ꓡ-ꓛꓬꓰꓸ ꓥꓳꓽ ꓗꓪ ꓐꓰ ꓬꓲ ꓪꓴꓸ ꓕꓲ ꓧꓪꓹ ꓗ-ꓔꓳ-ꓡꓲꓗ ꓘꓴ ꓜꓲꓼ ꓞꓳ ꓢꓲ ꓤ ꓐꓴ ꓟꓲ-ꓢ ꓬꓰ ꓗꓷꓳ

ꓗ-ꓛꓲ ꓞꓳ ꓫꓵꓽ ꓘꓴꓽ ꓗꓪ ꓐꓰ ꓡ-ꓛꓬꓰꓸ ꓞꓳ ꓫꓵꓽ ꓗ-ꓔꓳ-ꓡꓲꓗ ꓘꓴ ꓜꓲꓼ ꓞꓳ ꓢꓲ ꓤ ꓐꓴ ꓬꓲ ꓪꓴꓸ ꓕꓲ ꓧꓪꓹ ꓟ ꓚꓲꓸ ꓛꓬ ꓡ-ꓛꓬꓰꓸ ꓥꓳꓽ ꓗꓪ ꓐꓰ ꓟꓲ-ꓢ ꓔꓲ ꓖꓶˍ ꓟ ꓔꓯ ꓐꓶ-ꓬꓲ ꓗꓴꓷꓼ ꓫꓴ ꓖꓴ ꓪꓴꓸ꓾ ꓡ-ꓫꓬꓳ ꓢ-ꓢꓶ-ꓠꓽ ꓡ-ꓫꓬꓳ ꓡꓳ ꓒꓱ꓾ ꓬꓰ-ꓢꓴ ꓬꓲ ꓫꓵꓺ ꓠꓲꓹ ꓟ ꓪꓽ ꓘꓴ ꓦꓲ ꓗꓪ 2023 ꓘꓳꓼ꓾ 9 ꓦ 16 ꓠꓬꓲ꓾ ꓠꓯꓼ 11ꓽ00 ꓙꓵꓹ ꓕꓯ ꓧꓪꓸ ꓧꓪꓸꓼ ꓐꓰ ꓬꓰ ꓓꓳ ꓡꓰꓳ꓾ ꓐꓰ ꓢꓷꓸ ꓪ ꓡꓳ=

ꓬꓲ ꓪꓴꓸ ꓟ ꓡ-ꓛꓬꓰꓸ ꓥꓳꓽ ꓗꓪ ꓐꓰ ꓔꓲ ꓖꓶˍ ꓟ ꓟꓲ-ꓢ ꓔꓲ ꓓꓴ ꓔꓯ ꓡ-ꓫꓬꓳ ꓗ-ꓔꓳ-ꓡꓲꓗ ꓢ-ꓢꓶ-ꓠ ꓔꓲ ꓒ ꓓꓽ ꓟ ꓡꓴ-ꓘ Jumhpauk Dau Ze꓾ ꓔꓲ ꓒ  Luksing Ying Bawm ꓐꓰ ꓔꓲ ꓒ Luksing Sau Luk ꓐꓴ ꓗꓪ ꓐꓰ ꓟꓲ-ꓢ ꓔꓲ ꓖꓶ ꓗꓷꓳ= ꓟꓲ-ꓢ ꓘꓴꓽ ꓗꓪ ꓔꓲ ꓒ ꓓꓽ ꓡꓴꓚꓴꓢ ꓓꓮꓴ ꓜꓰ ꓗꓪ ꓐꓰ ꓡ-ꓛꓬꓰꓸ ꓥꓳꓽ ꓗꓪ ꓐꓰ ꓫꓸ ꓕꓱ ꓖꓶ ꓗꓷꓳ=

ꓟꓲ-ꓢ ꓘꓴꓽ ꓗꓪ ꓔꓲ ꓒ ꓔꓲ ꓟ ꓐꓴ꓾ ꓪꓴ-ꓢ ꓟꓬꓱꓽ ꓬꓰ ꓢꓴ ꓐꓴ꓾ ꓡ-ꓛꓬꓰꓸ ꓕꓳꓽ ꓶ ꓒꓳꓹ ꓢꓴ ꓐꓴ꓾ ꓠꓱꓸ ꓐꓯ ꓔꓲ ꓒ ꓙꓵꓽ ꓔꓶꓸ ꓗꓪ ꓐꓰ ꓡ ꓢꓴ ꓐꓴ꓾ ꓮ ꓙꓵꓽ ꓠꓬ 100 ꓣꓳ ꓟꓽ ꓞꓲꓺ ꓟꓲ-ꓢ ꓔꓲˍ ꓟ ꓗꓪ ꓐ ꓗꓷꓳ꓾ ꓐꓰ ꓢꓷꓸ ꓪ ꓡꓳ=

ꓖꓳ ꓟ ꓡꓰꓽ ꓟꓽ ꓞꓲꓺ 2023 ꓘꓳꓼ 9 ꓦ 17 ꓠꓬꓲ ꓠꓯꓼ 11ꓽ00 ꓙꓵꓹ ꓕꓯ ꓡ-ꓫꓬꓳ ꓡꓳ ꓒꓱ ꓒ ꓕꓲꓺ꓾ ꓟꓮꓲꓹ-ꓔꓲꓠ ꓞꓳ ꓘꓹ ꓗꓪ ꓙꓳˍ ꓟ Infant Jesus ꓪꓽ ꓘꓴ ꓦꓲ ꓗꓪ ꓔꓲ ꓒ Lashin Brang San Awng ꓡꓰ ꓧꓳꓽ ꓪꓴꓸ ꓟꓴ ꓢꓲ ꓠꓬꓲꓽ ꓧꓪꓹ ꓕꓲ ꓧꓪꓹ ꓟ ꓡ-ꓛꓬꓰꓸ ꓥꓳꓽ ꓗꓪ ꓐꓰ ꓟꓲ-ꓢ ꓔꓲꓺ ꓖꓶ ꓗꓷꓳ꓾ ꓐꓰ ꓢꓷꓸ ꓪ ꓡꓳ=

ꓡ-ꓫꓬꓳ ꓗ-ꓔꓳ-ꓡꓲꓗ ꓢ-ꓢꓶ-ꓠ ꓘꓴꓽ ꓗꓪ ꓡ-ꓛꓬꓰꓸ ꓞꓳ ꓫꓵꓽ ꓔꓲ ꓒ 4 ꓣꓳ ꓙꓳ ꓡꓰ ꓟ ꓥ ꓡꓳ=