ꓢꓴꓟ-ꓑ-ꓣ-ꓐꓴꓟ ꓡꓳ ꓒꓱ ꓗꓪ ꓜꓻ ꓮ ꓟꓬꓹ ꓟꓽ ꓓꓳ ꓟ ꓪꓴꓸ ꓠꓬꓲ ꓜꓽ ꓓꓴ ꓟꓽ ꓡꓳꓼ ꓗꓷ ꓡˍ ꓟ ꓔꓯ ꓑ ꓫꓬ ꓐꓴ ꓙꓳꓺ ꓔꓬ ꓡꓳ

Wednesday, October 25, 2023

ꓜꓻ ꓜꓲ ꓒꓬꓹ ꓟ ꓐꓶꓽ ꓓꓲꓻ ꓮ ꓟꓬꓹ ꓖꓪ ꓡ ꓗꓷ ꓟ ꓢꓴꓟ-ꓑ-ꓣ-ꓐꓴꓟ ꓡꓳ ꓒꓱ ꓗꓪ ꓙꓳˍ ꓟ ꓜꓻ ꓟꓲ ꓐꓴ ꓗꓪ ꓔꓶ ꓔ ꓟ ꓜꓻ ꓠꓬ ꓮ ꓔꓲꓸ ꓤ ꓡꓰꓽ ꓟꓶˍ ꓟ ꓑꓶꓸ ꓓꓴ ꓑ ꓫꓬ ꓐꓴ ꓠꓬ ꓜꓽ ꓓꓴ ꓟꓽ ꓡꓳꓼ ꓗꓷ ꓡˍ ꓟ ꓔꓯ ꓙꓳꓺ ꓔꓬ ꓡꓳ꓾ ꓐꓰ ꓢꓷꓸ ꓪ ꓡꓳ=

ꓟꓮꓲ-ꓕꓮꓳꓹ ꓘꓹ ꓐꓰ ꓘ-ꓗ-ꓣꓯꓹ-ꓬꓥ ꓞꓳ ꓘꓹ ꓗꓪ ꓟ ꓜꓻ ꓟꓲ ꓐꓴ ꓠꓬ ꓜꓻ ꓔꓶ ꓗꓷ ꓗ ꓠꓯꓸ ꓦ ꓐ 3 ꓟ ꓛꓲ ꓕꓯ ꓜꓻ ꓜꓲ ꓔꓯ ꓐꓶꓽ ꓓꓲꓻ ꓐꓴ ꓡꓰ ꓒꓬꓹ ꓜꓽ ꓗꓷ ꓟ ꓑꓶꓸ ꓓꓴ ꓜꓻ ꓒꓴ ꓖꓳ ꓟꓬ ꓟꓽ ꓟꓶ ꓟ ꓥ ꓡꓳ꓾ ꓐꓰ ꓘ-ꓗ-ꓣꓯꓹ-ꓬꓥ ꓞꓳ ꓘꓹ ꓢꓴ ꓕꓲ ꓣꓳ ꓡꓰ ꓐꓯˍ ꓡꓳ=

ꓢꓴꓟ-ꓑ-ꓣ-ꓐꓴꓟ ꓡꓳ ꓒꓱ ꓠꓬ 2021 ꓘꓳꓼ ꓕꓯ ꓡꓰ ꓪꓴꓸ ꓔꓴ ꓢꓲ ꓦꓯꓹ ꓒꓶꓼ ꓮ ꓟꓬꓹ ꓖꓪ ꓡˍ ꓟ ꓔꓯ ꓔꓳꓹ ꓜꓳꓽ ꓪ ꓡꓰ ꓢꓲ꓾ 2022 ꓘꓳꓼ 8 ꓦ ꓕꓯ ꓥ ꓟꓲ ꓢꓴꓟ-ꓑ-ꓣ-ꓐꓴꓟ ꓐꓰ ꓞꓳ ꓘꓹ 11 ꓘꓹ ꓐꓴ ꓗꓪ ꓟ ꓜꓻ ꓜꓲ ꓐꓴ ꓠꓬ ꓐꓶꓽ ꓓꓲꓻ ꓒꓬꓹ ꓡ ꓟ ꓑꓶꓸ ꓓꓴ ꓐꓬ ꓡꓰ ꓢꓲ ꓜꓻ ꓶꓼ ꓫ ꓓꓴ ꓟꓽ ꓙꓳ ꓗꓪ ꓛꓲ ꓗꓷ ꓡꓰꓳ꓾ ꓐꓰ ꓢꓷꓸ ꓪ ꓡꓳ=

Add new comment

2 + 2 =

Quick Links