ꓠꓱꓸ ꓒꓵꓹ (ꓠꓶꓸ ꓒꓴ) ꓙꓲꓻ ꓖꓴ ꓙꓳˍ ꓟ

ꓠꓱꓸ ꓒꓵꓹ (ꓠꓶꓸ ꓒꓴ) ꓐꓯ ꓗꓷˍ ꓠꓬ ꓞꓳ ꓤ ꓮ ꓟꓬꓹ ꓢꓷꓸ ꓔ ꓟ ꓥ ꓡꓳ= ꓬꓲ ꓒꓬꓽ ꓗꓪ ꓟ ꓬꓲ ꓛꓴꓽ ꓤ ꓤ ꓔꓯ ꓕꓲꓺ ꓪ ꓡꓰ ꓕꓯ ꓔꓶꓸ ꓡˍ ꓟ ꓑꓶꓸ ꓓꓴ ꓠꓱꓸ ꓒꓵ ꓔꓯ ꓟꓽ ꓕꓲꓺ ꓪ ꓡꓰ ꓠꓹ ꓟ ꓤ ꓟꓴ ꓔꓬ ꓟ ꓥ ꓡꓳ=

ꓖꓳ ꓡꓱ ꓥ ꓟꓲ ꓠꓱꓸ ꓒꓵꓹ (ꓠꓶꓸ ꓒꓴ) ꓔꓯ ꓚꓬꓸ ꓜꓽˍ ꓕꓯ꓾ ꓥ ꓠꓬ꓾ ꓬꓲ ꓒꓬꓽ ꓔꓯ ꓬꓲ ꓙꓴꓺ ꓡꓱꓸ ꓗꓷ ꓢꓲ ꓡ ꓚꓬꓸ ꓡꓰ ꓐꓰ ꓬꓲꓻ ꓛ ꓗꓪ ꓔꓲꓹ ꓓꓳꓻˍ ꓕꓯ ꓧꓪꓽ ꓖꓳ ꓓꓱꓽ ꓐꓱ ꓶ ꓮ ꓟꓬꓹ ꓙꓲꓻ ꓖꓴ ꓙꓳˍ ꓟ ꓥ ꓡꓳ=

1. ꓠꓱꓸ ꓒꓵꓹ (ꓠꓶꓸ ꓒꓴ) ꓗꓪ  ꓬꓲ ꓢꓯꓼ ꓮ ꓟꓬꓹ ꓓꓵˍ ꓟ ꓡꓳ=

Vitamins ꓢꓯꓼ ꓜꓴꓻ꓾ Minerals ꓢꓯꓼ ꓜꓴꓻ꓾ ꓬꓲ ꓞꓶꓻ ꓢꓯꓼ ꓜꓴꓻ ꓐꓰ Polyphenols ꓢꓯꓼ ꓜꓴꓻ

Beta-carotene, lutein, luteoxanthin ꓐꓰ carotenoids ꓐꓴ ꓮ ꓟꓬꓹ ꓙꓳˍ ꓡꓳ ꓐꓰ ꓐꓯ ꓔ ꓡꓳ=

ꓢꓯꓼ ꓕꓱ ꓟ ꓐꓴ ꓠꓬ ꓣꓳꓽ ꓧꓪꓽ ꓖꓳ ꓓꓱꓽ ꓗꓪ ꓮꓠꓔꓲꓳꓫꓲꓓꓮꓠꓔ ꓡꓰ ꓐꓰ ꓟꓬꓱꓽ ꓬꓰ ꓖꓶˍ ꓡꓳ= ꓮꓠꓔꓲꓳꓫꓲꓓꓮꓠꓔ ꓐꓯˍ ꓟ ꓠꓬ ꓧꓪꓽ ꓖꓳ ꓓꓱꓽ ꓘꓴꓽ ꓗꓪ ꓟ ꓚꓰꓡꓡꓢ ꓐꓴ ꓔꓯ ꓝꓣꓰꓰ ꓣꓮꓓꓲꓚꓮꓡ ꓐꓴ ꓡꓰ ꓒꓬꓹˍ ꓡ ꓟ ꓗꓪ ꓐꓰ ꓗꓽ ꓙꓽ ꓖꓶˍ ꓟ ꓟꓳꓡꓰꓚꓴꓡꓰ ꓐꓴ ꓥ ꓡꓳ=

ꓖꓳ ꓟ ꓝꓣꓰꓰ ꓣꓮꓓꓲꓚꓮꓡꓢ ꓐꓴ ꓠꓬ ꓖꓳ ꓓꓱꓽ ꓗꓪ ꓙꓲꓻ ꓖꓴ ꓟꓽ ꓙꓳ ꓟ ꓢꓯꓼ ꓐꓴ ꓥ ꓢꓲ꓾ ꓝꓣꓰꓰ ꓣꓮꓓꓲꓚꓮꓡ ꓐꓴ ꓡꓰ ꓒꓬꓹ ꓡ ꓟ ꓑꓶꓸ ꓓꓴ ꓒꓬꓱꓼ ꓡˍ ꓟ ꓟꓳꓽ ꓡꓰ ꓢꓻˍ ꓟ꓾ ꓚꓮꓠꓚꓰꓣ ꓠꓻ ꓒꓬꓱꓼ ꓡˍ ꓟ ꓐꓰ ꓠꓱꓸ ꓐꓯ ꓠꓻ ꓐꓴ ꓒꓬꓱꓼ ꓡ ꓝꓲ ꓐ ꓡˍ ꓡꓳ=

(2) ꓳ’ˍ ꓟ ꓔꓯ ꓬꓯꓼ ꓡꓰ ꓝꓲ ꓐ ꓡˍ ꓡꓳ=

ꓠꓱꓸ ꓒꓵꓹ (ꓠꓶꓸ ꓒꓴ) ꓜꓽˍ ꓟ ꓗꓪ ꓐꓰ ꓬꓲꓸ ꓝꓲꓸ ꓬꓲ ꓟꓲ ꓳ’ ꓠꓻˍ ꓟ ꓔꓯ ꓓꓻ ꓡꓰ ꓝꓲ ꓐ ꓡˍ ꓡꓳ=

(3) ꓠꓱꓸ ꓒꓵꓹ (ꓠꓶꓸ ꓒꓴ) ꓠꓬ Hay Fever ꓐꓰ ꓘꓴˍ ꓟ ꓢꓲꓹ ꓪꓰꓻ ꓢꓯꓼ ꓪꓴꓸ ꓠꓬꓲ ꓒꓬꓱꓼ ꓡˍ ꓟ ꓠꓻ ꓐꓴ ꓔꓯ ꓥˍ ꓟꓲ ꓓꓻ ꓡꓰ ꓝꓲ ꓐ ꓡˍ ꓡꓳ=

(4) ꓫꓵꓽ ꓢꓯꓼ ꓓꓯꓻˍ ꓟ ꓔꓯˍ ꓟꓲ ꓬꓯꓼ ꓡꓰ ꓝꓲ꓾ ꓞꓰꓻ ꓡꓰ ꓝꓲ ꓐ ꓡˍ ꓡꓳ=

(5) ꓫꓵꓽ ꓘꓴꓽ ꓗꓪ ꓟ ꓞꓼ ꓛꓵ ꓢꓯꓼ ꓔꓯ ꓔꓲꓺ ꓟꓴˍ ꓗꓷ ꓡꓰ ꓝꓲ ꓐ ꓡˍ ꓡꓳ=