ꓔꓲꓺ ꓒ ꓪ ꓔꓲ ꓠꓬ ꓟꓵ ꓗꓳ ꓓꓵ ꓓꓵ ꓗꓪ ꓔꓬ ꓟ ꓠꓻ ꓫꓬ ꓑ ꓫꓬ ꓐꓴ ꓔꓯ ꓞꓳ ꓫꓵꓽ ꓟꓽ ꓘꓶꓽ ꓕꓲ ꓡꓰ ꓠꓻ ꓫꓬ ꓖꓶ ꓠ, ꓟ ꓐꓯ ꓔ ꓟ ꓓꓳꓽ

ope Francis blesses a young boy on a wheelchair (file photo) (ANSA) #creditphoto

Monday, January 22, 2024

1 ꓦ ꓟ 19 ꓠ ꓬꓲ 2024 ꓘꓳꓼ ꓕꓯ ꓔꓲꓺ ꓒ ꓪ ꓔꓲ ꓝꓣꓮꓠꓚꓲꓢ ꓠꓬ ꓟꓵ ꓗꓳ ꓓꓵ ꓓꓵ ꓗꓪ ꓠꓻ ꓫꓬ ꓖꓶ ꓟ ꓜꓴꓻ ꓗꓪ ꓠꓻ ꓫꓬ ꓑ ꓫꓬ ꓐꓴ ꓐꓰ ꓒꓴ ꓫꓵ ꓮ ꓟꓬ, ꓟꓽ ꓙꓳ ꓢꓴ ꓐꓴ ꓔꓯ ꓠꓻ ꓫꓬ, ꓖꓶ ꓟ ꓙꓵ, ꓕꓯ ꓞꓳ ꓫꓵꓽ ꓟꓽ ꓘꓶꓽ ꓕꓲ ꓡꓰ ꓠꓻ ꓫꓬ, ꓖꓶ ꓠ, ꓟ ꓐꓯ ꓔ ꓟ ꓥ ꓡꓳ꓿

World Medical Association၊ American Medical Association ꓐꓴ ꓡꓰ ꓬꓰ ꓟ ꓕꓲ ꓟꓲ ꓠꓯ ꓡꓱ ꓠꓯꓼ ꓞꓲꓼ ꓫꓬ, ꓚꓱ, ꓔꓯ ꓟꓳ ꓖꓪ ꓙꓱ ꓡꓯꓽ ꓘꓳ ꓟ ꓙꓵ, ꓗꓪ ꓥ ꓟꓲ ꓔꓲꓺ ꓒ ꓪ ꓔꓲ ꓡꓰ ꓕꓳ ꓶ ꓗꓪ ꓐꓰ ꓐꓳ ꓢꓲ ꓠꓬꓲ ꓠꓻ ꓫꓬ ꓑ ꓫꓬ ꓢꓴ ꓮ ꓙꓵꓽ ꓔꓯ ꓕꓲ ꓡꓰ ꓠꓻ ꓫꓬ, ꓖꓶ ꓠ, ꓟ ꓐꓯ ꓔ ꓟ ꓥ ꓡꓳ꓿

ꓠꓻ ꓢꓴ ꓑ ꓫꓬ ꓐꓴ ꓔꓯ ꓒꓴ ꓫꓵ ꓔꓯ ꓟꓽ ꓡꓳ ꓞꓻ ꓞꓻ ꓠꓻ ꓫꓬ, ꓖꓶ ꓠ, ꓟ ꓮ ꓘꓶ. ꓛꓲ ꓣꓳꓺ ꓚꓵ. ꓟ ꓔꓯ ꓔꓲꓺꓒ ꓪ ꓔꓲ ꓡꓰ ꓐꓯ ꓔ ꓟ ꓥ ꓡꓳ꓿ ꓝꓮꓲ ꓠꓻ ꓢꓴ ꓐꓴ ꓔꓯ ꓬꓰ ꓙ ꓔꓳ ꓙ ꓠ, ꓟ ꓥ ꓟꓲ ꓮ ꓘꓶ. ꓛꓲ ꓣꓳꓺ ꓚꓵ. ꓟ ꓔꓯ ꓟ. ꓖꓶ ꓔ ꓟ ꓥ ꓡꓳ꓿

ꓝꓮꓲ ꓔꓲꓺ ꓒ ꓪ ꓔꓲ ꓠꓬ ꓟꓲ ꓠꓯ ꓫ ꓢꓴ ꓟꓶ ꓢꓴ ꓗꓴꓷꓼ ꓘꓴꓽ ꓗꓪ ꓔꓬ ꓟ ꓑ ꓫꓬ ꓐꓴ ꓠꓻ ꓫꓬ ꓖꓶ ꓟ ꓙꓵ, ꓕꓯ ꓒꓴ ꓫꓵ ꓔꓯ ꓡꓰ ꓡꓳ. ꓢꓲ ( ꓒꓴ ꓟꓽ ꓙꓳ ꓟ) ꓠꓬ ꓠꓻ ꓫꓬ, ꓖꓶ ꓓꓴ ꓟꓽ ꓬꓰ ꓟ ꓚꓱ, ꓙꓳ ꓟ ꓪꓴ. ꓠꓬꓲ ꓮ ꓘꓶ. ꓛꓲ ꓠꓲ, ꓟ ꓫ. ꓟ ꓚꓱ, ꓔꓯ ꓐꓯ ꓔ ꓡꓳ꓿

ꓠꓯꓼ ꓞꓲꓼ ꓟꓬꓱꓽ ꓬꓰ ꓢꓴ ꓐꓴ ꓔꓯ ꓠꓻ ꓫꓵꓽ ꓠꓻ ꓢꓴ ꓐꓴ ꓔꓯ ꓠꓻ ꓫꓬ, ꓖꓶ ꓟ ꓙꓵ, ꓔꓯ ꓮ ꓡꓰ ꓐꓰ ꓬꓰ ꓙ ꓠ, ꓟ ꓐꓰ ꓮ ꓘꓶ. ꓛꓲ ꓠꓲ, ꓟ ꓠꓵ ꓢꓲ ꓠꓬꓲ ꓫ. ꓕꓱ ꓬꓰ ꓙ ꓔꓳ ꓙ ꓟ ꓣꓱ ꓬꓯꓼ ꓟ ꓚꓱ, ꓔꓯ ꓐꓯ ꓔ ꓟ ꓥ ꓡꓳ ꓐꓰ ꓔꓲꓺ ꓒ ꓪ ꓔꓲ ꓠꓬ (World Medical Association ) ꓕꓲ ꓟꓲ ꓠꓯ ꓡꓱ ꓠꓯꓼ ꓞꓲꓼ ꓜꓴꓻ ꓗꓪ ꓖꓪ ꓙꓱ ꓜꓲꓼ ꓓꓴ ꓬꓰ ꓟ ꓜꓲꓼ ꓓꓴ ꓗꓪ ꓔꓲꓺ ꓒ ꓪ ꓔꓲ ꓡꓰ ꓐꓳ ꓔ ꓟ ꓥ ꓡꓳ ꓐꓰ Vatican News ꓓꓳꓽ ꓗꓪ ꓐꓰ ꓢꓷ. ꓪ ꓡꓳ꓿