ꓢꓲꓺ ꓒ ꓬꓰ‐ꓢꓴ ꓔꓯ ꓪꓴ‐ꓢ ꓐꓰ ꓟꓽ ꓙꓵꓻ ꓢꓴ Arian (Arianism) ꓚꓱ, (Church history)

ꓢꓲꓺ ꓒ ꓬꓰ‐ꓢꓴ ꓔꓯ ꓪꓴ‐ꓢ ꓐꓰ ꓟꓽ ꓙꓵꓻ ꓢꓴ Arian (Arianism) ꓚꓱ,

AD (318) ꓘꓳꓼ ꓕꓯ Libya ꓗꓴꓷꓼ ꓗꓪ ꓐꓰ ꓔꓲꓺ ꓒ ꓕꓲ ꓣꓳ ꓥ ꓢꓲ ꓠꓬ ꓬꓲ ꓟꓬꓱꓺ ꓠꓬ Arius ꓥ ꓡꓳ꓿ ꓕꓱ ꓔꓲꓺ ꓒ  ꓠꓬ ꓤ ꓔꓲ ꓬꓰ‐ꓢꓴ ꓙꓲ‐ꓢꓴ ꓔꓯ, ꓟꓳ. ꓥꓳ ꓡꓰ ꓟ ꓛꓬ ꓡꓰ ꓚꓱ, ꓔꓯ ꓟ. ꓖꓶ ꓔ ꓟ ꓥ ꓡꓳ꓿ ꓐ, ꓐ ꓪꓴ‐ꓢ ꓐꓰ ꓤ ꓔꓲ ꓢꓲꓺ ꓒ ꓬꓰ‐ꓢꓴ ꓠꓬ ꓕꓲ ꓡꓰ ꓪꓴ‐ꓢ ꓙꓵꓽ ꓪ ꓟꓽ ꓙꓳ ꓐꓰ ꓐꓰ ꓟ. ꓟꓲꓽ ꓚꓺ ꓢꓴ ꓥ ꓡꓳ꓿ ꓬꓲ ꓡꓰ ꓐꓯ ꓔ ꓟ ꓠꓬ ꓤ ꓔꓲ ꓢꓲꓺ ꓒ ꓬꓰ‐ꓢꓴ ꓠꓬ ꓕꓲ ꓞꓲꓼ ꓕꓲ ꓑ ꓟꓽ ꓥ ꓖꓳ ꓡꓱ ꓥ ꓟ ꓪꓴ. ꓠꓬꓲ ꓐ, ꓐ ꓪꓴ‐ꓢ ꓐꓰ ꓪꓴ‐ꓢ ꓙꓵꓽ ꓪ ꓟꓽ ꓙꓳ ꓐꓰ ꓐꓯ ꓢꓴ ꓥ ꓡꓳ꓿

ꓢꓲꓺ ꓒ ꓬꓰ‐ꓢꓴ ꓠꓬ ꓪꓴ‐ꓢ ꓚꓰꓼ ꓔ ꓢꓴ ꓟꓲ ꓠꓯ ꓡ ꓞꓳ ꓕꓲ ꓣꓳ ꓥ ꓡꓳ ꓐꓰ ꓙꓵꓻ ꓢꓴ ꓥ ꓡꓳ꓿ ꓖꓳ    ꓡꓱ ꓥ ꓟ ꓪꓴ. ꓠꓬꓲ ꓬꓲ ꓔꓯ ꓬꓲ ꓔꓬ ꓟ ꓟꓵꓽ ꓗꓪ ꓘꓴ ꓜꓲꓼ ꓞꓳ ꓔꓯ ꓧꓳꓽ ꓪꓴ. ꓟꓴ ꓢꓴ ꓔꓲꓺ ꓒ ꓓꓽ ꓠꓬ ꓬꓲ ꓔꓯ ꓘꓴ ꓜꓲꓼ ꓞꓳ ꓗꓪ ꓐꓰ ꓔꓼ ꓠꓽ ꓡꓰ ꓝꓲ ꓟ ꓥ ꓡꓳ꓿ ꓔꓲꓺ ꓒ Arius ꓡꓰ ꓥꓳꓽ ꓡꓰ ꓟ ꓛꓬ ꓡꓰ ꓟ. ꓟꓲꓽ ꓠꓬ ꓮ ꓘꓶ. ꓟꓬꓽ ꓡꓰ ꓟ ꓥ ꓡꓳ꓿

ꓖꓳ ꓡꓱ ꓥ ꓟ ꓪꓴ. ꓠꓬꓲ ꓘꓴ ꓜꓲꓼ ꓞꓳ ꓠꓬ A. D (325) ꓘꓳꓼ ꓕꓯ ꓣꓳ‐ꓟ ꓪ ꓔꓲ ꓠꓬ ꓘꓴ ꓜꓲꓼ ꓞꓳ ꓔꓯ ꓧꓳꓽ ꓪꓴ. ꓟꓴ ꓔꓬ ꓟ ꓔꓲꓺ ꓒ ꓓ ꓐꓴ ꓔꓯ ꓘꓴ ꓢꓲ ꓠꓬꓲ (Nicaea) ꓡꓳ ꓒꓱ ꓗꓪ ꓖꓪꓽ ꓙꓱ ꓜꓲꓼ ꓓꓴ ꓓ ꓟ ꓬꓰ ꓗꓷꓳ꓿

ꓣꓳ‐ꓟ ꓪ ꓔꓲ ꓠꓬ ꓘꓴ ꓜꓲꓼ ꓞꓳ ꓔꓯ ꓧꓳꓽ ꓪꓴ. ꓟꓴ ꓢꓴ ꓔꓲꓺ ꓒ ꓪ ꓔꓲ (Sylvester) ꓔꓯ ꓔꓲꓺ ꓒ ꓓꓽ ꓐꓴ ꓔꓯ ꓟ. ꓟꓲꓽ ꓚꓺ ꓠ, ꓟ ꓓꓰꓽ ꓢꓲ ꓠꓬꓲ ꓟ. ꓟꓲꓽ ꓚꓺ ꓗꓷ ꓟ ꓥ ꓡꓳ꓿

ꓕꓱ (Nicaea) ꓡꓳ ꓒꓱ ꓗꓪ ꓖꓪꓽ ꓙꓱ ꓜꓲꓼ ꓞꓳ ꓗꓪ ꓔꓲꓺ ꓒ ꓓ (318) ꓣꓳ ꓐ ꓗꓷ ꓟ ꓥ ꓡꓳ꓿ ꓕꓱ ꓕꓱ ꓐꓰ ꓔꓲꓺ ꓒ ꓪ ꓔꓲ ꓧꓳꓽ ꓪꓴ. ꓟꓴ ꓢꓲ ꓠꓬꓲ ꓥꓳꓽ ꓡꓰ ꓟ ꓛꓬ ꓡꓰ ꓙꓵꓻ ꓠꓲ, ꓚꓱ, ꓔꓯ ꓫꓬ, ꓔꓱ ꓠ, ꓟ ꓖꓪ ꓜꓲꓼ ꓓꓴ ꓓꓽ ꓔꓯ ꓬꓰ ꓗꓷ ꓟ ꓥ ꓡꓳ꓿