ꓑꓴꓔAꓳ ꓡꓳ ꓒꓱ ꓢ‐ꓖꓳꓼ ꓞꓳ ꓘ, ꓗꓪ ꓑ ꓫꓬ ꓐꓴ ꓓꓰ‐ꓟꓲ ꓑꓶ‐ꓫꓴ‐ꓟꓲ ꓬꓰ ꓔꓯ ꓣꓱ ꓟ ꓬꓲꓻ ꓙꓬ ꓗꓽ ꓓꓴ ꓠꓬ ꓐꓬ ꓔꓬ ꓟ ꓪꓴ. ꓠꓬꓲ ꓬꓰ ꓙ ꓔꓳ, ꓙ ꓠ, ꓟ ꓣꓱ ꓞꓼ ꓟ ꓓꓳꓽ

#creditphoto #Putao Dam destroyed

Monday, April 15, 2024

ꓑꓴꓔAꓳ ꓡꓳ ꓒꓱ ꓢ‐ꓖꓳꓼ ꓞꓳ ꓘ, ꓗꓪ ꓑ ꓫꓬ ꓐꓴ ꓓꓰ‐ꓟꓲ ꓑꓶ‐ꓫꓴ‐ꓟꓲ ꓬꓰ ꓔꓯ ꓣꓱ ꓟ ꓬꓲꓻ ꓙꓬ ꓗꓽ ꓓꓴ ꓠꓬ ꓐꓬ ꓔꓬ ꓟ ꓪꓴ. ꓠꓬꓲ ꓬꓰ ꓙ ꓔꓳ, ꓙ ꓠ, ꓟ ꓣꓱ ꓞꓼ ꓟ ꓓꓳꓽ

4 ꓦ ꓟ 13 ꓠꓬꓲ 2024 ꓘꓳꓼ ꓕꓯ ꓗ‐ꓛꓲ ꓗꓴꓷꓼ ꓫꓴ ꓑꓴꓔꓮꓳ ꓡꓳ ꓒꓱ ꓢ‐ꓖꓳꓼ ꓞꓳ ꓘ, ꓗꓪ ꓑ ꓫꓬ ꓐꓴ ꓓꓰ‐ꓟꓲ ꓑꓶ‐ꓫꓴ‐ꓟꓲ ꓬꓰ ꓕꓯ ꓣꓱ ꓟ ꓬꓲꓻ ꓙꓬ ꓗꓽ ꓕꓽ ꓓꓴ ꓠꓬ ꓐꓬ ꓔꓬ ꓠ ꓪꓴ. ꓠꓬꓲ ꓬꓰ ꓙ ꓔꓳ ꓙ ꓠ, ꓣꓱ ꓞꓽ ꓔꓬ ꓡꓳ ꓐꓰ ꓐꓯ ꓔ ꓡꓳ꓿ ꓬꓰ ꓙ ꓢꓴ ꓕꓲ ꓣꓳ ꓡꓰ ꓫ. ꓕꓱ ꓔ ꓟ ꓠꓬ ꓮ ꓟꓶ ꓟ ꓐꓬ ꓔꓬ ꓟ ꓬꓲꓻ ꓙꓬ ꓗꓽ ꓓꓴ ꓔꓯ ꓫꓬ, ꓠ, ꓟ ꓒꓴ ꓫꓵˍ ꓣꓱ ꓬꓯꓼ ꓔꓬ ꓟ ꓪꓴ. ꓠꓬꓲ ꓬꓰ ꓙ ꓢꓴ ꓐꓴ ꓔꓯ ꓓꓰꓽ ꓔꓬ ꓟ ꓥ ꓡꓳ ꓐꓰ ꓐꓯ ꓔ ꓡꓳ꓿

ꓮ ꓟꓶ ꓫꓵˍ ꓟ ꓙꓵ, ꓕꓯ ꓓꓰ‐ꓟꓲ ꓑꓶ‐ꓫꓴ‐ꓟꓲ ꓬꓰ ꓠ, ꓟ ꓬꓲ ꓙꓵ, ꓛꓲ ꓡ ꓟ ꓪꓴ. ꓠꓬꓲ ꓬꓰ ꓙ ꓔꓳ, ꓙ ꓠ, ꓟ ꓮ ꓘꓶ. ꓛꓲ ꓞꓼ ꓞꓼ ꓣꓱ ꓬꓯꓼ ꓔꓬ ꓟ ꓟꓲ ꓥ ꓡꓳ꓿

ꓑꓴꓔꓮꓳ ꓡꓳ ꓒꓱ ꓢ‐ꓖꓳꓼ ꓞꓳ ꓘ, ꓗꓪ ꓔꓬ ꓢꓴ ꓑ ꓫꓬ ꓐꓴ ꓠꓬ ꓓꓰ‐ꓟꓲ ꓑꓶ‐ꓫꓴ‐ꓟꓲ ꓬꓰ ꓜ ꓢꓴ ꓐꓴ ꓥ ꓡꓳ꓿ ꓗꓳ. ꓗꓷ ꓟ ꓘꓳꓼ ꓕꓯ ꓕꓱ ꓬꓲꓻ ꓙꓬ ꓗꓽ ꓕꓽ ꓓꓴ ꓠꓬ ꓐꓬ ꓡꓰ ꓟ ꓪꓴ. ꓠꓬꓲ ꓜ ꓮ ꓟꓬ, ꓟꓽ ꓪ ꓗꓷ ꓡꓰ ꓟ ꓥ ꓡꓳ ꓐꓰ ꓐꓯ ꓔ ꓡꓳ꓿ ꓑꓴꓮꓔꓳ ꓡꓳ ꓒꓱ ꓗꓪ ꓠꓬ ꓮ ꓟꓶ ꓟ ꓙꓵ, ꓗꓪ ꓜ ꓓꓴ ꓓꓳ ꓒꓵꓽ ꓥ ꓟꓲ ꓮ ꓘꓶ. ꓓꓯˍ ꓔꓬ ꓟ ꓥ ꓡꓳ꓿

ꓝꓮꓲ ꓑ ꓫꓬ ꓐꓴ ꓑꓶ‐ꓫꓴ‐ꓟꓲ ꓓꓰ‐ꓟꓲ ꓔꓯ ꓟꓽ ꓬꓰ ꓪ ꓥꓳꓽ ꓐꓯ ꓛꓲ ꓡ ꓘꓳꓼ ꓕꓯ ꓥ ꓟꓲ ꓮ ꓘꓶ. ꓫ. ꓡ ꓓꓴ ꓙꓳˍ ꓡꓳ ꓐꓰ (ꓖꓠꓖ) ꓓꓳꓽ ꓗꓪ ꓐꓰ ꓢꓷ. ꓪ ꓡꓳ꓿