ꓟꓬ-ꓟ ꓗꓴꓷꓼ ꓗꓪ ꓟ ꓣꓦꓮ ꓬꓳꓹ ꓮ ꓙꓵ: ꓟ ꓬꓳꓹ ꓚꓰ ꓔꓯ CBCM ꓗꓪ ꓒꓴ ꓗꓷꓳ꓾

ꓟꓬ-ꓟ ꓗꓴꓷꓼ ꓗꓪ ꓙꓳˍ ꓟ ꓣꓦꓮ ꓟꓬꓱ: ꓮ ꓙꓵ: ꓟ ꓬꓳꓹ ꓚꓰ ꓔꓯ ꓬꓮꓥ-ꓖꓳꓥ ꓡꓳ ꓒꓱ ꓑꓬꓮꓰ ꓙꓻ ꓖꓴ ꓗꓪ ꓙꓳˍ ꓟ ꓗ-ꓔꓳ-ꓡꓲꓗ ꓔꓲ ꓒ ꓓ ꓟ ꓐꓴ ꓜꓴꓻ ꓚꓰꓺ CBCM ꓐꓱ ꓘꓴ: ꓗꓪ 6 ꓦ 9 ꓠꓬꓲ ꓟꓶ: ꓘꓶ 5:30 ꓙꓵꓹ ꓕꓯ ꓒꓴ ꓗꓷꓳ꓾ ꓐꓰ ꓢꓷ. ꓪ ꓡꓳ=

ꓬꓳꓹ ꓚꓰ ꓒꓴ ꓑꓮꓲ ꓖꓳ ꓟ ꓔꓯ ꓮꓢꓲꓮ ꓔꓲꓺ ꓒ ꓓ ꓟ ꓜꓴꓻ ꓔꓯ ꓧꓳ: ꓪꓴ. ꓟꓳ ꓢꓴ ꓔꓲꓺ ꓒ ꓓ ꓚꓮꓣꓓꓲꓠꓮꓡ ꓚꓧꓮꓣꓡꓰꓢ ꓐꓳ ꓡꓰ ꓧꓳ: ꓪꓴ. ꓟꓳ ꓢꓲ ꓒꓴ ꓖꓶ ꓗꓷ ꓢꓲ ꓠꓬꓲ꓾ ꓔꓲ ꓒ ꓪ ꓔꓲ ꓬꓲ ꓝꓲ ꓓꓴ ꓟꓴ-ꓢꓲ-ꓠꓬꓮꓪ ꓟꓢꓖꓣ. ꓮꓠꓓꓣꓰꓮ ꓝꓰꓣꓰꓠꓔꓰ꓾ ꓔꓲ ꓒ ꓓ: ꓟ ꓐꓴ ꓐꓰ ꓣꓦꓮ ꓟꓬꓱ: ꓮ ꓙꓵ: ꓔꓯ ꓧꓳ: ꓣꓱ: ꓔꓬ ꓢꓴ (ꓚꓳꓳꓣꓓꓲꓠꓮꓔꓳꓣ) ꓕꓲ ꓐꓱ ꓐꓰ ꓟꓬꓱ: ꓬꓰ ꓔꓬ ꓢꓴ ꓐꓴ꓾ ꓔꓲ ꓒ ꓔꓲ ꓟ ꓐꓴ꓾ ꓬꓰ ꓙ ꓔꓳꓹ ꓙ ꓢꓴ ꓐꓴ ꓐꓰ ꓪꓰ ꓤ ꓐꓴ ꓡꓰ ꓑꓮꓲ ꓗꓪ ꓔꓹ ꓗꓷꓳ=

The National Coordinating Office of RVA Myanmar Language Services ꓬꓳꓹ ꓒꓬꓱꓼ ꓡ ꓠꓹ ꓟ ꓐꓱ ꓶ ꓬꓳ-ꓦ ꓮꓴꓠꓖ-ꓜꓮꓪ-ꓴ ꓕꓲ ꓦꓲ ꓢꓴ ꓐꓴ ꓡꓰ ꓒꓴ 350 ꓫꓬꓹ ꓬꓰ ꓙ ꓗꓷ ꓟ ꓥ ꓡꓳ ꓐꓰ ꓢꓷ. ꓪ ꓡꓳ=

ꓟꓬ-ꓟ ꓗꓴꓷꓼ ꓗꓪ ꓠꓬ ꓞꓳ ꓫꓵ: ꓥꓳ: 10 ꓙꓰ: ꓗꓪ ꓐꓰ ꓣꓦꓮ ꓟꓬꓱ: ꓔꓯ ꓬꓰ ꓔꓬ ꓟ ꓥ ꓡꓳ= ꓣꓦꓮ ꓡꓲ-ꓢꓴ꓾ ꓣꓦꓮ ꓮ-ꓒꓴ. (ꓛꓳ: ꓒ)꓾ ꓣꓦꓮ ꓣ-ꓪꓮꓠꓖ꓾ ꓣꓦꓮ ꓟꓬ-ꓟ꓾ ꓣꓦꓮ ꓢ-ꓖꓮꓪ-ꓗ-ꓬꓲꓠ꓾ ꓣꓦꓮ ꓑꓳ-ꓗ-ꓬꓲꓠ꓾ ꓣꓦꓮ ꓛꓬꓳ-ꓛꓬꓲꓹ꓾ ꓣꓦꓮ ꓔꓲ-ꓓꓲꓟ꓾ ꓣꓦꓮ ꓦ-ꓘ꓾ ꓣꓦꓮ ꓒ-ꓡꓯꓟ꓾ ꓐꓴ ꓠꓬ The National Coordinating office of RVA Myanmar language services ꓬꓳꓹ ꓐꓰ ꓕꓲ ꓪ ꓟꓬꓱ: ꓬꓰ ꓓꓴ ꓥꓳ=