ꓟꓬ-ꓟ ꓦꓲꓻ ꓫꓵꓹ ꓚꓵꓺ ꓔꓯ ꓖꓴ ꓟꓶꓸ ꓗꓳ-ꓣꓲ-ꓬ ꓐꓴ ꓡꓰ ꓠꓵˍ ꓟ ꓑꓶꓸ ꓓꓴ ꓕꓲ ꓘꓳꓼ ꓡꓱꓸꓼ ꓡꓯꓼ ꓘꓪ ꓩꓴ ꓡˍ ꓠꓹ ꓟ ꓐꓱ ꓶ ꓶꓼ ꓓꓰꓽ ꓔ ꓟ ꓙꓳˍ ꓡꓳ

ꓟꓬ-ꓟ ꓗꓴꓷꓼ ꓗꓪ ꓫꓬꓹ ꓔ ꓟ ꓦꓲꓻ ꓫꓵꓹ ꓚꓵꓺ ꓔꓯ ꓖꓴ ꓟꓶꓸ ꓗꓳ-ꓣꓲ-ꓬ ꓐꓴ ꓡꓰ ꓠꓵˍ ꓟ ꓑꓶꓸ ꓓꓴ ꓕꓲ ꓘꓳꓼ ꓡꓱꓸꓼ ꓡꓯꓼ ꓘꓪ ꓩꓴ ꓠꓹ ꓟ ꓐꓱ ꓶ ꓶꓼ ꓓꓰꓽ ꓔ ꓟ ꓙꓳˍ ꓡꓳ ꓐꓰ ꓫꓪꓰ-ꓑꓬꓲ-ꓔ ꓡꓳ ꓒꓱ ꓶꓻ ꓡꓯꓼ ꓬꓰ ꓢꓴ ꓐꓴ ꓜꓴ ꓗꓪ ꓐꓰ ꓢꓷꓸ ꓪ ꓡꓳ=

ꓜꓴ ꓖꓳ ꓟ ꓗꓪ ꓐꓰ ꓦꓲꓻ ꓫꓵꓹ ꓚꓵꓺ 35ꓹ000 ꓕꓷꓹ ꓧꓳꓽ ꓓꓲˍ ꓟ 40’ ꓙꓳˍ ꓟ ꓚꓳꓠꓔꓮꓲꓠꓰꓣ ꓗꓪ ꓐꓰ ꓦ ꓐ ꓕꓲ ꓟ ꓗꓪ ꓠꓬꓲꓽ ꓚꓳꓠꓔꓮꓲꓠꓰꓣ꓾ ꓕꓲ ꓘꓳꓼ ꓗꓪ ꓚꓳꓠꓔꓰꓣꓠꓰꓣ 24 ꓟ ꓦꓲꓻ ꓫꓵꓹ ꓫꓵꓺ ꓮ ꓙꓵꓽ 840ꓹ000 ꓛꓲ ꓔꓯ ꓖꓴ ꓟꓶꓸ ꓗꓳ-ꓣꓲ-ꓬ ꓗꓪ ꓕꓲ ꓘꓳꓼ ꓡꓱꓸꓼ ꓖꓶ ꓩꓴ ꓔꓬ ꓡꓳ ꓐꓰ ꓢꓷꓸ ꓪ ꓡꓳ=

ꓦꓲꓻ ꓫꓵꓹ ꓚꓵꓺ ꓔꓯ Made in Myanmar ꓟꓬꓱꓺ ꓗꓪ ꓐꓰ ꓖꓴ ꓟꓶꓸ ꓗꓳ-ꓣꓲ-ꓬ ꓗꓪ ꓖꓶ ꓩꓴ ꓔꓬ ꓟ ꓥ ꓢꓲ꓾ ꓦ ꓐ ꓕꓲ ꓟ ꓗꓪ ꓟꓬ-ꓟ ꓒꓴ 300 ꓫꓬꓹ ꓟꓽ ꓞꓲꓺ ꓟꓶ ꓔꓬ ꓟ ꓥ ꓡꓳ꓾ ꓐꓰ ꓢꓷꓸ ꓪ ꓡꓳ= ꓮ ꓟꓶ ꓟꓬ-ꓟ ꓗꓴꓷꓼ ꓗꓪ ꓫꓬꓹ ꓔꓬ ꓟ ꓦꓲꓻ ꓫꓵꓹ ꓚꓵꓺ ꓔꓯ ꓖꓴ ꓟꓶꓸ ꓗꓳ-ꓣꓲ-ꓬ ꓗꓪ ꓟꓬꓽ ꓠꓬꓲ ꓖꓶ ꓩꓴ ꓔꓬ ꓟ ꓥ ꓢꓲ ꓟ-ꓡꓰꓹ-ꓫ꓾ ꓲ-ꓓꓲ-ꓬ꓾ ꓕꓮꓲꓹ꓾ ꓗꓳ-ꓣꓲ-ꓬ ꓗꓴꓷꓼ ꓐꓴ ꓗꓪˍ ꓟꓲ ꓖꓶ ꓩꓴ ꓔꓬ ꓟ ꓥ ꓡꓳ꓾ ꓐꓰ ꓢꓷꓸ ꓪ ꓡꓳ=