ꓖ-ꓟꓶ-ꓓꓲ ꓗꓪ ꓙꓼ ꓧꓪ ꓞꓶ ꓐꓰ ꓶꓻ ꓤ ꓶ ꓟꓲ ꓟꓽ ꓙꓳ ꓗꓷ ꓡꓰ ꓔꓬ ꓟ꓾

ꓖ-ꓟꓶ-ꓓꓲ ꓗꓪ ꓙꓼ ꓧꓪ ꓞꓶ ꓐꓰ ꓶꓻ ꓤ ꓶ ꓟꓲ ꓟꓽ ꓙꓳ ꓗꓷ ꓡꓰ ꓔꓬ ꓟ꓾

ꓟꓲ-ꓚꓲ-ꓠ꓾ ꓖ-ꓟꓶ-ꓓꓲ ꓟꓳ-ꓓꓳ ꓙ ꓖꓴ ꓐꓲꓸ ꓞꓹ ꓦ ꓟ ꓠꓬ ꓦ  ꓐ 1 ꓦ ꓛꓲ ꓡꓳꓼ ꓡꓰ ꓟ ꓑꓶ ꓓꓴ ꓑꓴꓔꓮꓳ ꓡꓳ ꓒꓱ ꓗꓪ ꓙꓼ ꓧꓪ ꓞꓶ ꓖꓴ ꓡꓰ ꓔꓬ ꓡꓳ ꓐꓰ ꓞꓳ ꓘꓹ ꓢꓴ ꓐꓴ ꓡꓰ ꓐꓯ ꓔ ꓡꓳ= 3 ꓦ 7 ꓠꓬꓲ ꓗꓸ ꓠꓯꓸ ꓙꓼ ꓧꓪ ꓞꓶ ꓔꓯ ꓚꓬꓹ ꓢꓲ ꓪꓴꓺ ꓓ ꓥ ꓟꓲ 4 ꓦ ꓟ 10 ꓠꓬꓲ ꓗꓪ ꓐꓰ ꓧꓪ ꓞꓶ ꓙꓵ ꓮ ꓟꓬꓹ ꓠꓬ ꓐꓲꓸ ꓦ ꓔ ꓟ ꓔꓯ ꓞꓳ ꓘꓹ ꓢꓴ ꓕꓲ ꓣꓳ ꓡꓰ ꓐꓯ ꓔ ꓡꓳ= 

"ꓥꓪ ꓠꓴ ꓐꓱ ꓶ ꓙꓰ ꓚꓳ ꓓꓴ ꓫꓸ ꓡ ꓔꓬ ꓡꓳ꓾ ꓟꓬꓱꓽ ꓬꓰ ꓜ ꓬꓰ ꓓꓳ ꓗꓪ ꓙꓰ ꓥ ꓟꓲ ꓚꓬꓚꓡꓰ꓾ ꓟꓳ-ꓓꓳ ꓐꓰ ꓡꓰ ꓙꓰ ꓠ ꓔ ꓟ ꓑꓶ ꓓꓴ ꓧꓪ ꓞꓶ ꓟꓽ ꓙꓳ ꓠꓬ ꓫꓸ ꓔꓬ ꓡꓳ" ꓐꓰ ꓐꓯ ꓔ ꓡꓳ=ꓮ ꓟꓶ ꓡꓰ ꓐꓰ ꓶ ꓤ ꓶ ꓠꓲ꓾ ꓙꓼ ꓧꓪ ꓞꓶ ꓟꓽ ꓙꓳ ꓟꓶ ꓫꓵ ꓠꓬ ꓑ ꓫꓬ ꓐꓴ ꓐꓱ ꓶ ꓫ ꓓꓴ ꓔꓳꓹ ꓜꓳ ꓡ ꓟ ꓥꓳ= ꓞꓳ ꓤ ꓚꓰꓹ ꓟꓳ-ꓓꓳ ꓟꓽ ꓙꓰ ꓝꓲ ꓥ ꓟꓲ ꓶ ꓤ ꓶ ꓠꓲ ꓐꓰ ꓙꓼ ꓧꓪ ꓞꓶ ꓙꓰ ꓝꓲ ꓠꓲꓹ ꓫꓵ_ ꓡꓳ ꓐꓰ ꓞꓳ ꓘꓹ ꓢꓴ ꓶꓼ ꓓꓰ ꓔꓬ ꓟ ꓥꓳ꓾ ꓐꓰ ꓢꓷꓸ ꓪ ꓡꓳ=