ꓢꓲꓺ ꓒ ꓬꓰ‐ꓢꓴ ꓡꓰ ꓬꓲ. ꓝꓴ ꓓꓴ ꓐꓴ ꓔꓯ ꓬꓲ ꓮꓽ ꓟ ꓥ ꓟ ꓠꓻ ꓠꓬꓲˍ ꓟ (Sunday reflection)

#creditphoto #Jesus #His disciples

Sunday, August 27, 2023

ꓢꓲꓺ ꓒ ꓬꓰ‐ꓢꓴ ꓡꓰ ꓬꓲ. ꓝꓲ ꓓꓴ ꓐꓴ ꓔꓯ ꓬꓲ. ꓮꓽ ꓟ ꓥ ꓟ ꓠꓻ ꓠꓬꓲˍ ꓟ

ꓠꓬꓲ. ꓠꓬꓲ ꓢꓲꓺ ꓒ ꓦꓬꓼ ꓠꓬꓲ ꓠꓬ ꓘꓴ ꓜꓲꓼ ꓞꓳ ꓟꓵꓽ ꓘꓳꓼ ꓗꓪ ꓐꓰ ((20) ꓫꓵꓽ ꓠꓽ ꓟ ꓢꓲꓺ ꓒ ꓦꓬꓼ ꓠꓬꓲ ꓥ ꓡꓳ꓿ ꓠꓬꓲ. ꓠꓬꓲ ꓢꓲꓺ ꓒ ꓦꓬꓼ ꓠꓬꓲ ꓗꓪ ꓵꓻ ꓠ, ꓟ ꓢꓲꓽ ꓫꓬ ꓕꓳ ꓶ ꓠꓬ ꓟ‐ꓕꓲ ꓕꓳ ꓶ (16ꓽ13‐20) ꓝꓲ. ꓗꓪ ꓛꓲ ꓥ ꓢꓲ ꓠꓬꓲ ꓢꓲꓽ ꓫꓬ ꓕꓳ ꓶ ꓗꓪ ꓢꓲꓺ ꓒ ꓬꓰ‐ꓢꓴ ꓬꓲ ꓮꓽ ꓟ ꓥ ꓟ ꓢꓴ ꓮ ꓡꓲ ꓐꓯˍ ꓡ ꓐꓰ ꓠꓻ ꓠꓬꓲˍ ꓕꓯ ꓝꓲ ꓓꓴ ꓢꓲ‐ꓟꓴ ꓒꓲ‐ꓕꓱ ꓡꓰ ꓒꓳ, ꓢꓲ ꓠꓬꓲ ꓠꓴ ꓠ ꓙꓲ‐ꓢꓴ ꓖꓳ ꓕꓲ ꓣꓳ ꓟ ꓥ ꓡꓳ꓿

ꓢꓯ. ꓔꓬ ꓟ ꓪꓴ‐ꓢ ꓬꓲ ꓮ ꓐꓲ ꓥꓳ ꓐꓰ ꓒꓳ, ꓖꓶ ꓟ ꓢꓲꓽ ꓫꓬ ꓕꓳ ꓶ ꓝꓲ. ꓥ ꓡꓳ꓿ ꓢꓲꓺ ꓒ ꓬꓰ‐ꓢꓴ ꓡꓰ ꓢꓴ ꓡꓰ ꓥꓪ ꓔꓯ ꓮ ꓡꓰ ꓐꓰ ꓬꓲ ꓝꓲ. ꓓꓴ ꓐꓴ ꓔꓯ ꓠꓻ ꓠꓬꓲ ꓟ ꓥ ꓡꓳ꓿ ꓢꓲꓺ ꓒ ꓬꓰ‐ꓢꓴ ꓡꓰ ꓕꓱ ꓡꓰ ꓠꓻ ꓠꓬꓲ ꓟ. ꓪꓴ. ꓠꓬꓲ ꓬꓲ ꓠꓬ ꓔꓱ ꓚꓵ ꓟ ꓪꓴ‐ꓢ ꓮ ꓐꓲ ꓥ ꓟ ꓔꓯ ꓟ. ꓖꓶ ꓔ ꓟ ꓥ ꓡꓳ꓿ ꓬꓲ ꓝꓲ. ꓓꓴ ꓐꓴ ꓮ ꓙꓵꓽ ꓔꓯ ꓬꓲ ꓠꓬ ꓪꓴ‐ꓢ ꓮ ꓐꓲ ꓚꓵ ꓥ ꓟ ꓚꓱ, ꓔꓯ ꓢꓷ. ꓡꓰ ꓠ, ꓟ ꓟ. ꓖꓶ ꓔ ꓟ ꓥ ꓡꓳ꓿

ꓬꓲ ꓝꓲ. ꓓꓴ ꓐꓴ ꓠꓬ ꓬꓲ ꓠꓯ, ꓗꓪ ꓛꓳꓽ ꓟ ꓙꓵ, ꓔꓯ ꓮ ꓘꓶ. ꓟꓽ ꓙꓵ, ꓟ ꓐꓰ ꓟꓽ ꓙ ꓜꓲ ꓟ ꓚꓱ, ꓮ ꓟꓬ, ꓫꓵꓽ ꓒꓬꓱꓼ ꓔꓬ ꓟ ꓪꓴ. ꓠꓬꓲ ꓢꓲꓺ ꓒ ꓬꓰ‐ꓢꓴ ꓠꓬ ꓔꓱ ꓚꓵ. ꓟ ꓪꓴ‐ꓢ ꓮ ꓐꓲ ꓥ ꓟ ꓐꓰ ꓬꓲ. ꓐꓰ ꓕꓲ ꓪ ꓝꓲ. ꓓꓴ ꓐꓴ ꓔꓯ ꓥ ꓟꓲ ꓚꓬꓴ ꓙ ꓟ ꓙꓽ ꓖꓴ ꓗꓪ ꓢꓲꓺ ꓒ ꓐꓰ ꓕꓲ ꓪ ꓙ ꓫꓱ, ꓠ, ꓟ ꓘꓴꓽ ꓗꓷ ꓟ ꓥ ꓡꓳ꓿

ꓠꓬꓲ. ꓠꓬꓲ ꓢꓲꓺ ꓒ ꓬꓰ‐ꓢꓴ ꓡꓰ ꓫ. ꓕꓱ ꓗꓷ ꓟ ꓔꓯ ꓣꓳ ꓓꓵ ꓙ ꓠ, ꓟ ꓮ ꓟꓬ, ꓙꓳˍ ꓟ ꓥ ꓡꓳ꓿ ꓥꓪ ꓠꓬ ꓔꓱ ꓚꓵ ꓟ ꓙꓲ‐ꓢꓴ ꓢꓲꓺ ꓒ ꓕꓲ ꓣꓳ ꓥ ꓡꓳ꓿ ꓖꓳ ꓡꓱ ꓥ ꓟꓲ ꓥꓪ ꓔꓯ ꓢꓴ ꓡꓰ ꓮ ꓡꓰ ꓐꓰ ꓡꓳ. ꓟꓳ ꓡ? ꓐꓰ ꓓꓵ ꓙ ꓓꓴ ꓙꓳˍ ꓟ ꓥ ꓡꓳ꓿ ꓖꓳ ꓡꓱ ꓥ ꓟ ꓪꓴ. ꓠꓬꓲ ꓣꓳ ꓠꓬꓲ. ꓠꓬꓲ ꓢꓲꓽ ꓫꓬ ꓕꓳ ꓶ ꓝꓲ. ꓗꓪ ꓐꓰ ꓢꓲꓺ ꓒ ꓬꓰ‐ꓢꓴ ꓠꓴ ꓥꓪ ꓔꓯ ꓔꓱ ꓚꓵ. ꓟ ꓙꓲ‐ꓢꓴ ꓢꓲꓺ ꓤ ꓕꓲ ꓡꓰ ꓡꓰ ꓐꓰ ꓢꓲꓺ ꓒ ꓗ. ꓠꓯ ꓢꓲ ꓗꓪ ꓛꓳꓽ ꓔꓬ ꓡ ꓝꓮꓲ ꓢꓲꓺ ꓒ ꓐꓯ ꓔ ꓟ ꓐꓯꓽ ꓘꓶꓽ ꓔꓯ ꓒꓴ ꓛꓳꓽ ꓡ ꓐꓰ ꓓꓵꓽ ꓙ ꓫꓪ ꓠꓬꓲˍ ꓓꓴ ꓮ ꓟꓬ, ꓙꓳˍ ꓟ ꓥ ꓡꓳ꓿

ꓣꓳ ꓠꓬ ꓔꓱ ꓚꓵ. ꓟ ꓙꓲ‐ꓢꓴ ꓢꓲꓺ ꓒ ꓕꓲ ꓣꓳ ꓡꓰ ꓐꓰ ꓢꓲꓺ ꓒ ꓗ. ꓠꓯ ꓛꓳꓽ ꓫꓱ, ꓔꓬ ꓥ ꓟꓲ ꓢꓴ ꓡꓰ ꓣꓳ ꓔꓯ ꓥꓳꓽ ꓡꓰ ꓟ ꓚꓱ, ꓔ ꓡꓰ ꓡꓳ. ꓟꓳ ꓟ ꓙꓵ, ꓔꓯ ꓟꓽ ꓔꓱ ꓟꓽ ꓜꓳ ꓟ ꓔꓯ ꓐꓯ ꓟ. ꓫꓱ, ꓔꓱ ꓠ, ꓟ ꓙꓳˍ ꓟ ꓥ ꓡꓳ꓿ ꓖꓳ ꓡꓱ ꓥ ꓟꓲ ꓣꓳ ꓙꓲ‐ꓢꓴ ꓢꓲꓺ ꓤ ꓕꓲ ꓣꓳ ꓥ ꓟꓲ ꓣꓳ ꓢꓯ. ꓔꓬ ꓟ ꓙꓵ, ꓗꓪ ꓟꓽ ꓔꓱ ꓟꓽ ꓜꓳ ꓚꓱ, ꓐꓰ ꓛꓳ ꓫꓱ, ꓢꓲꓺ ꓒ ꓐꓯ ꓘꓶꓽ ꓔꓯ ꓟꓽ ꓛꓳ ꓑꓶ ꓠꓬ ꓢꓴ ꓡꓰ ꓣꓳ ꓔꓯ ꓮ ꓡꓰ ꓐꓰ ꓐꓯ ꓔꓬ ꓡ ꓮ ꓡꓰ ꓐꓰ ꓡꓳ. ꓟꓳ ꓡ? ꓣꓳ ꓓꓵ ꓙ ꓢꓲ ꓠꓬꓲ ꓓꓵ ꓙ ꓒꓳ, ꓡꓶꓽ ꓠ, ꓟ ꓢꓯꓼ ꓕꓵꓼ ꓓꓴ ꓬꓰ ꓡꓯ꓿ ꓢꓲꓺ ꓒ ꓬꓰ‐ꓢꓴ ꓥ ꓟꓲ ꓢꓴ ꓡꓰ ꓬꓲ. ꓔꓯ ꓟꓽ ꓔꓱ ꓟꓽ ꓜꓳ ꓟ ꓐꓯ ꓔꓬ ꓟ ꓚꓱ, ꓔꓯ ꓔꓱ ꓚꓵ. ꓟ ꓚꓱ, ꓗꓪ ꓫꓬ, ꓔꓱ, ꓖꓶ ꓗꓷ ꓟ ꓥ ꓡꓳ꓿

ꓢꓴ ꓔꓱ ꓣꓳ ꓔꓯ ꓟꓽ ꓔꓱ ꓟꓽ ꓜꓳ ꓚꓱ, ꓔꓯ ꓡꓳ. ꓟꓳ ꓕꓯ ꓫꓬ, ꓔꓱ ꓖꓶ ꓠ, ꓟ ꓬꓰ ꓠ, ꓔ ꓡꓳ꓿ ꓖꓳ ꓡꓱ ꓥ ꓟꓲ ꓣꓳ ꓛꓳꓽ ꓫꓱ ꓟ ꓠꓬ ꓟꓽ ꓔꓱ, ꓟ ꓕꓲ ꓒꓳ, ꓟꓽ ꓛꓳꓽ ꓫꓱ, ꓠ, ꓟ ꓣꓳ ꓚꓵ. ꓡꓳ꓿ ꓖꓳ ꓢꓯ. ꓔꓬ ꓟ ꓠꓬ ꓢꓲꓺ ꓒ ꓬꓰ‐ꓢꓴ ꓗ. ꓠꓯ ꓢꓲ ꓛꓳꓽ ꓢꓴ ꓚꓵ. ꓒꓬꓱꓼ ꓡ ꓠ, ꓟ ꓢꓯꓼ ꓕꓵꓼ ꓓꓴ ꓬꓰ ꓡꓯ꓿

ꓕꓲ ꓧꓪ, ꓧꓪ ꓣꓳ ꓔꓯ ꓢꓴ ꓡꓰ ꓠꓻ ꓠꓬꓲˍ ꓡ ꓟ ꓠꓻ ꓠꓬꓲˍ ꓘꓶꓽ ꓠꓬ ꓮ ꓟꓬ, ꓛꓲ ꓒꓵꓽ ꓟ ꓥ ꓡꓳ꓿ ꓠꓬꓲ. ꓠꓬꓲ ꓢꓲꓺ ꓒ ꓬꓰ‐ꓢꓴ ꓡꓰ ꓠꓴ ꓥꓪ ꓔꓯ ꓢꓲꓺ ꓒ ꓗ. ꓠꓯ ꓛꓳ ꓠ, ꓟ ꓘꓴꓽ ꓔꓬ ꓟ ꓥ ꓡꓳ꓿ ꓣꓳ ꓢꓲꓺ ꓒ ꓐꓰ ꓕꓲ ꓪ ꓛꓳꓽ ꓫꓱ, ꓓꓴ ꓬꓰ ꓡꓯ꓿ ꓢꓲꓺ ꓒ ꓠꓯ, ꓗꓪ ꓡ ꓓꓴ ꓬꓰ ꓡꓯ꓿