ꓪꓽ ꓘꓴ ꓦꓲꓻ ꓫꓵꓼ ꓓꓵꓽ ꓑꓮꓲ ꓬꓰ_ ꓟ꓾

ꓪꓽ ꓘꓴ ꓦꓲꓻ ꓫꓵꓼ ꓓꓵꓽ ꓑꓮꓲ ꓬꓰ_ ꓟ꓾

3 ꓦ 19 ꓠꓬꓲ 2024 ꓘꓳꓼ ꓕꓯ ꓑ-ꓡ-ꓠ ꓔꓲꓺ ꓒ ꓙꓵꓽ ꓔꓶꓸ ꓗꓪ ꓐꓰ ꓢꓲ ꓫꓬ ꓢꓴ ꓬꓳ-ꓢꓷ ꓪꓽ ꓘꓴ ꓦꓲꓻ ꓫꓵꓼ ꓓꓵꓽ ꓑꓮꓲ ꓔꓯ ꓔꓲꓺ ꓒ ꓓꓽ Cardinal Charles Bo ꓗꓪ ꓐꓰ ꓶꓼ ꓥꓳꓽ ꓙꓱꓽ ꓟꓲ-ꓢ ꓪꓽ ꓘꓴ ꓖꓶ ꓗꓷ ꓟ ꓥꓳ=

ꓔꓲꓺ ꓒ ꓓꓽ Cardinal Charles Bo ꓡꓰ " ꓢꓲ ꓫꓬ ꓢꓴ ꓬꓳ-ꓢꓷ ꓡꓰ ꓐꓰ ꓔꓯꓺ ꓢꓳꓺ ꓢꓲ ꓠꓬꓲ ꓞꓳ ꓙꓳ ꓢꓯꓸ ꓔꓬ ꓠꓹ ꓟ ꓐꓱ ꓶ ꓐꓰ ꓟꓬ-ꓟ ꓗꓴꓷꓼ ꓢꓲ ꓡꓲꓹ ꓠꓹ ꓟ ꓐꓱ ꓶ ꓮ ꓘꓶꓸ ꓢꓯꓼ ꓕꓵꓼ ꓪꓽ ꓘꓴ ꓠꓹ ꓟ ꓢꓯꓼ ꓖꓶ ꓗꓷ ꓟ ꓥꓳ=" ꓝꓮꓲ ꓑ-ꓡ-ꓠ ꓔꓲꓺ ꓒ ꓥ ꓟ ꓔꓲꓺ ꓒ ꓬꓳ-ꓦ ꓠꓮꓪ ꓔꓮꓪꓠꓖ ꓗꓪ ꓐꓰ "ꓒꓴ ꓫꓵꓻ ꓗꓪ ꓐꓰ ꓥ ꓟꓲ ꓟꓬꓱꓽ ꓗꓪ ꓐꓰ ꓥ ꓟꓲ ꓬꓲꓸ ꓒꓳꓹ ꓒꓳꓹ ꓗꓪ ꓐꓰ ꓬꓰ ꓙ ꓔꓳ ꓙ ꓡ ꓢꓴ ꓔꓯ ꓮ ꓘꓶꓸ ꓫꓸ ꓟꓳ꓾" ꓐꓰ ꓐꓯ ꓖꓶ ꓔ ꓡꓳ=

ꓕꓱ ꓑꓮꓲ ꓗꓪ ꓠꓬ ꓔꓲꓺ ꓒ꓾ ꓔꓲꓺ ꓟ꓾ ꓟꓸ ꓒ꓾ ꓟꓸ ꓟ ꓐꓰ ꓘꓴ ꓜꓲꓼ ꓞꓳ ꓢꓲ ꓤ ꓐꓴ ꓮ ꓟꓬꓹ ꓜꓲꓼ ꓡ ꓟ ꓔꓯ ꓡꓳꓸ ꓟꓳ ꓪ ꓡꓳ=