ꓔꓲꓺ ꓒ ꓪ ꓔꓲ ꓝꓣꓮꓠꓚꓲꓢ ꓠꓬ ꓐꓣꓮꓜꓲꓡ ꓗꓴꓷꓼ ꓗꓪ ꓬꓲꓻ ꓙꓬ ꓙꓵꓽ ꓟꓶ ꓡꓰ ꓟ ꓪꓴ. ꓠꓬꓲ ꓑ ꓫꓬ (100) ꓣꓳ ꓫꓵꓻ ꓡ ꓟ ꓪꓴ. ꓠꓬꓲ ꓠꓲ, ꓫ ꓟꓬ, ꓫ ꓢꓲ ꓠꓬꓲ ꓪꓽ ꓘꓴ ꓙ ꓟ ꓐꓰ ꓫ ꓔꓬ ꓢꓴ ꓔꓯ ꓬꓰ ꓟ

5 ꓦ ꓟ `12 ꓠꓬꓲ 2024 ꓘꓳꓼ ꓕꓯ ꓔꓲꓺ ꓒ ꓪ ꓔꓲ ꓝꓣꓮꓠꓚꓲꓢ ꓠꓬ ꓬꓲꓻ ꓙꓬ ꓙꓵꓽ ꓗꓷ ꓟ ꓪꓴ. ꓠꓬꓲ ꓫ ꓓꓴ ꓟꓷ ꓓꓴ ꓔꓳ, ꓜꓳ ꓔꓬ ꓟ ꓐꓣꓮꓜꓲꓡ ꓗꓴꓷꓼ ꓗꓪ ꓔꓬ ꓟ ꓑ ꓫꓬ ꓐꓴ ꓐꓱ ꓶ ꓬꓰ ꓙ ꓔꓳ, ꓙ ꓗꓷꓳ ꓐꓰ ꓐꓯ ꓔ ꓡꓳ꓿ ꓕꓱ ꓡꓱ ꓬꓲꓻ ꓙꓬ ꓙꓵꓽ ꓡꓰ ꓟ ꓠꓬ 5 ꓦ ꓟ ꓬꓲ ꓪꓴ. ꓕꓲ ꓫꓵꓽ ꓠꓽ ꓗꓪ ꓐꓰ ꓟꓲ ꓦ ꓮ ꓟꓬ, ꓦ ꓢꓲ ꓠꓬꓲ ꓬꓲꓻ ꓙꓬ ꓟꓶ ꓔꓬ ꓟ ꓐꓣꓮꓜꓲꓡ ꓑ ꓫꓬ ꓐꓴ ꓔꓯ ꓜ ꓓꓴ ꓓꓳꓻ ꓓꓴ ꓐꓱ ꓶ ꓔꓲꓺ ꓒ ꓪ ꓔꓲ ꓠꓬ ꓬꓰ ꓙ ꓗꓷ ꓟ ꓥ ꓡꓳ ꓐꓰ ꓐꓯ ꓔ ꓡꓳ꓿

ꓬꓲꓻ ꓙꓬ ꓙꓵꓽ ꓟꓶ ꓡꓰ ꓟ ꓪꓴ. ꓠꓬꓲ ꓑ ꓫꓬ ꓮ ꓟꓬ, ꓠꓬ ꓫ ꓓꓴ ꓓꓳꓻ ꓓꓴ ꓫ. ꓔꓬ ꓟ ꓑ ꓫꓬ ꓐꓴ ꓔꓯ ꓔꓲꓺ ꓒ ꓪ ꓔꓲ ꓠꓬ ꓐꓣꓮꓜꓲꓡ ꓔꓲꓺ ꓒ ꓓꓽ ꓐꓴ ꓕꓲ ꓞ ꓬꓰ ꓙ ꓗꓷ ꓟ ꓥ ꓡꓳ ꓐꓰ ꓐꓯ ꓔ ꓡꓳ꓿ ꓝꓮꓲ ꓔꓲꓺ ꓒ ꓪ ꓔꓲ ꓠꓬ ꓬꓲꓻ ꓙꓬ ꓙꓵꓽ ꓟꓶ ꓡꓰ ꓟ ꓪꓴ. ꓠꓬꓲ ꓑ ꓫꓬ ꓐꓴ ꓔꓬ ꓓꓴ ꓦꓲꓻ ꓟꓽ ꓙꓳ ꓡꓰ ꓢꓴ ꓐꓴ ꓔꓯ ꓪꓽ ꓘꓴ ꓙ ꓢꓲ ꓠꓬꓲ ꓠꓲ, ꓗꓳ ꓟꓬ ꓗꓳ ꓖꓶ ꓗꓷ ꓟ ꓥ ꓡꓳ꓿

ꓝꓮꓲ ꓬꓲꓻ ꓙꓬ ꓙꓵꓽ ꓟꓶ ꓡꓰ ꓟ ꓪꓴ. ꓠꓬꓲ ꓫꓵꓻ ꓡꓰ ꓢꓴ ꓑ ꓫꓬ (100) ꓣꓳ ꓙꓳ ꓡꓰ ꓟ ꓐꓰ ꓟꓶ ꓔꓬ ꓢꓴ ꓑ ꓫꓬ (130) ꓣꓳ ꓠꓻ ꓓꓴ ꓡꓰ ꓢꓴ ꓑ ꓫꓬ ꓠꓬ (374) ꓣꓳ ꓙꓳˍ ꓟ ꓥ ꓡꓳ꓿ ꓝꓮꓲ ꓬꓲꓻ ꓙꓬ ꓙꓵꓽ ꓡ ꓟ ꓑꓶ.ꓓꓴ ꓑ ꓫꓬ ꓮ ꓟꓬ, ꓫ. ꓓꓴ ꓟꓷ ꓓꓴ ꓔꓳ ꓜꓳ ꓔꓬ ꓟ ꓥ ꓡꓳ꓿ ꓐꓣꓮꓜꓲꓡ ꓔꓲꓺ ꓒ ꓓꓽ ꓡꓰ ꓫ ꓓꓴ ꓟꓷ ꓓꓴ ꓔꓳ, ꓜꓳ ꓔꓬ ꓢꓴ ꓐꓴ ꓔꓯ ꓬꓰ ꓙ ꓔꓳ ꓙ ꓔꓬ ꓟ ꓐꓰ ꓔꓲꓺ ꓒ ꓪ ꓔꓲ ꓡꓰ ꓬꓰ ꓙ ꓡ ꓟ ꓪꓴ. ꓠꓬꓲ ꓮ ꓘꓶ. ꓛꓲ ꓫ. ꓘꓶꓽ ꓫ. ꓕꓱ ꓗꓷꓳ꓿ ꓝꓮꓲ ꓬꓲꓻ ꓙꓬ ꓙꓵꓽ ꓔꓬ ꓟ ꓪꓴ. ꓠꓬꓲ ꓐꓬꓱ ꓦꓲꓻ ꓠꓽ ꓔꓶ. ꓓꓽ ꓔꓯ (5 ꓦ ꓟ 30) ꓠꓬꓲ ꓗꓪ ꓛꓲ ꓑꓲ ꓔ ꓓꓴ ꓥꓳꓽ ꓐꓰ ꓐꓯ ꓔ ꓡꓳ꓿