ꓑꓴꓔꓮꓳ ꓡꓳ ꓒꓱ ꓟ‐ꓠꓳ ꓞꓳ ꓘ, ꓗꓪ ꓗ‐ꓔꓳ‐ꓡꓲ ꓘꓴ ꓜꓲꓼ ꓞꓳ ꓛꓲ ꓡ ꓗꓷ ꓟ (50) ꓘꓳꓼ ꓐꓲ ꓙꓴꓐꓲꓡꓲ ꓑꓮꓲ ꓬꓰ ꓗꓷ ꓟ

ꓑꓴꓔꓮꓳ ꓡꓳ ꓒꓱ ꓟ‐ꓠꓳ ꓞꓳ ꓘ, ꓗꓪ ꓗ‐ꓔꓳ‐ꓡꓲ ꓘꓴ ꓜꓲꓼ ꓞꓳ ꓛꓲ ꓡ ꓗꓷ ꓟ (50) ꓘꓳꓼ ꓐꓲ ꓙꓴꓐꓲꓡꓲ ꓑꓮꓲ ꓬꓰ ꓗꓷ ꓟ

1 ꓦ ꓟ 27 ꓠꓬꓲ 2024 ꓘꓳꓼ ꓠꓽ ꓛꓳ ꓠꓬꓲ ꓕꓯ ꓟꓲ‐ꓚꓲ‐ꓠ ꓢ‐ꓢꓶ‐ꓠ ꓖ‐ꓟꓶ‐ꓓꓰ ꓔꓲꓺ ꓒ ꓙꓵꓽ ꓔꓶ ꓟ‐ꓠꓳ ꓞꓳ ꓘ, ꓗꓪ ꓗ‐ꓔꓳ‐ꓡꓲꓗ ꓘꓴ ꓜꓲꓼ ꓞꓳ ꓛꓲ ꓡ ꓟ (50) ꓐꓲ ꓙꓴꓐꓲꓡꓲ ꓑꓮꓲ ꓔꓯ ꓗ, ꓛꓲ ꓛꓲ ꓡꓰ ꓬꓰ ꓓꓳ ꓡꓰꓳ꓿  ꓕꓱ ꓙꓴꓐꓲꓡꓲ ꓑꓮꓲ ꓔꓯ ꓗ, ꓛꓲ ꓛꓲ ꓡꓰ ꓬꓰ ꓓꓳ ꓡꓰ ꓠ, ꓟ ꓬꓲ ꓒꓳ, ꓒꓳ, ꓗꓪ ꓐꓰ ꓬꓰ ꓙ ꓔꓳ, ꓙ ꓢꓴ ꓐꓴ ꓮ ꓙꓵꓽ ꓔꓯ ꓮ ꓘꓶ. ꓫ. ꓟꓳ ꓪ ꓡꓳ ꓐꓰ ꓐꓯ ꓔ ꓟ ꓥ ꓡꓳ꓿

ꓟ‐ꓠꓳ ꓞꓳ ꓘ, ꓗꓪ ꓠꓬ ꓗ‐ꓔꓳ‐ꓡꓲꓗ ꓘꓴ ꓜꓲꓼ ꓞꓳ (13) ꓦꓲꓻ ꓔꓬ ꓟ ꓞꓳ ꓘ, ꓥ ꓢꓲ ꓠꓬꓲ ꓙꓲ‐ꓢꓴ ꓢꓲꓺ ꓤ (84) ꓣꓳ ꓔꓬ ꓟ ꓞꓳ ꓘ, ꓥ ꓡꓳ꓿ ꓮ ꓟꓶ ꓟ ꓙꓵ, ꓗꓪ ꓟ‐ꓠꓳ ꓞꓳ ꓘ, ꓗꓪ ꓪꓴ‐ꓢ ꓟꓬꓱꓽ ꓟꓯ ꓔꓬ ꓟ ꓠꓬ ꓟ. ꓒ ꓐꓳꓢꓚꓳ ꓢꓴꓔ ꓮꓴꓠꓖ ꓥ ꓡꓳ꓿

ꓟ‐ꓠꓳ ꓞꓳ ꓘ, ꓠꓬ ꓗꓳ. ꓗꓷ ꓟ 1962 ꓘꓳ 2 ꓦ ꓟ 7 ꓠꓬꓲ ꓕꓯ ꓮ‐ꓢ ꓑꓶ ꓬꓲ ꓞꓳ ꓪꓴꓽ ꓐꓴ ꓐꓰ ꓠꓴ‐ꓡꓴ‐ꓟꓲ ꓞꓳ ꓐꓴ ꓐꓰ ꓧꓪ ꓡꓯꓽ ꓘꓳ ꓢꓲ ꓠꓬꓲ ꓟ‐ꓠꓳ ꓡꓴ‐ꓟꓲ ꓞꓳ ꓘ, ꓐꓰ ꓟꓬꓱꓺ ꓔ ꓟ ꓥ ꓡꓳ ꓐꓰ ꓔꓲꓺ ꓒ ꓬꓳ‐ꓦ ꓮꓴꓠꓖ‐ꓧꓔꓲꓳ ꓖꓶ ꓩꓴ ꓡ ꓟ ꓓꓳꓽ ꓗꓪ ꓐꓰ ꓢꓷ. ꓪ ꓡꓳ꓿