ꓣ-ꓫ ꓗꓪ ꓪꓽ ꓙꓵꓺ ꓡꓰ ꓢꓲ ꓔꓬ ꓦꓲꓻ 300 ꓛꓲ ꓙꓵꓽ ꓟꓶꓸ ꓡꓰ ꓟ꓾

Thursday, April 11, 2024

ꓣ-ꓫ ꓗꓪ ꓪꓽ ꓙꓵꓺ ꓡꓰ ꓢꓲ ꓔꓬ ꓦꓲꓻ 300 ꓛꓲ ꓙꓵꓽ ꓟꓶꓸ ꓡꓰ ꓟ꓾

ꓣ-ꓫ ꓗꓴꓷꓼ꓾ ꓳꓣꓰꓠꓐꓴꓣꓖ ꓡꓳ ꓒꓱ ꓗꓪ ꓴꓣꓮꓡ ꓬꓲꓻ ꓙꓬ ꓡꓳ ꓬꓲꓻ ꓙꓬ ꓟꓬ ꓡ ꓢꓲ꓾ ꓔꓬ ꓦꓲꓻ 300 ꓟꓽ ꓞꓲ ꓬꓲꓻ ꓙꓬ ꓟꓶꓸ ꓡꓰ ꓢꓲ ꓐꓬ ꓡꓰꓳ ꓐꓰ ꓙꓵꓽ ꓪ ꓙꓳ ꓢꓴ ꓐꓴ ꓡꓰ 4 ꓦ 10 ꓠꓬꓲ ꓕꓯ ꓐꓯ ꓔ ꓟ ꓥꓳ= ꓴꓣꓮꓡ ꓪꓽ ꓛꓲ ꓗꓪ ꓐꓰ ꓪꓽ ꓙꓵꓺ ꓡ ꓟ ꓑꓶ ꓓꓴ 10 ꓘꓳꓼ ꓘꓴꓽ ꓗꓪ ꓮ ꓘꓶꓸ ꓛꓲ ꓟꓬꓹ ꓟ ꓬꓲꓻ ꓙꓬ ꓙꓵꓽ ꓡ ꓓꓴ ꓗꓷ ꓡꓰ ꓟ ꓥꓳ= ꓕꓱ ꓡꓱ ꓗꓷ ꓡꓰ ꓟ ꓑꓶ ꓓꓴ ꓞꓳ ꓤ ꓕꓲ ꓟꓶꓽ ꓣꓳ ꓟꓽ ꓞꓲ ꓔꓯ ꓚꓵꓸ ꓖꓶ ꓔꓬ ꓦ ꓟ ꓥꓳ=

ꓞꓳ ꓵ ꓣꓳ 550ꓹ000 ꓛꓲ ꓔꓬ ꓟ ꓳꓣꓰꓠꓐꓴꓣꓓ ꓡꓳ ꓒꓱ ꓗꓪ ꓙꓬ ꓫꓸ ꓓꓴ ꓙꓳ_ ꓢꓰ ꓐꓰ ꓟꓵꓽ ꓘꓳꓼ ꓚꓱꓹ ꓔꓯ ꓟꓳꓸ ꓢꓷꓸ ꓠꓲꓹ ꓙꓳ ꓒꓽ ꓐꓴ ꓡꓰ ꓐꓯ ꓔ ꓡꓳ= ꓠꓬꓲꓸ ꓠꓬꓲ 4 ꓦ 11 ꓠꓬꓲ ꓕꓯ ꓥ ꓟꓲ (70) ꓚꓟ ꓛꓲ ꓬꓲꓻ ꓙꓬ ꓓꓯ ꓡ ꓓꓴ ꓙꓳ_ ꓡꓳ ꓐꓰ ꓢꓪꓼ ꓔ ꓟ ꓥꓳ=