ꓠꓲꓽ ꓪ ꓔꓲ ꓡꓰ ꓬꓰ‐ꓢꓴ ꓔꓯ ꓫꓵꓽ ꓠꓬꓲˍ ꓟ (Sunday reflection)

ꓠꓲꓽ ꓪ ꓔꓲ ꓡꓰ ꓬꓰ‐ꓢꓴ ꓔꓯ ꓫꓵꓽ ꓠꓬꓲˍ ꓟ (Sunday reflection)

ꓠꓬꓲ. ꓠꓬꓲ ꓢꓲꓺ ꓒ ꓦꓬꓼ ꓠꓬꓲ ꓠꓬ ꓘꓴ ꓜꓲꓼ ꓞꓳ ꓟꓵꓽ ꓘꓳꓼ ꓠꓯ, ꓗꓪ ꓐꓰ ꓜꓽ ꓚꓲ. ꓧꓪꓽ ꓚꓲ. ꓟ ꓙꓵ, ꓬꓲ. ꓪꓴ. ꓕꓲ ꓫꓵꓽ ꓠꓽ ꓟ ꓢꓲꓺ ꓒ ꓦꓬꓲꓼ ꓠꓬꓲ ꓥ ꓡꓳ꓿ ꓠꓬꓲ. ꓠꓬꓲ ꓗꓪ ꓵꓻ ꓠ, ꓟ ꓢꓲꓺ ꓒ ꓕꓳ ꓶ ꓠꓬ ꓟ‐ꓘꓳ ꓕꓳ ꓶ (1ꓽ 12‐15) ꓝꓲ. ꓥ ꓢꓲ ꓠꓬꓲ ꓢꓲꓺ ꓒ ꓬꓰ‐ꓢꓴ ꓔꓯ ꓠꓲꓽ ꓢ‐ꓓꓯ ꓡꓰ ꓫꓵꓽ ꓠꓬꓲˍ ꓟ ꓢꓲꓽ ꓫꓬ ꓕꓳ ꓶ ꓝꓲ ꓥ ꓡꓳ꓿

ꓢꓲꓺ ꓒ ꓬꓰ‐ꓢꓴ ꓠꓬ ꓡꓲ ꓛꓲ ꓗꓪ (40) ꓠꓬꓲ (40) ꓦꓬꓼ ꓜꓽ ꓓꓴ ꓟꓽ ꓜꓽ ꓜ ꓓꓴ ꓚꓲ. ꓔꓬ ꓟ ꓙꓵ, ꓕꓯ ꓠꓲꓽ ꓢ‐ꓓꓯ ꓠꓬ ꓬꓲ ꓔꓯ ꓜ ꓠꓬꓲˍ ꓫꓵꓽ ꓠꓬꓲˍ ꓟ ꓥ ꓡꓳ꓿ ꓓꓽ ꓪꓴ. (1) ꓜ ꓠꓬꓲˍ ꓫꓵꓽ ꓠꓬꓲˍ ꓟ ꓠꓬ ꓧꓪꓽ ꓖꓳ ꓓꓱ ꓐꓱ ꓶ ꓜ ꓓꓴ ꓗꓪ ꓐꓰ ꓥ ꓡꓳ꓿ ꓢ‐ꓓꓯ ꓡꓰ ꓠꓴ ꓠꓬ ꓪꓴ‐ꓢ ꓮ‐ꓐꓲ ꓚꓵ. ꓥ ꓠꓬ ꓡꓳ ꓓꓰ ꓐꓱ ꓟ ꓑ ꓑ ꓜ ꓓꓴ ꓒꓬꓱꓼ ꓡ ꓠ, ꓟ ꓬꓰ ꓢꓲ ꓠꓬꓲ ꓜ ꓐꓰ ꓢ‐ꓓꓯ ꓡꓰ ꓢꓲꓺ ꓒ ꓬꓰ‐ꓢꓴ ꓔꓯ ꓐꓯ ꓟ ꓥ ꓡꓳ꓿ꓢꓲꓺ ꓒ ꓬꓰ‐ꓢꓴ ꓡꓰ ꓡ ꓞꓳ ꓠꓬ ꓜ ꓓꓴ ꓗꓪ ꓐꓰ ꓢꓯ. ꓔꓬ ꓟ ꓟꓽ ꓥ ꓪꓴ‐ꓢ ꓐꓯ ꓘꓶꓽ ꓗꓪ ꓐꓰ ꓢꓯ. ꓔꓬ ꓟ ꓔꓯ ꓐꓯ ꓖꓶ ꓢꓲ ꓠꓬꓲ ꓢ‐ꓓꓯ ꓔꓯ  ꓧꓪ. ꓡꓰ ꓟ ꓥ ꓡꓳ꓿

(2) ꓫꓵꓽ ꓜ ꓠꓬꓲˍ ꓫꓵꓽ ꓠꓬꓲˍ ꓟ ꓠꓬ ꓟꓲ ꓠꓯ ꓗꓪ ꓒꓴ ꓫꓵ ꓐꓰ ꓗ, ꓛꓲ ꓓꓴ ꓐꓰ ꓙꓵꓽ ꓪ ꓗꓪ ꓐꓰ ꓢ‐ꓓꓯ ꓡꓰ ꓢꓲꓺ ꓒ ꓬꓰ‐ꓢꓴ ꓔꓯ ꓜ ꓠꓬꓲˍ ꓟ ꓥ ꓡꓳ꓿ꓝꓮꓲ ꓢ‐ꓓꓯ ꓔꓯ ꓪꓴ. ꓓꓵ ꓓꓱ ꓠ, ꓟ ꓢꓲꓺ ꓒ ꓬꓰ‐ꓢꓴ ꓔꓯ ꓐꓯ ꓗꓷ ꓟ ꓙꓵ, ꓕꓯ ꓢꓲꓺ ꓒ ꓬꓰ‐ꓢꓴ ꓡꓰ ꓪꓴ‐ꓢ ꓕꓲ ꓣꓳ ꓔꓯ ꓡꓰ ꓪꓴ. ꓓꓵ ꓓꓱ ꓔ ꓡꓳ ꓐꓰ ꓐꓯ ꓗꓷ ꓟ ꓥ ꓡꓳ꓿ ꓝꓮꓲ (3) ꓫꓵꓽ ꓠꓬ ꓠꓴ ꓠꓬ ꓪꓴ‐ꓢ ꓮ‐ꓐ ꓚꓵ. ꓥ ꓟ ꓔꓯ ꓐꓯ ꓟ. ꓖꓶ ꓠ, ꓟ ꓥ ꓡꓳ꓿ ꓪꓴ‐ꓢ ꓮ‐ꓐꓲ ꓚꓵ. ꓥ ꓠꓬ ꓕꓱ ꓗꓪ ꓐꓰ ꓙꓰ ꓠ, ꓟ ꓐꓰ ꓟꓴ ꓗꓪ ꓝꓲ ꓓꓴ ꓐꓴ ꓡꓰ ꓠꓴ ꓔꓯ ꓬꓰ ꓙ ꓡ ꓓꓴ ꓥꓳ ꓐꓰ ꓐꓯ ꓟ ꓙꓵ, ꓕꓯ ꓪꓴ‐ꓢ ꓕꓯ ꓜ ꓠꓬꓲˍ ꓓꓴ ꓟꓽ ꓬꓰ ꓠ, ꓟ ꓐꓯ ꓗꓷ ꓟ ꓥ  ꓡꓳ꓿

ꓡ ꓞꓳ ꓔꓯ ꓝꓴꓲ ꓗꓪ ꓓꓵ ꓡꓰ ꓝꓲ ꓟ (3) ꓙꓵꓽ ꓟ ꓥ ꓡꓳ꓿ 1 ꓠꓬ ꓢ‐ꓓꓯ ꓡꓰ ꓜ ꓠꓬꓲˍ ꓟ ꓐꓰ ꓬꓲ ꓐꓯ ꓘꓶꓽ ꓔꓯ ꓠ, ꓡꓳ ꓬꓰ ꓟ꓿ (2) ꓠꓬ ꓟꓲ ꓠꓯ ꓕꓯ ꓢꓲ ꓗꓪ ꓒꓴ ꓫꓵˍ ꓐꓰ ꓗ, ꓛꓲ ꓓꓴ꓾ ꓙꓵꓽ ꓪ ꓥ ꓟ ꓐꓰ (3) ꓠꓬ ꓚꓲ. ꓛꓬ ꓧꓪ ꓖꓳꓽ ꓓꓱ ꓡꓰ ꓟꓽ ꓙꓲ ꓟ ꓚꓱ, ꓗꓪ ꓞꓳ ꓫꓱ, ꓠ, ꓟ ꓥ ꓡꓳ꓿ꓮ‐ꓓꓯ ꓐꓰ ꓮ‐ꓪ ꓠꓬ ꓟꓲ ꓠꓯ ꓤ ꓠꓬꓲ ꓫꓵꓽ ꓠꓬꓲˍ ꓟ ꓗꓪ ꓧꓪ. ꓡꓰ ꓟꓽ ꓘꓴ ꓟ ꓪꓴ. ꓠꓬꓲ ꓝꓴꓲ ꓠꓯ, ꓗꓪ ꓞ ꓡꓰ ꓟ ꓥ ꓡꓳ꓿

ꓢ‐ꓓꓯ ꓡꓰ ꓜ ꓠꓬꓲˍ ꓟ ꓗꓪ ꓐꓰ ꓢꓲꓺ ꓒ ꓬꓰ‐ꓢꓴ ꓠꓬ ꓧꓪ. ꓡꓰ ꓟ ꓥ ꓡꓳ꓿ ꓕꓱ ꓡꓰ ꓐꓰ ꓢꓲꓺ ꓒ ꓬꓰ‐ꓢꓴ ꓠꓬ ꓕꓲ ꓞꓲ ꓕꓲ ꓒ ꓢꓯꓼ ꓟꓬ, ꓙꓻ ꓖꓴ ꓥ ꓟ ꓟ. ꓖꓶ ꓗꓷ ꓟ ꓥ ꓡꓳ꓿ ꓠꓬꓲ. ꓠꓬꓲ ꓠꓴ ꓥꓪ ꓥ ꓟꓲ ꓮ‐ꓓꓯ ꓐꓰ ꓮ‐ꓪ ꓡꓰ ꓞꓳ ꓫꓱ, ꓟ ꓙ ꓖꓻ ꓟ ꓙꓰ ꓔꓬ ꓡ ꓝꓮꓲ ꓢꓲꓺ ꓒ ꓬꓰ‐ꓢꓴ ꓡꓰ ꓧꓳꓽ ꓣꓱ ꓔꓬ ꓟ ꓙ ꓖꓴ ꓗꓪ ꓙꓰ ꓔꓬ ꓡ ꓐꓰ ꓣꓳ ꓚꓲ. ꓛꓬ ꓚꓱ ꓓꓵ ꓙ ꓠꓬꓲ ꓡꓯ꓿ ꓝꓴꓲ ꓠꓯ, ꓗꓪ ꓞꓲ ꓡꓰ ꓟ ꓚꓱ, ꓥ ꓔ ꓑꓳ ꓔ ꓤ ꓟꓳ ꓓꓴ ꓬꓰ ꓡꓯ꓿ ꓢꓲꓺ ꓒ ꓬꓰ‐ꓢꓴ ꓔꓯ ꓮ ꓕꓯ ꓥ ꓟꓲ ꓪꓽ ꓘꓴ ꓓꓴ ꓬꓰ ꓡꓯ꓿