ꓑꓴꓔꓮꓳ ꓡꓳ ꓒꓱ ꓗꓪ ꓢꓳꓡꓳ ꓮ. ꓔꓳ ꓙꓱꓼ ꓗꓪ ꓐꓰ ꓮ. ꓔꓳ ꓐꓬ ꓡꓰ ꓢꓲ ꓠꓬꓲ ꓑ ꓫꓬ ꓦꓲꓻ ꓕꓲ ꓦꓲꓻ ꓮ. ꓔꓳ ꓐꓬ ꓡꓰ ꓟ

ꓑꓴꓔꓮꓳ ꓡꓳ ꓒꓱ ꓗꓪ ꓢꓳꓡꓳ ꓮ. ꓔꓳ ꓙꓱꓼ ꓗꓪ ꓐꓰ ꓮ. ꓔꓳ ꓐꓬ ꓡꓰ ꓢꓲ ꓠꓬꓲ ꓑ ꓫꓬ ꓦꓲꓻ ꓕꓲ ꓦꓲꓻ ꓮ. ꓔꓳ ꓐꓬ ꓡꓰ ꓟ

11 ꓦ ꓟ 4 ꓠꓬꓲ 2023 ꓘꓳꓼ ꓕꓯ ꓑꓴꓔꓮꓳ ꓡꓳ ꓒꓱ ꓗꓪ ꓢꓳꓡꓮꓣ ꓮ. ꓔꓳ ꓙꓼ ꓗꓪ ꓐꓰ ꓑ ꓫꓬ ꓦꓲꓻ ꓕꓲ ꓦꓲꓻ ꓮ. ꓔꓳ ꓐꓬ ꓡꓰ ꓐꓰ ꓢꓷ. ꓪ ꓡꓳ꓿ ꓕꓱ ꓮ. ꓔꓳ ꓐꓬ ꓡꓰ ꓟ ꓠꓬ 11 ꓦ ꓟ 3 ꓠꓬꓲ ꓕꓯ  ꓑꓴꓔꓮꓳ ꓡꓳ ꓒꓱ ꓟꓳ‐ꓓꓳ (2) ꓞꓳ ꓘ, ꓗꓪ ꓥ ꓡꓳ꓿ ꓑ ꓫꓬ ꓦꓲꓻ ꓗꓪ ꓢꓳꓡꓮꓣ ꓮ. ꓔꓳ ꓗꓪ ꓐꓰ ꓐꓮꓔꓔꓰꓣꓬ ꓑꓶ ꓡ ꓢꓲ ꓑ ꓫꓬ ꓔꓬ ꓦꓲꓻ ꓕꓲ ꓦꓲꓻ ꓮ. ꓔꓳ ꓐꓬ ꓡꓰ ꓟ ꓥ  ꓡꓳ ꓐꓰ ꓐꓯ ꓔ ꓡꓳ꓿

ꓑꓴꓔꓮꓳ ꓡꓳ ꓒꓱ ꓗꓪ ꓐꓰ ꓮ. ꓔꓳ ꓢꓰꓼ ꓜꓴꓻ ꓛꓲ ꓡ ꓟ ꓙꓵ, ꓕꓯ ꓑ ꓫꓬ ꓦꓲꓻ ꓠꓬ ꓮ. ꓔꓳ ꓐꓬ ꓖꓴ ꓡꓰ ꓟ ꓥ ꓡꓳ꓿

ꓑꓴꓔꓮꓳ ꓡꓳ ꓒꓱ ꓗꓪ ꓰꓑꓚ ꓮ. ꓔꓳ ꓖꓶ ꓜꓴꓻ ꓗꓪ ꓐꓰ ꓡꓳ ꓒꓱ ꓗꓪ ꓮ. ꓔꓳ ꓖꓶ ꓥ ꓟꓲ ꓮ ꓟꓶ ꓟ ꓙꓵ, ꓗꓪ ꓮ. ꓔꓳ ꓟꓽ ꓡꓳꓼ ꓟ ꓪꓴ. ꓠꓬꓲ ꓑ ꓫꓬ ꓔꓬ ꓦꓲꓻ ꓮ ꓙꓵꓽ ꓔꓯ ꓬꓲ. ꓙꓵꓽ ꓮ ꓟꓬ, ꓟꓽ ꓖꓶ ꓡ ꓪꓴ. ꓠꓬꓲ ꓢꓳꓡꓮꓣ ꓮ. ꓔꓳ ꓔꓯ ꓣꓱ ꓔꓬ ꓟ ꓪꓴ. ꓠꓬꓲ ꓕꓱ ꓡꓱ ꓒꓬꓱꓼ ꓡꓰ ꓟ ꓥ ꓡꓳ ꓐꓰ (GND) ꓓꓳꓽ ꓗꓪ ꓐꓰ ꓢꓷ. ꓪ ꓡꓳ꓿