ꓣꓳ ꓟꓹ ꓟ ꓟꓲ ꓠꓯ ꓔꓯ ꓮ ꓡꓰ ꓐꓰ ꓠꓬꓲ ꓡꓳꓸ ꓗꓪ ꓫꓵ ꓠꓹ ꓟ꓾

Sunday, February 11, 2024

ꓣꓳ ꓔꓯ ꓪꓴ-ꓢ ꓡꓰ ꓟꓲ ꓠꓯ ꓕꓱ ꓟ ꓔꓯ ꓖꓶ ꓔ ꓟ ꓠꓬ ꓠꓬꓲ ꓡꓳꓸ ꓗꓪ ꓫꓵ ꓠꓹ ꓟ꓾ꓔꓶꓻ ꓜ ꓔꓶꓻ ꓓꓳ ꓠꓹ ꓟ꓾ ꓞꓳ ꓙꓳ ꓠꓬꓲ ꓡꓳꓸ ꓠꓹ ꓟ ꓐꓯ ꓢꓲ꓾ ꓪꓴ-ꓢ ꓡꓰ ꓣꓳ ꓔꓯ ꓶꓻ ꓖꓶ ꓔ ꓡꓳ= ꓟꓹ ꓟ ꓟꓲ ꓠꓯ ꓕꓱ ꓟ ꓔꓯ ꓥ ꓟꓲ ꓠꓬꓲ ꓡꓳꓸ ꓗꓪ ꓫꓵ ꓠꓹ ꓟ ꓕꓵꓼ ꓪ ꓖꓶ ꓔ ꓡꓳ= ꓣꓳ ꓕꓲ ꓠꓬꓲ ꓡꓲ ꓕꓲ ꓠꓬꓲ ꓬꓰ ꓜ ꓬꓰ ꓓꓳ꓾ꓣꓱꓽ ꓜ ꓣꓱꓽ ꓓꓳ ꓔꓬ ꓟ꓾ ꓖꓪ ꓔꓬ ꓟ ꓕꓱ ꓡꓱ ꓫꓵ ꓜ ꓫꓵ ꓓꓳ ꓫꓵ ꓔꓯ ꓮ ꓔꓲꓸ ꓤ ꓢꓷꓹ ꓗꓷ_ ꓠꓬ ꓟꓲ ꓠꓯ ꓕꓱ ꓟ ꓔꓯ ꓠꓬꓲ ꓡꓳꓸ ꓗꓪ ꓫꓵ ꓔꓬ ꓫꓵ ꓐꓰ ꓕꓲ ꓡꓲꓹ ꓗꓷ ꓡꓰ_ ꓥꓳ= ꓬꓲꓸ ꓪꓴꓸ ꓕꓲ ꓟ ꓠꓬ꓾ ꓣꓳ ꓕꓲ ꓠꓬꓲ ꓡꓲ ꓕꓲ ꓠꓬꓲ ꓣꓱꓽ ꓔꓬ ꓟ ꓮꓸ ꓔꓳꓸ ꓔꓯ ꓣꓱꓽ ꓟꓽ ꓞꓹ ꓗꓪ ꓮꓸ ꓔꓳꓸ ꓔꓯ ꓕꓽ ꓣꓱꓽ꓾ ꓬꓲꓼ ꓔꓸ ꓕꓯ ꓠꓬ ꓮꓸ ꓔꓳꓸ ꓔꓯ ꓝꓲꓸ ꓗꓷ꓾ ꓮꓸ ꓔꓳꓸ ꓔꓯ ꓮꓽ ꓔꓳ ꓔꓳ ꓒꓴ ꓔ ꓟ ꓕꓽ ꓬꓰ꓾ ꓜꓝꓮꓲ ꓜ ꓫꓵ ꓜ ꓙꓰ ꓗꓪ ꓣꓱꓽ ꓟꓽ ꓞ ꓞ ꓐꓰ ꓮ ꓟꓬꓹ ꓕꓽ ꓜ꓾ ꓐꓯ ꓠꓲꓹ ꓫꓵ ꓟ ꓠꓬ ꓣꓳ ꓜ ꓟꓽ ꓘꓴ ꓠ ꓗꓪ ꓛꓲ ꓕꓽ ꓜ꓾ ꓮ ꓔꓳ ꓗꓷ ꓡꓰ ꓠꓹ ꓟ ꓕꓽ ꓬꓰ꓾ ꓝꓮꓲ ꓬꓲꓻ ꓙꓬ ꓔꓯ ꓤ ꓟꓳ ꓢꓲ ꓣꓱꓽ꓾ ꓣꓳ ꓤꓱꓽ ꓟꓽ ꓞꓹ ꓕꓯ ꓬꓲꓻ ꓙꓬ ꓔꓯ ꓝꓲꓸ ꓔ꓾ ꓬꓲꓻ ꓙꓬ ꓔꓯ ꓮ ꓔꓳ ꓔꓳ ꓕꓽ ꓬꓲ ꓡꓰ ꓝꓲ꓾ ꓕꓱ ꓟ ꓡꓰ ꓐꓰ ꓙꓻ ꓖꓴ ꓗꓪ ꓐꓰ ꓫꓱꓽ ꓖꓴ ꓓꓹ ꓗꓪ ꓙꓻ ꓫꓱꓽ꓾ ꓙꓰ ꓐ ꓡ_ ꓟ ꓗꓪ ꓟꓳ-ꓓꓳ ꓚꓬꓚꓡꓰ ꓗꓪ ꓐꓰ ꓟꓽ ꓥ ꓛꓲ ꓒꓯꓹ ꓐꓰ ꓙꓻ ꓫꓱꓽ꓾ ꓝꓮꓲ ꓐꓵ ꓞꓶꓽ ꓖꓪ ꓓꓴ ꓥ ꓟꓲ ꓖꓪ ꓡꓳꓼ ꓠ ꓛꓲ ꓣꓱꓽ ꓞꓹ ꓡꓰ ꓛꓲ ꓡꓰ ꓪꓴ꓾ ꓣꓱꓽ ꓞꓹ ꓟ ꓡꓰ ꓪꓴ ꓖꓪ꓾ ꓕꓳ ꓒꓬ ꓕꓳ ꓑꓶ ꓥ ꓟꓲ ꓣꓱꓽ ꓟꓽ ꓞꓹ ꓞꓹ ꓕꓽ ꓪꓴꓻ ꓪꓴ ꓗꓷ ꓥ ꓟꓲ ꓐꓲ ꓐꓲ ꓜꓲꓼ ꓜꓲꓼ ꓡꓰ ꓐꓳ ꓢꓲ ꓖꓴ ꓠ ꓗꓪ ꓛꓲ ꓣꓱꓽ ꓓꓴ ꓬꓰ ꓡꓯ= ꓮ ꓫꓵ ꓑꓶ ꓓꓴ ꓐꓯ ꓠꓬ꓾ ꓖꓪ ꓔꓬ ꓜ ꓔꓬ ꓙꓰ ꓔꓬ ꓟ ꓮ ꓙꓵ ꓠꓬ ꓟꓲ ꓠꓯ ꓕꓱ ꓟ ꓗꓪ ꓐꓰ ꓡꓰ ꓡ_ ꓟ ꓥꓳ= ꓪꓴ-ꓢ ꓡꓰ ꓣꓳ ꓔꓯ ꓟꓲ ꓠꓯ ꓕꓱ ꓟ ꓖꓶ ꓔ ꓟ ꓑꓶ ꓓꓴ ꓣꓳ ꓠꓬ ꓟꓲ ꓠꓯ ꓔꓯ ꓐ ꓡ ꓟꓬ ꓛꓲ ꓠꓬꓲ ꓡꓳꓸ ꓗꓪ ꓫꓵ ꓠꓬ ꓪꓴ-ꓢ ꓠꓲꓹ ꓡꓶꓽ ꓛꓳ_ ꓟ ꓡꓰ ꓐꓰ ꓣꓳ ꓟꓹ ꓟ ꓟꓲ ꓠꓯ ꓔꓯ ꓟꓲ ꓠꓲꓹ ꓠꓵ_ ꓟ ꓕꓲ ꓡꓲꓹ ꓗꓷ ꓡꓰ ꓟ ꓥꓳ= 

Add new comment

10 + 4 =

Quick Links