ꓔꓧꓮꓲ ꓗꓴꓷꓼ ꓐꓱꓻ ꓓꓴꓽ ꓗꓪ ꓐꓰ ꓟꓬ-ꓟ ꓞꓳ ꓤ 75 ꓣꓳ ꓡꓲꓹ ꓡ ꓟ ꓓꓳꓽ

Wednesday, November 22, 2023

ꓔꓧꓮꓲ ꓗꓴꓷꓼ ꓐꓱꓻ ꓓꓴꓽ ꓗꓪ ꓐꓰ ꓟꓬ-ꓟ ꓞꓳ ꓤ 75 ꓣꓳ ꓡꓲꓹ ꓡ ꓟ ꓓꓳꓽ

ꓔꓧꓮꓲ ꓗꓴꓷꓼ ꓐꓱꓻ ꓓꓴꓽ ꓗꓪ ꓟꓬ-ꓟ ꓞꓳ ꓤ 70 ꓣꓳ ꓔꓯ ꓔꓧꓮꓲ꓾ ꓣ-ꓠꓮꓴ ꓡ-ꓪ-ꓗ ꓗꓪ ꓐꓰ ꓟꓬ-ꓟ ꓕꓲ ꓛꓱ ꓗꓮ-ꓔꓮꓴꓠꓖ ꓗꓪ ꓝꓮꓲ ꓡꓯꓼ ꓙꓱ ꓗꓷꓳ ꓐꓰ ꓢꓷꓸ ꓪ ꓡꓳ= ꓔꓧꓮꓲ ꓗꓴꓷꓼ ꓗꓪ ꓬꓲꓸ ꓚꓱꓹ ꓮ ꓟꓬꓹ ꓐꓰ ꓐꓱꓻ ꓓꓴꓽ ꓡꓰ ꓟ ꓟꓬ-ꓟ ꓞꓳ ꓤ 75 ꓣꓳ ꓔꓯ ꓔꓧꓮꓲ ꓙꓵꓽ ꓪ ꓙꓳ ꓢꓴ ꓐꓴ ꓡꓰ 11 ꓦ 20 ꓠꓬꓲ ꓕꓯ ꓝꓮꓲ ꓦ ꓗꓷ ꓟ ꓥꓳ=

ꓕꓱ ꓟꓬ-ꓟ ꓞꓳ ꓤ ꓐꓴ ꓮ ꓙꓵ ꓠꓬ ꓔꓧꓮꓲ ꓖꓴ ꓟꓶꓸ ꓕꓲ ꓛꓱ ꓗꓴꓷꓼ ꓫꓴꓻ 14 ꓟ ꓗꓪ ꓐꓱꓻ ꓓꓴꓽ ꓡꓰ ꓢꓴ ꓥ ꓢꓲ꓾ ꓬꓲꓸ ꓪ ꓠꓬ ꓮ ꓘꓶꓸ ꓪꓴꓽ_ ꓟ ꓝꓴꓲ ꓟꓽ ꓬꓰ ꓔ ꓟ꓾ ꓟꓬꓱꓽ ꓬꓰ ꓚꓱꓹ ꓐꓰ ꓟꓽ ꓫꓱꓹ ꓟ ꓡꓰ ꓬꓰ ꓔ ꓟ ꓥ ꓡꓳ ꓐꓰ ꓢꓷꓸ ꓪ ꓡꓳ=

ꓔꓧꓮꓲ ꓗꓪ ꓐꓰ ꓟꓬ-ꓟ ꓕꓲ ꓛꓱ ꓡꓯꓼ ꓙꓱ ꓗꓷ ꓟ ꓗꓪ ꓤ ꓑꓸ ꓤ 55 ꓣꓳ꓾ ꓤ ꓟꓶꓼ ꓤ 17 ꓣꓳ ꓐꓰ ꓤ ꓠꓱ ꓤ 3 ꓣꓳ ꓐ_ ꓡꓳ ꓐꓰ ꓢꓷꓸ ꓪ ꓡꓳ=