ꓟꓲ-ꓚꓲ-ꓠ ꓡꓳ ꓒꓱ ꓗꓪ ꓶꓻ ꓤ ꓒꓵ ꓮ ꓘꓶꓸ ꓓꓯ ꓔꓬ ꓟ꓾

ꓟꓲ-ꓚꓲ-ꓠ ꓡꓳ ꓒꓱ ꓗꓪ ꓶꓻ ꓤ ꓒꓵ ꓮ ꓘꓶꓸ ꓓꓯ ꓔꓬ ꓟ꓾

ꓟꓲ-ꓚꓲ-ꓠ꓾ ꓟꓮꓠꓓꓮꓡꓮꓬ ꓟꓳ-ꓓꓳ ꓙꓻ ꓚꓱꓹ ꓑꓲꓸ ꓔ ꓟ ꓪꓴꓸ ꓠꓬꓲ ꓟꓲ-ꓚꓲ-ꓠ ꓡꓳ ꓒꓱ ꓗꓪ ꓜ ꓫꓵ ꓒꓵ ꓮ ꓘꓶꓸ ꓠꓯꓸ ꓢꓲ꓾ ꓕꓲ ꓐꓱ ꓜ ꓫꓵ ꓔꓯ ꓠꓬ ꓮ ꓟꓬꓹ ꓟꓽ ꓪꓴꓽ ꓖꓶ_ ꓟ ꓔꓯ ꓥ ꓟꓲ ꓢꓷꓸ ꓪ ꓡꓳ=

ꓜ ꓫꓵꓽ ꓒꓵꓽ ꓡꓰ ꓟꓽ ꓞꓲ ꓪꓴꓽ ꓒꓬ ꓒꓵ ꓥ ꓟꓲ ꓮ ꓘꓶꓸ ꓓꓯ ꓔꓬ ꓡꓳ ꓐꓰ ꓟꓲ-ꓚꓲ-ꓠ ꓡꓳ ꓒꓱ ꓗꓪ ꓔꓬ ꓢꓴ ꓐꓴ ꓗꓪ ꓐꓰ ꓢꓷꓸ ꓪ ꓡꓳ= 11 ꓦ 20 ꓗꓪ ꓐꓰ ꓟꓳ-ꓓꓳ ꓙꓻ ꓖꓴ ꓑꓲꓸ ꓡꓰ ꓟ ꓑꓶ ꓓꓴ ꓥꓪꓸ ꓥ ꓟꓲ ꓪꓴꓽ ꓠꓹ ꓟ ꓟꓽ ꓙꓳ ꓐꓰ ꓥꓪꓸ ꓪꓴꓽ ꓜ ꓢꓴ ꓕꓲ ꓣꓳ ꓐꓰ ꓐꓯ ꓔ ꓡꓳ=

 ꓪꓮꓲ-ꓟꓮꓪ ꓕꓲ ꓛꓱ ꓗꓪ ꓔꓬ ꓟ ꓥꓪꓸ ꓫꓳ ꓢꓴ ꓐꓴ ꓠꓯꓼ ꓗꓪ ꓥꓪꓸ ꓧꓪ ꓥ ꓟꓲ ꓪ ꓠꓹ ꓟ ꓫꓸ ꓔ ꓡꓳ ꓐꓰ ꓢꓷꓸ ꓪ ꓡꓳ=ꓮ ꓟꓶ ꓶꓻ ꓤꓼ ꓒꓵ ꓓꓯꓹ ꓟ ꓠꓬ ꓚꓳꓦꓲꓓ ꓠꓻ ꓫꓵ ꓬꓲꓸ ꓙꓵꓹ ꓓꓲ ꓢ ꓟꓬ ꓠꓬꓲ ꓓꓯꓹ ꓟ ꓥꓳ= ꓜ ꓒꓴ ꓕꓲ ꓟꓳ ꓠꓳ 1 ꓫꓬꓹ ꓟꓽ ꓞꓲ ꓗꓷ ꓡꓰꓳ ꓐꓰ ꓢꓷꓸ ꓪ ꓡꓳ=