ꓮ‐ꓡꓮꓟ ꓡꓯꓼ ꓐꓳ ꓔꓶ. ꓓꓴ ꓪꓽ ꓙꓵꓽ ꓗꓪ ꓪꓽ ꓘꓴ ꓑꓮꓲ ꓗꓪ Cardinal ꓐꓰ ꓔꓲꓺ ꓒ ꓪ ꓔꓲ ꓝꓲ ꓓꓴ꓾ ꓔꓲꓺ ꓒ ꓓ Noel ꓐꓴ ꓡ ꓗꓷ ꓟ ꓓꓳꓽ

ꓮ‐ꓡꓮꓟ ꓡꓯꓼ ꓐꓳ ꓔꓶ. ꓓꓴ ꓪꓽ ꓙꓵꓽ ꓗꓪ ꓪꓽ ꓘꓴ ꓑꓮꓲ ꓗꓪ Cardinal ꓐꓰ ꓔꓲꓺ ꓒ ꓪ ꓔꓲ ꓝꓲ ꓓꓴ꓾ ꓔꓲꓺ ꓒ ꓓ Noel ꓐꓴ ꓡ ꓗꓷ ꓟ ꓓꓳꓽ

9 ꓦ14 ꓠꓬꓲ 2023 ꓘꓳꓼ ꓕꓯ ꓟꓲ‐ꓚꓲ‐ꓠ ꓡꓳ ꓒꓱ ꓮ‐ꓡꓮꓟ ꓡꓯꓼ ꓐꓳ ꓔꓶ. ꓓꓴ ꓪꓽ ꓙꓵꓽ ꓗꓪ ꓪꓽ ꓘꓴ ꓡ ꓢꓴ ꓙꓲ‐ꓢꓴ ꓢꓲꓺ ꓤ ꓕꓲꓽ ꓟꓶꓽ ꓣꓳ ꓟꓽ ꓞꓲ ꓡ ꓗꓷꓳ꓾ ꓐꓰ ꓢꓷ. ꓪ ꓡꓳ꓿ ꓗ‐ꓕꓳ‐ꓡꓲ ꓘꓴ ꓜꓲꓼ ꓞꓳ ꓐꓴ ꓡꓰ ꓧꓳꓽ ꓪꓴ. ꓟꓴ ꓢꓲ ꓠꓬꓲ (40) ꓧꓪ, ꓟ ꓮ‐ꓡꓮꓟ ꓡꓯꓼ ꓐꓳ ꓔꓶ. ꓓꓴ ꓪꓽ ꓙꓵꓽ ꓗꓪ ꓪꓽ ꓘꓴ ꓑꓮꓲ ꓓꓽ ꓔꓯ ꓬꓰ ꓓꓳ ꓡꓰꓳ꓾ ꓐꓰ ꓢꓷ. ꓪ ꓡꓳ꓿ ꓟꓲ‐ꓢ ꓪꓽ ꓘꓴ ꓙꓵ, ꓗꓪ ꓔꓲꓺ ꓒ ꓓꓽ Cardinal Charles Bo ꓐꓰ Yangon ꓔꓲꓺ ꓒ ꓓꓽ Noel Saw Naw Aye ꓐꓰ ꓔꓲꓺ ꓒ ꓪ ꓔꓲ ꓝꓲ ꓓꓴ Rev Msgr. Andrea ꓡꓰ ꓟꓲ-ꓢ ꓪꓽ ꓘꓴ ꓙꓵꓹ ꓔꓯ ꓬꓰ ꓖꓶ ꓗꓷ ꓟ ꓥ ꓡꓳ=

ꓝꓮꓲ Cardinal ꓡꓰ ꓡꓯꓼ ꓐꓳ ꓔꓶꓸ ꓓꓴ ꓠꓬ ꓣꓳ ꓙꓲ-ꓢꓴ ꓢꓲꓺ ꓤ ꓐꓴ ꓐꓱ ꓶ ꓧꓪꓸ ꓡꓰ ꓓꓴ ꓥ ꓡꓳ= ꓣꓳ ꓚꓬꓴ. ꓢꓲꓺ ꓒ ꓬꓰ-ꓢꓴ ꓠꓯꓸꓼ ꓗꓪ ꓮ ꓕꓯ ꓥ ꓟꓲ ꓪꓽ ꓘꓴ ꓢꓲ ꓠꓬꓲ ꓛꓳ ꓫꓱ: ꓠꓹ ꓟ ꓟꓸ ꓟꓲꓽ ꓚꓺ ꓖꓶ ꓗꓷ ꓟ ꓥ ꓡꓳ=ꓔꓲꓺ ꓒ ꓪ ꓔꓲ ꓝꓲ ꓓꓴ ꓗꓪ ꓐꓰ ꓥ ꓟꓲ ꓙꓲ-ꓢꓴ ꓢꓲꓺ ꓤ ꓐꓴ ꓔꓯ ꓢꓯꓼ ꓖꓶ ꓘꓶ ꓫꓸ ꓕꓱ ꓗꓷꓳ=

ꓮ‐ꓡꓮꓟ ꓡꓯꓼ ꓐꓳ ꓔꓶ. ꓓꓴ ꓪꓽ ꓙꓵꓽ ꓗꓪ ꓬꓲ. ꓪꓴ. ꓪꓽ ꓘꓴˍ ꓟ ꓑꓮꓲꓽ ꓔꓯ 1983 ꓘꓳꓼ ꓕꓯ ꓬꓰ ꓗꓷꓳ꓿ ꓮ‐ꓡꓮꓟ ꓡꓯꓼ ꓐꓳ ꓔꓶ. ꓓꓴ ꓪꓽ ꓙꓵꓽ ꓠꓬ ꓟꓲ‐ꓚꓲ‐ꓠ ꓡꓳ ꓒꓱ ꓗꓪ ꓐꓰ ꓡꓳ‐ꓔ 15 ꓕꓷ, ꓶˍ ꓟ ꓥ ꓡꓳ꓾ ꓐꓰ ꓢꓷ. ꓪ ꓡꓳ꓿

ꓝꓮꓲ 9 ꓦ 16 ꓠꓬꓲ 2023 ꓘꓳꓼ ꓕꓯ ꓥ ꓟꓲ ꓟꓲ-ꓚꓲ-ꓠ ꓢ-ꓢꓶ-ꓠ ꓢꓧꓮꓓꓮꓪ ꓔꓲꓺ ꓒ ꓙꓵ: ꓔꓶ. ꓧꓑꓮꓣꓮꓪ ꓘꓹ ꓡꓯ: ꓐꓳ ꓔꓶ. ꓓꓴ ꓔꓯ ꓶ ꓥꓳ: ꓙꓱꓽˍ ꓟ ꓐꓰ ꓪ: ꓘꓴ ꓦꓲꓻ ꓫꓵꓼ ꓔꓯ ꓶ: ꓥꓳꓽ ꓙꓱꓽ ꓖꓶˍ ꓟ ꓔꓯ 9 ꓦ 16 ꓠꓬꓲ 2023 ꓘꓳꓼ ꓕꓯ ꓬꓰ ꓓꓳ ꓡꓰꓳ꓿

ꓕꓱ ꓪ: ꓘꓴ ꓜꓲꓼ ꓓꓴ ꓗꓪ ꓠꓬ ꓔꓲꓺ ꓒ ꓓ: Cardinal Charles Bo ꓐꓰ ꓬꓮꓠꓖꓳꓠ ꓔꓲꓺ ꓒ ꓓ: Noel Saw Naw Aye ꓐꓰ ꓔꓲꓺ ꓒ ꓪ ꓔꓲ ꓝꓲ ꓓꓴ ꓔꓲꓺ ꓒ Rev Msgr. Andrea ꓐꓰ ꓔꓲꓺ ꓒ ꓓ: ꓝꓣꓮꓠꓚꓲꓢ ꓐꓴ ꓪ: ꓘꓴ ꓙꓵꓹ ꓔꓯ ꓬꓰ ꓖꓶ ꓗꓷ ꓟ ꓥꓳ꓾

ꓙꓲ‐ꓢꓴ ꓢꓲ ꓤ ꓐꓴ ꓥ ꓟꓲ ꓮ ꓟꓬꓹ ꓡ ꓢꓲ꓾ ꓪ: ꓘꓴ ꓡ ꓟ ꓔꓯ ꓥ ꓟꓲ ꓡꓳ. ꓟꓳ ꓪ ꓡꓳ꓿