ꓚꓲ. ꓛꓬ ꓡꓯ ꓐꓳ ꓔꓶ. ꓓꓴ ꓑꓳ. ꓢꓲ ꓢꓲ ꓒ ꓔꓯ ꓛꓳ ꓙꓰ (22rd Sunday Homily)

    ꓠꓬꓲ. ꓠꓬꓲ. ꓢꓲ ꓫꓬ ꓕꓳ ꓶ ꓗꓪ ꓣꓳꓽ ꓮ ꓙꓵꓽ ꓢꓴ ꓔꓯ ꓢꓲ ꓒ ꓬꓰ‐ꓢꓴ ꓠꓬ ꓬꓲ. ꓛꓳ ꓒꓯ ꓐꓴ ꓠꓬ ꓮ ꓡꓰ ꓫꓵꓽ ꓠꓲ, ꓟ ꓙꓳ ꓠ, ꓟ ꓣꓳ ꓔꓯ ꓡꓬ. ꓖꓶꓽ ꓡˍ ꓡꓳ꓿ ꓮ ꓟ ꓥˍ ꓟꓲ ꓚꓲ. ꓛꓬ ꓠꓲ, ꓡꓶꓽ ꓔꓯ ꓟꓽ ꓛꓳ ꓛꓳ ꓐꓰ ꓪꓴ‐ꓢꓴ ꓠꓲ, ꓡꓶꓽ ꓔꓯ ꓛꓳ ꓠ, ꓟ ꓐꓱ ꓶ ꓢꓲ ꓒ ꓬꓰ‐ꓢꓴ  ꓐꓯ ꓔ ꓡꓳ꓿ ꓝꓮꓲ꓾ ꓮ ꓟ ꓥˍ ꓟꓲ ꓕꓲꓽ ꓟꓵꓽ ꓡꓱ. ꓔꓯ ꓙꓵꓽ ꓐ, ꓡ ꓥˍ ꓟꓲ ꓚꓲ. ꓛꓬ ꓦꓬ ꓕꓱ ꓟ ꓟꓶꓽ ꓙꓰˍ ꓠꓬ ꓮ ꓫꓵꓽ ꓗꓴ. ꓙꓲ ꓙꓳˍ ꓡ?" ꓐꓰ ꓠ ꓠꓬꓲ ꓔ ꓡꓳ꓿ ꓟꓲ ꓠꓯ ꓕꓱ ꓟ ꓗꓪ ꓒꓵꓽ ꓓꓰ ꓡꓰ ꓟ ꓠꓬ ꓦ ꓥ ꓡꓳ꓿ ꓦ ꓕꓯ ꓢꓲꓽ  ꓒꓵꓽˍ ꓫꓵꓽ ꓟ ꓙꓳ꓿ ꓦ ꓢꓯꓼ ꓟꓬ ꓚꓬꓴ. ꓟꓶ ꓓꓴ ꓥˍ ꓟꓲ  ꓣꓳ ꓽ ꓠꓲ,  ꓡꓶꓽ ꓔꓯ ꓟꓽ ꓛꓳ ꓕꓯ ꓡꓰ ꓟꓶ. ꓡꓳ꓿ ꓖꓳ ꓡꓱ ꓠꓬꓲ ꓬꓲꓼ ꓤ ꓠꓬꓲ ꓤ ꓐꓴ‐ꓳ ꓢꓯꓼ ꓟꓬꓺ ꓠꓬ ꓪꓴ‐ꓢ ꓔꓬ, ꓗꓪ ꓡꓰ ꓓˍ ꓡꓳ꓿ ꓪꓴ‐ꓢ ꓔꓬ, ꓗꓪ ꓛꓲ ꓬꓰ ꓠ, ꓟ ꓐꓱ ꓶ ꓣꓳꓽ ꓠꓬ ꓚꓲ. ꓛꓬ ꓡꓯ ꓐꓳ ꓔꓶ. ꓓꓴ ꓑꓳ. ꓠ ꓗˍ ꓡꓳ꓿ ꓔꓱ, ꓚꓵˍ ꓟ꓾ ꓗ, ꓛꓲ ꓟ ꓾ ꓢꓲ ꓡꓲ ꓟ ꓠꓬ ꓡꓯꓼ ꓐꓳ ꓔꓶ. ꓓꓴ ꓘꓴꓽ ꓗꓪ ꓡꓰ ꓓꓯˍ ꓡꓳ꓿ ꓞꓳ ꓤ ꓮ ꓙꓵꓽ ꓠꓬ ꓢꓲ ꓡꓲ ꓟ ꓔꓯ ꓡꓰ ꓧꓪ ꓔꓬ, ꓫꓵꓽ ꓟꓽ ꓥ ꓡ? ꓢꓲ ꓒ ꓬꓰ‐ꓢꓴ ꓠꓬ ꓢꓲ ꓡꓰ ꓟ ꓥ ꓡꓳ꓿ ꓬꓲ. ꓔꓯ ꓟꓶ, ꓠ, ꓟ ꓐꓱ ꓶ ꓣꓳꓽ ꓠꓬ ꓚꓲ. ꓛꓬ ꓡꓯꓼ ꓐꓳ ꓔꓶ. ꓓꓴ ꓑꓳ. ꓠ ꓗˍ ꓡꓳ꓿ ꓮ ꓙꓵꓽ ꓢꓴ ꓚꓲ. ꓛꓬ ꓡꓯꓼ ꓐꓳ ꓔꓶ. ꓓꓴ ꓑꓳ. ꓐ, ꓡ ꓢꓲ ꓪꓴ‐ꓢꓴ ꓠꓲ, ꓡꓶꓽ ꓛꓳ ꓐ ꓡ ꓝꓲ꓿