ꓢꓲꓹ ꓒꓬꓽ ꓑꓶ ꓖꓶˍ ꓟ ꓑꓮꓲꓽ (Palm Sunday Homily)

ꓢꓲꓹ ꓒꓬꓽ ꓑꓶ ꓖꓶˍ ꓟ ꓦꓬꓼ ꓠꓬꓲ꓾ ꓢꓲ ꓒ ꓬꓰ-ꓢꓴ ꓠꓬ ꓙꓱ-ꓣꓴ-ꓢ-ꓡꓱ ꓡꓳ ꓒꓱ ꓗꓪ ꓧꓪꓸ ꓡꓰˍ ꓟ ꓐꓰ ꓓꓵꓽ ꓙꓰˍ ꓟ ꓑꓮꓲꓽ ꓦꓬꓼ ꓠꓬꓲ ꓶꓼ ꓓꓳꓽ ꓫꓱꓹ ꓓꓳꓽ

ꓢꓲ ꓒ ꓬꓰ-ꓢꓴ ꓠꓬ ꓟꓲ ꓠꓯ ꓕꓱ ꓟ ꓗꓪ ꓬꓯꓼ ꓡ ꓟ ꓬꓲ ꓔꓶ ꓙꓱꓼ ꓥ ꓟ ꓞꓳ ꓤ ꓐꓱ ꓶ ꓢꓯꓼ ꓟꓬ ꓖꓶ ꓠꓹ ꓟ ꓐꓱ ꓶ ꓬꓲ ꓠꓬ ꓙꓱ-ꓣꓴ-ꓢ-ꓡꓱ ꓗꓪ ꓙꓰˍ ꓟ ꓔꓯ ꓚꓲꓸ ꓟꓶ ꓓꓴ ꓑꓮꓲꓽ ꓣꓳ ꓬꓰ ꓔꓬ ꓟ ꓥ ꓡꓳ=

ꓥ ꓡꓳ꓾ ꓬꓲꓼ ꓤ ꓠꓬꓲ ꓤ ꓐꓴꓳ꓾ ꓟꓵꓽ ꓗꓳꓹ ꓓꓵ ꓓꓵ ꓗꓪ ꓟ ꓪ ꓔꓲꓸ ꓐꓴ ꓠꓬ ꓕꓲ ꓗꓴꓷꓼ ꓡꓰ ꓕꓲ ꓗꓴꓷꓼ ꓔꓯ ꓢꓰꓼ ꓠꓹ ꓟ ꓐꓱ ꓶ꓾ ꓧꓪꓸ ꓡꓰ ꓠꓹ ꓟ ꓐꓱ ꓶ ꓙꓰˍ ꓡꓳ= ꓪ ꓔꓲꓸ ꓐꓴ ꓠꓬ ꓚꓲꓸ ꓛꓬ ꓟꓯꓼ ꓤ꓾ ꓚꓲꓸ ꓛꓬ ꓑꓳꓻ ꓤ꓾ ꓚꓲꓸ ꓛꓬ ꓮ ꓟꓴꓽ ꓓꓽ ꓟ ꓜꓶꓽ ꓢꓲ ꓠꓬꓲ ꓕꓱ ꓡꓱ ꓢꓯꓼ ꓙꓳ ꓪꓽ ꓠꓬꓲ ꓠꓬꓲ ꓡꓰꓽ ꓟꓵꓽ ꓔꓯ ꓫ ꓠꓹ ꓟ ꓐꓱ ꓶ ꓢꓯꓼ ꓕꓵꓼˍ ꓡꓳ= ꓖꓳ ꓡꓱ ꓐꓯ ꓥ ꓟꓲ ꓣꓳ ꓪ ꓔꓲꓸ꓾ ꓪ ꓔꓲꓸ ꓕꓯꓽ ꓢꓲ ꓗꓪ ꓟ ꓪ ꓔꓲꓸ ꓥ ꓟ ꓢꓲ ꓒ ꓬꓰ-ꓢꓴ ꓠꓬ ꓬꓲ ꓚꓳ ꓡꓳ ꓗꓪ ꓮꓸ ꓕꓽ ꓕꓲ ꓞꓲˍ ꓟꓲ ꓟꓽ ꓙꓳ꓾ ꓑꓳꓻ ꓕꓲ ꓟˍ ꓟꓲ ꓟꓽ ꓙꓳ= ꓬꓲ ꓠꓬ ꓕꓳꓽ ꓡ ꓟꓴ ꓤꓽ ꓤ ꓕꓲ ꓟ ꓜꓶꓽ ꓢꓲ ꓠꓬꓲ꓾ ꓙꓽ ꓣꓳ ꓠꓲꓹ ꓡꓰ ꓙꓱ-ꓣꓴ-ꓢ-ꓡꓱ ꓗꓪ ꓧꓪꓸ ꓡꓰ ꓟ ꓐꓰ ꓓꓵꓽ ꓙꓰˍ ꓡꓳ=