ꓟꓶ‐ꓡꓯ‐ꓫ ꓢꓯ ꓐꓬꓱꓽ ꓓꓱ ꓟ ꓟꓲ‐ꓫꓬ‐ꓬꓳ ꓔꓯ ꓴꓢꓯ ꓗꓴꓷꓼ ꓗꓴꓷꓼ ꓙꓵꓽ ꓢꓲꓽ ꓒꓽ ꓡꓰ ꓡꓯ ꓫꓴ ꓖꓶ ꓟ (News)

#rvalisu #creditphoto #credit to owner
Monday, May 06, 2024

ꓟꓶ‐ꓡꓯ‐ꓫ ꓢꓯ ꓐꓬꓱꓽ ꓓꓱ ꓟ ꓟꓲ‐ꓫꓬ‐ꓬꓳ ꓔꓯ ꓴꓢꓯ ꓗꓴꓷꓼ ꓗꓴꓷꓼ ꓙꓵꓽ ꓢꓲꓽ ꓒꓽ ꓡꓰ ꓡꓯ ꓫꓴ ꓖꓶ ꓟ ꓓꓳꓽ

5 ꓦ ꓟ 4 ꓠꓬꓲ 2024 ꓘꓳꓼ ꓕꓯ ꓟꓶ‐ꓡꓯ‐ꓫ ꓢꓯ ꓐꓬꓱ ꓓꓱ ꓟ ꓟꓲ‐ꓫꓬ‐ꓬꓳ ꓔꓯ ꓴꓢꓯ ꓗꓴꓷꓼ ꓙꓵꓽ ꓢꓲꓽ ꓒꓽ ꓡꓰ ꓡꓯ ꓫꓴ ꓓꓽ ꓔꓯ ꓖꓶ ꓗꓷꓳ꓿ ꓕꓱ ꓡꓯ ꓫꓴꓻ ꓠꓬ ꓴꓢꓮ ꓗꓴꓷꓼ ꓗꓪ ꓑ ꓫꓬ ꓐꓴ ꓔꓯ ꓖꓶ ꓟ ꓡꓯ ꓫꓴꓻ ꓠꓯ ꓗꓪ ꓐꓰ ꓮ ꓘꓶ. ꓛꓲ ꓪꓴꓽ ꓡꓳˍ ꓬꓰ ꓟ ꓡꓯ ꓫꓴꓻ ꓥ ꓡꓳ ꓐꓰ ꓐꓯ ꓔ ꓡꓳ꓿

ꓡꓯ ꓫꓴ ꓖꓶ ꓟ ꓠꓬ ꓟꓲ‐ꓫꓬ‐ꓬꓳ ꓠꓬ ꓬꓲ ꓙꓵ, ꓟꓶ ꓫꓵˍ ꓫꓵˍ ꓴꓢꓮ ꓡꓲꓼ ꓒꓰꓼ ꓔꓯ ꓛꓵ ꓔꓴ ꓠ, ꓟ ꓔꓯ ꓢꓳꓻ ꓓꓴ ꓤ ꓟꓶ ꓤ ꓢꓯ ꓐꓬꓱ ꓓꓱ ꓢꓴ ꓥ ꓟ ꓪꓴ. ꓠꓬꓲ ꓡꓯ ꓫꓴꓻ ꓖꓶ ꓟ ꓥ ꓡꓳ ꓐꓰ ꓐꓯ ꓔ ꓡꓳ꓿ ꓟꓲ‐ꓫꓬ‐ꓬꓳ ꓠꓬ ꓠꓱ. ꓐꓯ ꓢꓯ. ꓐꓬꓱ ꓓꓱ ꓢꓴ ꓐꓴ ꓕꓯ ꓢꓲ ꓮ ꓘꓶ. ꓢꓯꓼ ꓕꓵꓼ ꓢꓲ ꓠꓬꓲ ꓬꓲ ꓠꓬ ꓛꓲ ꓡꓯ ꓛꓴ ꓥꓳꓽ ꓔꓯ ꓡꓰ ꓢꓯ. ꓐꓬꓱ ꓓꓱ ꓢꓴ ꓕꓲ ꓣꓳ ꓥ ꓟ ꓪꓴ. ꓠꓬꓲ ꓔꓯꓺ ꓢꓳꓻ ꓓꓴ ꓮ ꓟꓬ, ꓙꓳˍ ꓟ ꓪꓴ. ꓠꓬꓲ ꓡꓯ ꓫꓴꓻ ꓖꓶ ꓟ ꓥ ꓡꓳ ꓐꓰ ꓐꓯ ꓔ ꓡꓳ꓿

ꓬꓲ ꓠꓬ ꓮ‐ꓫ ꓗꓴꓷꓼ ꓗꓪ ꓐꓰ ꓤ ꓠꓱ ꓤ ꓐꓴ ꓗꓳ ꓡꓳ ꓗꓪ ꓐꓰ ꓳ‐ꓢ‐ꓗ ꓡꓯ ꓫꓴ ꓘꓳ, ꓣꓴ ꓟꓶ ꓢꓴ ꓓꓽ ꓪꓴ ꓕꓲ ꓣꓳ ꓟ ꓥ ꓡꓳ꓿ ꓝꓮꓲ ꓬꓲ ꓔꓯ ꓴꓢꓮ ꓗꓴꓷꓼ ꓗꓪ ꓐꓰ ꓡꓯ ꓫꓴꓻ ꓖꓶ ꓟ ꓙꓵ, ꓕꓯ ꓴꓢꓮ ꓗꓴꓷꓼ ꓙꓵꓽ ꓢꓲꓽ ꓒꓽ ꓙꓳ‐ꓐꓲ‐ꓔ ꓡꓰ ꓖꓶ ꓟ ꓥ ꓡꓳ ꓐꓰ (MyanmaPlatform) ꓓꓳꓽ ꓗꓪ ꓐꓰ ꓢꓷ. ꓪ ꓡꓳ꓿

Add new comment

13 + 5 =

Quick Links