Bangladesh ꓗꓪ ꓬꓲꓸ ꓜꓲꓹ ꓠꓻ ꓫꓵ ꓠꓻ ꓢꓴ ꓮ ꓘꓶꓸ ꓟꓬ ꓡ ꓟ ꓓꓳꓽ

Wednesday, October 04, 2023

Bangladesh ꓗꓪ ꓬꓲꓸ ꓜꓲꓹ ꓠꓻ ꓫꓵ ꓠꓻ ꓢꓴ ꓮ ꓘꓶꓸ ꓟꓬ ꓡ ꓟ ꓓꓳꓽ

ꓐ-ꓖꓮ-ꓡꓮ-ꓓꓰꓢꓧ ꓗꓪ ꓬꓲꓸ ꓜꓲꓹ ꓠꓻ ꓫꓵ ꓠꓻ ꓢꓴ ꓮ ꓘꓶꓸ ꓟꓬ ꓡ ꓢꓲ꓾ ꓫꓵꓻ ꓢꓴ 1000 ꓣꓳ ꓟꓽ ꓞꓲ ꓟꓬ ꓡ ꓔꓬ ꓡꓳ ꓐꓰ ꓙꓵꓽ ꓪ ꓙꓳ ꓢꓴ ꓐꓴ ꓡꓰ ꓐꓯ ꓔ ꓡꓳ꓾ ꓟꓵꓽ ꓘꓳꓼ ꓒꓳꓹ ꓡ ꓟ ꓑꓶ ꓓꓴ ꓦꓬꓽ-ꓕꓳꓹ ꓗꓪ ꓐꓰ ꓒꓬꓱꓼ ꓡ ꓟ ꓠꓻ ꓫꓵꓽ ꓟꓬ ꓡ ꓔꓬ ꓟ ꓥꓳ꓾

ꓬꓲꓸ ꓜꓲꓹ ꓠꓻ ꓫꓵ ꓠꓬ ꓞꓹ ꓟ ꓔꓶꓸ ꓗꓪ ꓡꓰ ꓟꓬ ꓠꓬꓲ ꓒꓬꓱꓼ ꓡ ꓓ_ ꓟ ꓥ ꓢꓲ꓾ ꓖꓳ ꓓꓱ ꓛꓴ ꓞꓹ ꓟ꓾ ꓪꓴꓸ ꓓꓵ ꓠꓻ ꓟ꓾ ꓖꓳ ꓓꓱ ꓘꓳꓼ_ ꓟ꓾ ꓕꓱ ꓡ ꓗꓷ ꓡꓰ ꓟ ꓡꓰ ꓟꓽ ꓞꓲ ꓮ ꓘꓶꓸ ꓠꓻ ꓡꓰ ꓠꓬ ꓫꓵꓻ ꓡꓰ ꓗꓪ ꓛꓲ ꓒꓬꓱꓼ ꓡ ꓓ_ ꓟ ꓔꓯ ꓐꓯ ꓔ ꓡꓳ꓾ ꓐꓮꓠꓖꓡꓮꓓꓰꓢꓧ ꓠꓯꓺ ꓞꓲꓼ ꓟꓬꓽ ꓣꓱꓽ ꓜꓴꓻ ꓗꓪ ꓐꓰ ꓥ ꓟꓲ ꓠꓽ ꓫꓵ ꓠꓬꓲ ꓕꓯ ꓫꓵꓻ ꓢꓴ 1006 ꓣꓳ ꓫꓵꓻ ꓡꓰ ꓢꓲ꓾ ꓠꓻ ꓢꓴ 2000 ꓣꓳ ꓟꓽ ꓛꓲ ꓔꓬ ꓡꓳ ꓐꓰ ꓐꓯ ꓑꓶ ꓔ ꓡꓳ꓾

2022 ꓘꓳꓼ ꓕꓯ ꓠꓬ 281 ꓣꓳ ꓫꓵꓻ ꓡꓰ ꓢꓲ꓾ ꓕꓱ ꓕꓲ ꓘꓳꓼ ꓟ ꓠꓬ ꓫꓵꓻ ꓢꓴ ꓬꓲꓸ ꓔꓴ ꓣꓳ ꓙꓳ ꓡꓰ ꓟ ꓥꓳ꓾ ꓐꓰ ꓢꓷꓸ ꓪ ꓡꓳ꓾