ꓲ˗ꓓꓲ˗ꓬ ꓗꓴꓷꓼ ꓖꓴ wu. ꓕꓲ ꓒꓳꓹ ꓗꓪ ꓙꓲ˗ꓢꓴ ꓢꓲꓺ ꓤ ꓐꓴ ꓔꓯ ꓢꓰꓼ ꓔꓯ ꓠꓽ ꓗꓷ ꓠꓹ ꓟ ꓲ˗ꓓꓲ˗ꓬ ꓔꓲꓺ ꓒ ꓓꓽ Dominic Lumon ꓡꓰ ꓐꓯ ꓟ ꓓꓳꓽ

ꓲ˗ꓓꓲ˗ꓬ ꓗꓴꓷꓼ ꓖꓴ wu. ꓕꓲ ꓒꓳꓹ ꓗꓪ ꓙꓲ˗ꓢꓴ ꓢꓲꓺ ꓤ ꓐꓴ ꓔꓯ ꓢꓰꓼ ꓔꓯ ꓠꓽ ꓗꓷ ꓠꓹ ꓟ ꓲ˗ꓓꓲ˗ꓬ ꓔꓲꓺ ꓒ ꓓꓽ Dominic Lumon ꓡꓰ ꓐꓯ ꓟ ꓓꓳꓽ

ꓲ‐ꓓꓲ‐ꓬ ꓔꓲꓺ ꓒ ꓓꓽ Dominic Lumon ꓡꓰ ꓲ‐ꓓꓲ‐ꓬ ꓗꓴꓷꓼ Maniur ꓗꓴꓷꓼ ꓫꓴꓻ ꓗꓪ ꓔꓬ ꓟ ꓙꓲ‐ꓢꓴ ꓢꓲꓺ ʼꓤ ꓐꓴ ꓔꓯ ꓢꓰꓼ ꓟ ꓚꓱ, ꓔꓯ ꓠꓽ ꓡꓰ ꓠ, ꓟ ꓓꓰꓽ ꓗꓷ ꓟ ꓥ ꓡꓳ꓿ ꓝꓮꓲ ꓙꓲ‐ꓢꓴ ꓢꓲꓺ ꓤ ꓐꓴ ꓑ ꓫꓬ ꓮ ꓟꓬ, ꓫꓵꓻ ꓡꓰ ꓟ ꓪꓴ. ꓠꓬꓲ ꓕꓱ ꓡꓰ ꓬꓰ ꓟ ꓚꓱ, ꓮ ꓙꓵꓽ ꓔꓯ ꓞꓼ ꓞꓼ ꓠꓽ ꓗꓷ ꓠ, ꓟ ꓐꓯ ꓔ ꓟ ꓥ ꓡꓳ꓿ ꓮ ꓟꓶ ꓟ ꓙꓵ, ꓗꓪ ꓠꓬ Manipur ꓟꓵꓽ ꓗꓪ Internet ꓟꓽ ꓖꓶ ꓔ ꓟ ꓥ ꓡꓳ꓿

ꓖꓳ ꓡꓱ ꓥ ꓟ ꓪꓴ. ꓠꓬꓲ ꓕꓱ ꓟꓵꓽ ꓗꓪ ꓒꓬꓱꓼ ꓔꓬ ꓟ ꓫꓵꓽ ꓪꓴꓽ ꓔꓯ ꓬꓰ ꓙ ꓢꓴ ꓜꓴꓻ ꓡꓰ ꓬꓰ ꓙ ꓠ, ꓟ ꓫ. ꓔꓬ ꓡꓳ ꓐꓰ ꓐꓯ ꓔ ꓡꓳ꓿

ꓝꓮꓲ ꓑ ꓫꓬ ꓮ ꓟꓬ, ꓥ ꓟꓲ ꓜ ꓓꓴ ꓓꓳꓻ ꓓꓴ ꓫ. ꓔꓬ ꓡꓳ ꓐꓰ ꓐꓯ ꓔ ꓡꓳ꓿ ꓗꓳ. ꓗꓷ ꓟ (5) ꓦ ꓗꓪ ꓐꓰ ꓠꓬꓲ. ꓠꓬꓲ ꓗꓪ ꓛꓲ ꓪꓽ ꓘꓴ ꓦꓲꓻ (300) ꓦꓲꓻ ꓐꓰ ꓑ ꓫꓬ ꓔꓬ ꓦꓲꓻ ꓮ ꓟꓬ, ꓐꓬ ꓡꓰ ꓝꓲꓳ ꓐꓰ ꓐꓯ ꓔ ꓡꓳ꓿ ꓙꓲ‐ꓢꓴ ꓢꓲꓺ ꓤ ꓦꓲꓻ ꓮ ꓟꓬ, ꓥ ꓟꓲ ꓮ. ꓔꓳ ꓚꓴ ꓗꓷ ꓟ ꓥ ꓡꓳ ꓐꓰ ꓐꓯ ꓔ ꓡꓳ꓿

ꓳ ꓡꓱ ꓥ ꓟ ꓪꓴ. ꓠꓬꓲ ꓫ. ꓔꓬ ꓢꓴ ꓙꓲ‐ꓢꓴ ꓢꓲꓺ ꓤ ꓐꓴ ꓔꓯ ꓲ‐ꓓꓲ‐ꓬ ꓗꓴꓷꓼ ꓗꓪ ꓪꓴ‐ꓢ ꓟꓬꓱꓽ ꓟꓯ ꓔꓬ ꓟ ꓔꓲꓺ ꓒ ꓔꓲꓺ ꓟ ꓐꓴ ꓔꓯ ꓐ ꓡ ꓟꓬ, ꓛꓲ ꓬꓰ ꓙ ꓔꓳ, ꓟ ꓠ, ꓟ ꓐꓯ ꓔ ꓡꓳ꓿ ꓝꓮꓲ ꓔꓲꓺ ꓒ ꓓꓽ ꓡꓰ ꓫꓵꓽ ꓪꓴꓽ ꓔꓯ ꓠꓽ ꓡꓰ ꓠ, ꓟ ꓔꓱ ꓚꓵ. ꓟ ꓫꓵꓽ ꓘꓶꓽ ꓠ, ꓟ ꓮ ꓟꓬ, ꓪꓽ ꓘꓴ ꓙ ꓓꓴ ꓬꓰ ꓡꓯ ꓐꓰ ꓓꓰꓽ ꓔ ꓡꓳ꓿ ꓑ ꓫꓬ ꓐꓴ ꓠꓲ, ꓟ ꓘꓴ ꓗꓪ ꓓꓶꓽ ꓡꓯ ꓘꓳ, ꓠ, ꓟ ꓐꓰ ꓢꓰꓼ ꓡꓯꓽ ꓘꓳ ꓠ, ꓟ ꓠꓲ, ꓟ ꓟꓽ ꓙꓳˍ ꓠ, ꓟ ꓮ ꓘꓶ. ꓛꓲ ꓪꓽ ꓘꓴ ꓙ ꓓꓴ ꓬꓰ ꓡꓯ ꓐꓰ ꓓꓰꓽ ꓔ ꓡꓳ꓿

ꓲ‐ꓓꓲ‐ꓬ ꓗꓴꓷꓼ ꓘꓴꓽ ꓗꓪ ꓫꓵꓽ ꓪꓴꓽ ꓒꓬꓱꓼ ꓡꓯꓽ ꓘꓳ ꓟ ꓠꓬ ꓦꓰ‐ꓓꓴ ꓙꓵꓻ ꓠꓲ, ꓔꓯ ꓙꓵꓽ ꓢꓴ ꓟꓰꓲꓔꓰꓲ ꓞꓳ ꓫꓵꓽ ꓐꓴ ꓐꓰ ꓙꓲ‐ꓢꓴ ꓢꓲꓺ ꓤ ꓐꓴ ꓥ ꓟ ꓡ ꓞꓳ ꓮ ꓟꓬ, ꓟꓽ ꓔꓬ ꓟ KUKI ꓐꓰ ꓠꓮꓖꓮ ꓞꓳ ꓫꓵꓽ ꓐꓴ ꓘꓴꓽ ꓗꓪ ꓒꓬꓱꓼ ꓡꓯꓽ ꓘꓳ ꓟ ꓫꓵꓽ ꓪꓴꓽ ꓥ ꓡꓳ꓿

ꓲ‐ꓓꓲ‐ꓬ ꓗꓴꓷꓼ ꓠꓬ ꓦꓰ‐ꓓꓴ ꓙꓵꓽ ꓠꓲ, ꓔꓯ ꓮ ꓟꓬ, ꓙꓵꓽ ꓢꓴ ꓗꓴꓷꓼ ꓕꓲ ꓗꓴꓷꓼ ꓥ ꓡꓳ꓿ ꓟꓮꓠꓲꓑꓴꓣ ꓟꓵꓼ ꓠꓬ ꓟꓬ‐ꓟ ꓗꓴꓷꓼ ꓒ ꓕꓲ ꓗꓪ ꓙꓳˍ ꓟ ꓟꓵꓽ ꓥ ꓡꓳ ꓐꓰ (ꓣꓦꓮ) ꓓꓳꓽ ꓗꓪ ꓐꓰ ꓢꓷ. ꓪ ꓡꓳ꓿