓶꓽ ꓟꓵꓽ ꓫ. ꓗ ꓗꓪ ꓥ ꓡꓳ ꓐꓰ ꓢꓷ. ꓪ ꓡꓳ꓿