ꓔꓲꓺ ꓒ ꓪ ꓔꓲ ꓠꓬ Francis ꓠꓬ Italy ꓗꓴꓷꓼ ꓙꓵꓽ ꓢꓴ ꓢꓲꓽ ꓒ ꓐꓴ ꓟꓬꓱꓽ ꓬꓰ ꓔꓶ ꓗꓪ ꓓꓽ ꓪꓴ. ꓙꓰ ꓢꓴ ꓒꓬꓱꓼ ꓡ ꓟ ꓓꓳꓽ

Monday, October 02, 2023

ꓔꓲꓺ ꓒ ꓪ ꓔꓲ ꓠꓬ Francis ꓠꓬ Italy ꓗꓴꓷꓼ ꓙꓵꓽ ꓢꓴ ꓢꓲꓽ ꓒ ꓐꓴ ꓟꓬꓱꓽ ꓬꓰ ꓔꓶ ꓗꓪ ꓓꓽ ꓪꓴ. ꓙꓰ ꓢꓴ ꓒꓬꓱꓼ ꓡ ꓟ ꓓꓳꓽ

9 ꓦ ꓟ 30 ꓠꓬꓲ 2023 ꓘꓳꓼ ꓕꓯ ꓔꓲꓺ ꓒ ꓪ ꓔꓲ ꓠꓬ Italy ꓗꓴꓷꓼ ꓙꓵꓽ ꓢꓴ ꓢꓲꓽ ꓒ ꓐꓴ ꓟꓬꓱꓽ ꓬꓰ ꓔꓲ ꓗꓪ ꓙꓰ ꓟ ꓓꓽ ꓪꓴ. ꓬꓲ. ꓪꓴ. ꓔꓲꓺ ꓒ ꓪ ꓔꓲ ꓒꓬꓱꓼ ꓡ ꓟ ꓥ ꓡꓳ꓿ ꓔꓲꓺ ꓒ ꓪ ꓔꓲ ꓠꓬ ꓟꓽ ꓓꓵ ꓙ ꓔ ꓟ ꓙꓵ, ꓗꓪ Italy ꓗꓴꓷꓼ ꓙꓵꓽ ꓢꓲꓽ ꓒ ꓐꓴ ꓟꓬꓱꓽ ꓬꓰ ꓔꓲ ꓗꓪ ꓙꓰ ꓗꓷ ꓟ ꓥ ꓡꓳ꓿ ꓔꓲꓺ ꓒ ꓪ ꓔꓲ ꓠꓬ ꓕꓱ ꓡꓰ Italy ꓗꓴꓷꓼ ꓢꓲꓽ ꓒ ꓐꓴ ꓙꓵꓽ ꓔꓲ ꓗꓪ ꓙꓰ ꓟ ꓙꓵꓽ ꓕꓯ ꓟꓬꓱꓽ ꓓꓳꓽ ꓙꓳ ꓙꓳ ꓡꓰ ꓙꓰ ꓗꓷ ꓟ ꓟꓽ ꓥ꓿

ꓔꓲꓺ ꓒ ꓪ ꓔꓲ ꓕꓲ ꓣꓳ ꓔꓵꓼ ꓡꓰ Italy ꓗꓴꓷꓼ ꓢꓲꓽ ꓒꓽ ꓓꓽ ꓡꓵꓼ ꓫꓵꓻ ꓡꓰ ꓟ ꓪꓴ. ꓠꓬꓲ ꓙꓰ ꓗꓷ ꓟ ꓥ ꓡꓳ꓿ ꓔꓲꓺ ꓒ ꓪ ꓔꓲ ꓠꓬ ꓢꓲꓽ ꓒꓽ ꓓꓽ ꓡꓵꓼ ꓫꓵꓻ ꓡꓰ ꓟ ꓪꓴ. ꓠꓬ ꓠꓲ, ꓫ. ꓟꓬ, ꓫ. ꓔꓬ ꓟ ꓢꓲꓽ ꓒ ꓦꓲꓻ ꓢꓲ‐ꓟ ꓔꓯ ꓸꓢꓯꓼ ꓖꓶ ꓪ ꓖꓶ ꓟ ꓫ. ꓕꓱ ꓟ ꓥ ꓡꓳ꓿

Italy ꓗꓴꓷꓼ ꓙꓵꓽ ꓢꓲꓽ ꓒꓽ ꓓꓽ ꓡꓵꓼ ꓠꓬ ꓬꓲ ꓞꓲꓼ (98) ꓘꓳꓼ ꓕꓯ ꓧꓪꓽ ꓖꓳ ꓓꓱ ꓡꓳ ꓬꓰ ꓟ ꓥ ꓡꓳ꓿ ꓗꓳ. ꓗꓷ ꓟ ꓙꓵ, ꓕꓯ ꓔꓲꓺ ꓒ ꓪ ꓔꓲ ꓠꓬ ꓠꓻ ꓢꓴ ꓒꓬ ꓓꓴ ꓔꓳ ꓜꓳ ꓔꓬ ꓟ ꓢꓲꓽ ꓒꓽ ꓐꓱ ꓶ ꓪꓽ ꓘꓴ ꓙ ꓖꓶ ꓗꓷ ꓟ ꓥ ꓡꓳ꓿ ꓢꓲꓽ ꓒ ꓓꓽ ꓠꓬ ꓪꓴ‐ꓢ ꓟꓽ ꓦꓻ ꓡꓱ ꓢꓴ ꓥ ꓡꓳ꓿ ꓖꓳ ꓡꓱ ꓥ ꓟꓲ Vatican ꓗꓴꓷꓼ ꓗꓪ ꓘꓴ ꓜꓲꓼ ꓞꓳ ꓔꓯ ꓧꓳꓽ ꓪꓴ. ꓟꓴ ꓔꓬ ꓟ ꓔꓲꓺ ꓒ ꓓꓽ ꓐꓴ ꓔꓯ ꓮ ꓕꓯ ꓥ ꓟꓲ ꓞꓳ ꓒꓵꓽ ꓢꓴ ꓕꓲ ꓣꓳ ꓥ ꓡꓳ꓿ ꓔꓲꓺ ꓒ ꓪ ꓔꓲ ꓠꓬ ꓫꓵꓻ ꓡꓰ ꓟ ꓢꓲꓽ ꓒ ꓓꓽ ꓡꓵꓼ ꓐꓱ ꓶ ꓪꓽ ꓘꓴ ꓙ ꓖꓶ ꓗꓷ ꓟ ꓥ ꓡꓳ ꓐꓳ (Rome report) ꓓꓳꓽ ꓗꓪ ꓐꓰ ꓢꓷ. ꓪ ꓡꓳ꓿