ꓔꓲꓺ ꓒ ꓪ ꓔꓲ ꓝꓣꓮꓠꓚꓲꓢ ꓠꓬ ꓖ 7 ꓖꓪ ꓙꓱ ꓜꓲꓼ ꓓꓴ ꓓꓽ ꓟ ꓗꓪ ꓙꓵꓽ ꓪ ꓙꓳˍ ꓢꓴ ꓐꓴ ꓐꓰ ꓜꓲꓼ ꓡꓯꓽ ꓘꓳ, ꓟ(Pope Francis meets with world leaders at G7 summit)

#Pope Francis meets with world leaders at G7 summit #creditphoto

Monday, June 17, 2024

ꓔꓲꓺ ꓒ ꓪ ꓔꓲ ꓝꓣꓮꓠꓚꓲꓢ ꓠꓬ ꓖ 7 ꓖꓪ ꓙꓱ ꓜꓲꓼ ꓓꓴ ꓓꓽ ꓟ ꓗꓪ ꓙꓵꓽ ꓪ ꓙꓳˍ ꓢꓴ ꓐꓴ ꓐꓰ ꓜꓲꓼ ꓡꓯꓽ ꓘꓳ, ꓟ

6 ꓦ ꓟ 13 ꓠꓬꓲ 2024 ꓘꓳꓼ ꓔꓯ ꓖ 7 ꓟꓲ ꓠꓯ ꓕꓯ ꓢꓲ ꓙꓵꓽ ꓪ ꓙꓳˍ ꓢꓴ ꓐꓴ ꓖꓪ ꓙꓱ ꓜꓲ ꓓꓴ ꓬꓰ ꓔꓶ. ꓲꓔꓮꓡꓬ ꓗꓴꓷꓼ ꓗꓪ ꓬꓰ ꓟ ꓙꓵ, ꓕꓯ ꓔꓲꓺ ꓒ ꓪ ꓔꓲ ꓐꓴ ꓘꓴꓽ ꓗꓪ ꓐꓰ ꓓꓽ ꓪꓴ. ꓫ. ꓕꓱ ꓢꓴ ꓒꓬꓱꓼ ꓡ ꓟ ꓥ ꓡꓳ꓿ ꓔꓲꓺ ꓒ ꓪ ꓔꓲ ꓠꓬ ꓖ 7 ꓖꓪ ꓙꓱ ꓜꓲꓼ ꓓꓴ ꓟꓽ ꓕꓱ ꓢꓲ ꓕꓯ ꓟꓲ ꓠꓯ ꓗꓪ ꓗꓴꓷꓼ ꓙꓵꓽ ꓢꓴ ꓢꓲꓽ ꓒꓽ ꓐꓴ ꓔꓯ ꓕꓲ ꓣꓳ ꓔꓵꓼ ꓜꓲꓼ ꓢꓲ ꓠꓬꓲ ꓫ. ꓕꓱ ꓗꓷ ꓟ ꓥ ꓡꓳ꓿

ꓔꓲꓺ ꓒ ꓪ ꓔꓲ ꓜꓲꓼ ꓗꓷ ꓟ ꓙꓵꓽ ꓪ ꓙꓳ ꓢꓴ ꓢꓲꓽ ꓒ ꓐꓴ ꓠꓬ ꓕꓲ ꓟꓲ ꓠꓯ ꓡꓱ ꓗꓪ ꓒꓴ ꓫꓵ ꓔꓯ ꓟꓳ. ꓙꓵꓽ ꓪ ꓙꓳˍ ꓢꓴ ꓝꓮꓲ ꓴꓗꓣꓮꓲꓠꓰ ꓗꓴꓷꓼ ꓙꓵꓽ ꓢꓴ ꓢꓲꓽ ꓒ꓾ ꓐꓲ‐ꓔꓲ ꓗꓴꓷꓼ ꓙꓵꓽ ꓢꓴ ꓢꓲꓺ ꓒ ꓚ‐ꓠꓯ‐ꓓ ꓗꓴꓷꓼ ꓙꓵꓽ ꓢꓴ ꓢꓲꓽ ꓒ ꓲꓠꓓꓲꓮ ꓗꓴꓷꓼ ꓙꓵꓽ ꓢꓴ ꓢꓲꓽ ꓒꓽ ꓴꓢꓮ ꓗꓴꓷꓼ ꓙꓵꓼ ꓢꓴ ꓢꓲꓽ ꓒ ꓔꓴꓣꓗꓰꓬ ꓗꓴꓷꓼ ꓙꓵꓽ ꓢꓴ ꓢꓲꓺ ꓒ ꓐꓴ ꓐꓰ ꓕꓲ ꓣꓳ ꓔꓵꓼ ꓜꓲꓼ ꓗꓷ ꓟ ꓥ ꓡꓳ꓿

ꓝꓮꓲ ꓖꓪ ꓙꓱ ꓜꓲꓼ ꓓꓴ ꓗꓪ ꓮꓝꓣꓲꓚꓮꓠ ꓗꓴꓷꓼ ꓮ ꓟꓬ, ꓗꓪ ꓔꓬ ꓟ ꓫ. ꓢꓴ ꓟꓷ ꓢꓴ ꓐꓴ ꓔꓯ ꓬꓰ ꓙ ꓠ, ꓟ ꓐꓰ ꓮ‐ꓫ ꓗꓴꓷꓼ ꓮ ꓟꓬ, ꓗꓪ ꓢꓰꓼ ꓡꓯꓽ ꓘꓳ, ꓔꓬ ꓟ ꓔꓯ ꓠꓽ ꓗꓷ ꓠ, ꓟ ꓬꓰ ꓙ ꓠ, ꓟ ꓖꓪ ꓙꓱ ꓗꓷ ꓟ ꓥ ꓡꓳ꓿ꓝꓮꓲ ꓠꓱ. ꓐꓯꓼ ꓗꓴꓷꓼ ꓗꓪ ꓟꓬꓱꓽ ꓬꓰ ꓔꓬ ꓢꓴ ꓐꓴ ꓔꓯ ꓮ ꓡꓰ ꓐꓰ ꓬꓰ ꓙ ꓔꓳ, ꓙ ꓠ, ꓟ ꓚꓱ, ꓮ ꓟꓬ, ꓔꓯ ꓖꓪ ꓙꓱ ꓗꓷ ꓟ ꓥ ꓡꓳ꓿

ꓔꓲꓺ ꓒ ꓪ ꓔꓲ ꓠꓬ ꓖ 7 ꓖꓪ ꓙꓱ ꓜꓲꓼ ꓓꓴ ꓗꓪ ꓮ ꓫꓵꓽ ꓑꓶ. ꓓꓴ ꓫ. ꓕꓱ ꓪ ꓡꓰ ꓥ ꓐꓯ ꓠꓬ ꓦꓮꓔꓲꓚꓮꓠ ꓗꓴꓷꓼ ꓗꓪ ꓖ 7 ꓠꓬ ꓗꓴꓷꓼ ꓗꓪ ꓟꓽ ꓐ ꓥ ꓟꓲ ꓲꓔꓮꓡꓬ ꓗꓴꓷꓼ ꓙꓵꓽ ꓢꓴ ꓢꓲꓽ ꓒ ꓡꓰ ꓔꓲꓺ ꓒ ꓪ ꓔꓲ ꓔꓯ ꓖ 7 ꓖꓪ ꓙꓱ ꓜꓲꓼ ꓓꓴ ꓓꓽ ꓗꓪ ꓡ ꓢꓲ ꓠꓬꓲ ꓫ. ꓕꓱ ꓠ, ꓟ ꓘꓴꓽ ꓗꓷ ꓟ ꓪꓴ. ꓠꓬꓲ ꓔꓲꓺ ꓒ ꓪ ꓔꓲ ꓡ ꓟ ꓥ ꓡꓳ꓿ ꓝꓮꓲ ꓔꓲꓺ ꓒ ꓪ ꓔꓲ ꓠꓬ ꓖꓪ ꓙꓱ ꓜꓲꓼ ꓓꓴ ꓗꓪ ꓡ ꓟ ꓢꓲꓽ ꓒ ꓐꓴ ꓔꓯ ꓟꓲ ꓠꓯ ꓢꓲ ꓡꓲ ꓟꓶ ꓠ, ꓟ ꓖꓪ ꓙꓱ ꓡꓯꓽ ꓘꓳ, ꓠ, ꓟ ꓐꓯ ꓗꓷ ꓟ ꓥ ꓡꓳ꓿

ꓝꓮꓲ ꓔꓲꓺ ꓒ ꓪ ꓔꓲ ꓠꓬ ꓕꓱ ꓖ 7 ꓖꓪ ꓙꓱ ꓜꓲꓼ ꓓꓴ ꓗꓪ ꓫ. ꓕꓱ ꓠ, ꓟ ꓬꓲ ꓙꓵ, ꓖꓶ ꓡ ꓟ ꓪꓴ. ꓠꓬꓲ ꓢꓲꓽ ꓒ ꓐꓴ ꓔꓯ ꓫ. ꓟꓳ ꓒꓵꓽ ꓗ ꓫ. ꓕꓱ ꓗꓷ ꓐꓰ (ꓦꓮꓔꓲꓚꓮꓠ ꓠꓰꓪꓢ) ꓓꓳꓽ ꓗꓪ ꓐꓰ ꓢꓷ. ꓪ ꓡꓳ꓿