ꓮ ꓟꓶ ꓟ ꓙꓵ, ꓗꓪ ꓣꓳ‐ꓟ ꓗꓴꓷꓼ ꓗꓪ ꓛꓲ ꓔꓬ ꓟ ꓔꓲꓺ ꓒ ꓓꓽ Cardinal Charles Bo ꓡꓰ ꓔꓲꓺ ꓒ ꓪ ꓔꓲ ꓐꓰ ꓜꓲ ꓡꓯꓽ ꓘꓳ_ ꓟ ꓙꓵ, ꓕꓯ ꓗ‐ꓛꓲ ꓡꓲ ꓒꓰꓼ ꓡꓯ‐ꓙꓯ ꓡꓯ‐ꓫ. ꓔꓯ ꓡꓯ ꓫꓴꓻ ꓖꓶ ꓗꓷ ꓟ ꓓꓳꓽ (Church news)

#rvalisu #Pope Francis and Cardinal Charles Bo #creditphoto
Monday, February 12, 2024

ꓮ ꓟꓶ ꓟ ꓙꓵ, ꓗꓪ ꓣꓳ‐ꓟ ꓗꓴꓷꓼ ꓗꓪ ꓛꓲ ꓔꓬ ꓟ ꓔꓲꓺ ꓒ ꓓꓽ Cardinal Charles Bo ꓡꓰ ꓔꓲꓺ ꓒ ꓪ ꓔꓲ ꓐꓰ ꓜꓲ ꓡꓯꓽ ꓘꓳ_ ꓟ ꓙꓵ, ꓕꓯ ꓗ‐ꓛꓲ ꓡꓲ ꓒꓰꓼ ꓡꓯ‐ꓙꓯ ꓡꓯ‐ꓫ. ꓔꓯ ꓡꓯ ꓫꓴꓻ ꓖꓶ ꓗꓷ ꓟ ꓓꓳꓽ

2 ꓦ ꓟ 8 ꓠꓬꓲ 2024 ꓘꓳꓼ ꓕꓯ ꓟꓵꓽ ꓗꓳ ꓓꓵ ꓓꓵ ꓗꓪ ꓔꓬ ꓗ‐ꓕꓳ‐ꓡꓲ ꓘꓴ ꓜꓲꓼ ꓞꓳ ꓔꓯ ꓧꓳꓽ ꓪꓴ. ꓟꓴ ꓔꓬ ꓟ ꓔꓲꓺ ꓒ ꓪ ꓔꓲ ꓐꓰ ꓟꓬ‐ꓟ ꓗꓴꓷꓼ ꓗꓪ ꓐꓰ ꓔꓲꓺ ꓒ ꓓꓽ Cardinal Charles Bo ꓐꓴ ꓣꓳ‐ꓟ ꓗꓴꓷꓼ ꓗꓪ ꓜꓲ ꓡꓯꓽ ꓘꓳ_ ꓟ ꓙꓵ, ꓕꓯ Cardinal ꓡꓰ ꓗ‐ꓛꓲ ꓡꓲ ꓒꓰꓼ ꓡꓯ‐ꓙꓯ ꓡꓯ‐ꓫ. ꓔꓯ ꓡꓯ ꓫꓴ ꓖꓶ ꓗꓷꓳ ꓐꓰ ꓢꓷ. ꓪ ꓡꓳ꓿

ꓕꓱ ꓗ‐ꓛꓲ ꓡꓲ ꓒꓰꓼ ꓡꓯ‐ꓙꓯ ꓡꓯ‐ꓫ. ꓠꓬ ꓗ‐ꓛꓲ ꓗꓴꓷꓼ ꓫꓴ ꓟꓲ‐ꓚꓲ‐ꓠ ꓢ‐ꓢꓶ‐ꓠ ꓮ ꓙꓵꓽ ꓡꓱꓽ ꓬꓲ. ꓛꓵ ꓥ ꓢꓲ ꓠꓬꓲ ꓔꓲꓺ ꓒ ꓪ ꓔꓲ ꓝꓣꓮꓠꓚꓲꓢ ꓐꓰ ꓜꓲ ꓡꓯꓽ ꓘꓳ_ ꓟ ꓙꓵ, ꓕꓯ ꓥ ꓟꓲ ꓗ‐ꓛꓲ ꓗꓴꓷꓼ ꓗꓪ ꓮ ꓟꓶ ꓟ ꓙꓵ, ꓗꓪ ꓮ ꓫꓵꓽ ꓒꓬꓱꓼ ꓔꓬ ꓟ ꓐꓰ ꓘꓴ ꓜꓲꓼ ꓞꓳ ꓚꓱ, ꓔꓯ ꓐꓯ ꓟ. ꓖꓶ ꓓꓴ ꓬꓲ ꓙꓵ, ꓟꓶ ꓡꓰꓳ ꓐꓰ ꓚꓮꓣꓓꓲꓠꓮꓡ ꓡꓰ ꓖꓶ ꓩꓴ ꓡ ꓟ ꓓꓳꓽ ꓗꓪ ꓐꓰ ꓢꓷ. ꓪ ꓡꓳ꓿

ꓔꓲꓺ ꓒ ꓪ ꓔꓲ ꓠꓬ ꓗꓳ. ꓗꓷ ꓟ ꓘꓳꓼ 9 ꓦ ꓟ  ꓔꓲꓺ ꓒ ꓪ ꓔꓲ ꓝꓲ ꓓꓴ Msgr. Andrea Ferrete ꓔꓯ ꓟꓲ‐ꓚꓲ‐ꓠ ꓢ‐ꓢꓶ‐ꓠ ꓗꓪ ꓡ ꓗꓷ ꓢꓲ ꓠꓬꓲ ꓙꓲ‐ꓢꓴ ꓢꓲꓺ ꓤ ꓮ ꓡꓰ ꓐꓰ ꓞꓳ ꓙꓳ ꓢꓯ. ꓔꓬ ꓟ ꓐꓰ ꓪꓴ‐ꓢ ꓟꓬꓱꓽ ꓗꓪ ꓮ ꓡꓰ ꓐꓰ ꓬꓰ ꓔꓬ ꓟ ꓔꓯ ꓡꓳ. ꓟꓳ ꓡꓰ ꓟ ꓥ ꓡꓳ꓿ ꓔꓲꓺꓒ ꓪ ꓔꓲ ꓠꓬ ꓟꓵꓽ ꓗꓳ. ꓓꓵ ꓓꓵ ꓗꓪ ꓔꓬ ꓟ ꓗ‐ꓔꓳ‐ꓡꓲꓗ ꓙꓲ‐ꓢꓴ ꓢꓲꓺ ꓤ ꓐꓴ ꓔꓯ ꓧꓳꓽ ꓪꓴ. ꓟꓴ ꓔꓬ ꓟ ꓟ ꓝꓲ‐ꓓꓴ ꓒꓲ‐ꓕꓱ ꓬꓲ. ꓛꓵ ꓥ ꓢꓲ ꓠꓬꓲ ꓬꓲ ꓠꓬ  (266) ꓣꓳ ꓟ ꓔꓲꓺ ꓒ ꓪ ꓔꓲ ꓥ ꓡꓳ꓿

Add new comment

2 + 8 =

Quick Links