ꓔꓲꓺ ꓒ ꓪ ꓔꓲ ꓝꓣꓮꓠꓚꓲꓢ ꓠꓬ ꓡꓴꓔꓧꓰꓣꓮꓠ ꓗ‐ꓔꓳ‐ꓡꓲꓗ ꓘꓴ ꓜꓲꓼ ꓞꓳ ꓗꓪ ꓐꓰ ꓧ ꓡꓰ ꓢꓴ ꓐꓴ ꓬꓲ ꓤ ꓠꓬꓲ ꓤ ꓐꓴ ꓐꓰ ꓜꓲꓼ ꓡꓯ ꓘꓳ ꓗꓷ ꓟ ꓙꓵ, ꓕꓯ ꓥꓳꓽ ꓡꓳ. ꓓꓴ ꓙꓳˍ ꓟ ꓚꓱ, ꓔꓯ ꓫ. ꓕꓱ ꓗꓷ ꓟ ꓓꓳꓽ (Pope highlights ‘signs of hope’ in encounter with Lutherans)

ꓔꓲꓺ ꓒ ꓪ ꓔꓲ ꓝꓣꓮꓠꓚꓲꓢ ꓠꓬ ꓡꓴꓔꓧꓰꓣꓮꓠ ꓗ‐ꓔꓳ‐ꓡꓲꓗ ꓘꓴ ꓜꓲꓼ ꓞꓳ ꓗꓪ ꓐꓰ ꓧ ꓡꓰ ꓢꓴ ꓐꓴ ꓬꓲ ꓤ ꓠꓬꓲ ꓤ ꓐꓴ ꓐꓰ ꓜꓲꓼ ꓡꓯ ꓘꓳ ꓗꓷ ꓟ ꓙꓵ, ꓕꓯ ꓥꓳꓽ ꓡꓳ. ꓓꓴ ꓙꓳˍ ꓟ ꓚꓱ, ꓔꓯ ꓫ. ꓕꓱ ꓗꓷ ꓟ ꓓꓳꓽ

ꓔꓲꓺ ꓒ ꓪ ꓔꓲ ꓝꓣꓮꓠꓚꓲꓢ ꓠꓬ 6 ꓦ ꓟ 20 ꓠꓬꓲ 2024 ꓘꓳꓼ ꓠꓽ ꓡꓲ ꓠꓬꓲ ꓕꓯ ꓦꓮꓔꓲꓚꓮꓠ ꓗꓪ ꓕꓲ ꓟꓲ ꓡꓱ ꓡꓴꓔꓧꓰꓣꓮꓠ ꓗ‐ꓔꓳ‐ꓡꓲꓗ ꓘꓴ ꓜꓲꓼ ꓞꓳ ꓗꓪ ꓧ ꓡꓰ ꓟ ꓬꓲ ꓤ ꓠꓬꓲ ꓤ ꓐꓴ ꓜꓴꓻ ꓔꓯ ꓧꓳꓽ ꓟꓴ. ꓢꓴ ꓐꓴ ꓐꓰ ꓙꓵꓽ ꓪ ꓙꓳˍ ꓢꓴ ꓐꓴ ꓔꓯ ꓦꓮꓔꓲꓚꓮꓠ ꓡꓳ ꓒꓱ ꓗꓪ ꓜꓲꓼ ꓗꓷ ꓟ ꓥ ꓡꓳ꓿ ꓕꓱ ꓜꓲꓼ ꓡꓯ ꓘꓳ, ꓟ ꓗꓪ ꓔꓲꓺ ꓒ ꓪ ꓔꓲ ꓠꓬ ꓣꓳ ꓠꓬ ꓮ ꓬꓲ ꓠꓬꓲ ꓤ ꓥ ꓟ ꓚꓱ, ꓔꓯ ꓫ. ꓕꓱ ꓗꓷ ꓟ ꓥ ꓡꓳ꓿

ꓔꓲꓺ ꓒ ꓪ ꓔꓲ ꓠꓬ 2021 ꓘꓳꓼ ꓕꓯ ꓡꓴꓔꓧꓰꓣꓮꓠ ꓘꓴ ꓜꓲꓼ ꓞꓳ ꓗꓪ ꓐꓰ ꓙꓵꓽ ꓪ ꓙꓳˍ ꓢꓴ ꓐꓴ ꓐꓰ ꓜꓲꓼ ꓡꓯꓽ ꓘꓳꓼ ꓗꓷ ꓟ ꓐꓰ ꓘꓴ ꓜꓲꓼ ꓞꓳ ꓠꓯ ꓗꓪ ꓮ ꓘꓶ. ꓛꓲ ꓣꓳ ꓚꓵ. ꓟ ꓠꓲꓚꓰꓠꓰ ꓡꓳ ꓒꓱ ꓗꓪ ꓖꓪꓽ ꓙꓱ ꓜꓲꓼ ꓓꓴ ꓓꓽ ꓟ ꓠꓬ ꓮ ꓘꓶ. ꓛꓲ ꓣꓳ ꓚꓵ. ꓟ ꓚꓱ, ꓔꓯ ꓐꓯ ꓟ. ꓖꓶ ꓗꓷꓳ꓿ ꓠꓲꓚꓰꓠꓰ ꓡꓳ ꓒꓱ ꓗꓪ ꓖꓪ ꓙꓱ ꓜꓲꓼ ꓓꓴ ꓠꓬ ꓢꓲꓺ ꓒ ꓬꓰ‐ꓢꓴ ꓔꓯ ꓔꓯꓺ ꓢꓳꓻ ꓠ, ꓟ ꓚꓱ, ꓔꓯ ꓫ. ꓕꓱ ꓗꓷꓳ꓿ ꓝꓮꓲ ꓔꓲꓺ ꓒ ꓪ ꓔꓲ ꓡꓰ ꓣꓳ ꓠꓬ ꓕꓲ ꓣꓳ ꓛꓳꓽ ꓕꓲ ꓣꓳ ꓙ ꓡꓯꓽ ꓘꓳ, ꓟ ꓠꓬ ꓮ ꓘꓶ. ꓛꓲ ꓙꓲˍ ꓟ ꓥꓳꓽ ꓡꓳ. ꓓꓴ ꓓꓽ ꓟ ꓥ ꓡꓳ ꓐꓰ ꓐꓯ ꓗꓷꓳ꓿

ꓝꓮꓲ ꓔꓲꓺ ꓒ ꓪ ꓔꓲ ꓡꓰ ꓣꓳ ꓠꓬ ꓗꓳ. ꓗꓷ ꓟ (25) ꓘꓳꓼ ꓕꓯ ꓙꓱ‐ꓣꓴ‐ꓢ‐ꓡꓱ ꓡꓳ ꓒꓱ ꓗꓪ ꓔꓱ ꓚꓵ, ꓟ ꓙꓵꓻ ꓠꓲ, ꓔꓯ ꓘꓳ, ꓣꓴ ꓢꓴ ꓐꓴ ꓥ ꓟ ꓔꓯ ꓠꓬꓲ ꓛꓱ ꓗꓪ ꓟ ꓝꓲ ꓓꓴ ꓐꓴ ꓙꓵꓽ ꓪ ꓙꓳˍ ꓢꓴ ꓐꓴ ꓡꓰ ꓐꓳ ꓔꓲ. ꓔ ꓡꓳ. ꓠꓬꓲ ꓢꓲ ꓠꓬꓲ ꓗ‐ꓔꓳ‐ꓡꓲꓗ ꓘꓴ ꓜꓲꓼ ꓞꓳ ꓐꓰ ꓡꓴꓔꓧꓰꓣꓮꓠ ꓬꓲ ꓤ ꓠꓬꓲ ꓤ ꓐꓴ ꓘꓴ ꓜꓲꓼ ꓞꓳ ꓐꓴ ꓥ ꓟꓲ ꓢꓲꓺ ꓒ ꓬꓰ‐ꓢꓴ ꓔꓯ ꓙꓵꓻ ꓢꓴ ꓐꓴ ꓢꓲꓺ ꓒ ꓗ. ꓠꓯ ꓢꓲ ꓗꓪ ꓛꓳꓽ ꓢꓴ ꓐꓴ ꓥ ꓟ ꓔꓯ ꓪꓽ ꓡꓯ ꓘꓳ, ꓓꓴ ꓙꓳˍ ꓟ ꓥ ꓡꓳ꓿

ꓝꓮꓲ ꓣꓳ ꓠꓬ ꓢꓲꓺ ꓒ ꓠꓯ, ꓗꓪ ꓮ ꓬꓲ ꓠꓬꓲ ꓤ ꓥ ꓟ ꓐꓰ ꓕꓲ ꓠꓬꓲ ꓕꓲ ꓪ ꓙ ꓖꓴ ꓫꓱ, ꓔꓬ ꓢꓴ ꓐꓴ ꓥ ꓟ ꓔꓯ ꓔꓲꓺ ꓒ ꓪ ꓔꓲ ꓡꓰ ꓫ. ꓕꓱ ꓗꓷ ꓟ ꓥ ꓡꓳ꓿ ꓝꓮꓲ ꓣꓳ ꓠꓬ ꓕꓲ ꓣꓳ ꓛꓳꓽ ꓣꓳ ꓙ ꓡꓯ ꓘꓳ, ꓢꓲ ꓠꓬꓲ ꓔꓱ ꓚꓵ ꓟ ꓢꓲꓺ ꓒ ꓠꓲ, ꓒꓴ ꓟ ꓚꓱ, ꓗꓪ ꓕꓲ ꓠꓲ, ꓕꓲ ꓪ ꓙ ꓫꓱ, ꓓꓴ ꓬꓰ ꓡꓯ ꓐꓰ ꓔꓲꓺ ꓒ ꓪ ꓔꓲ ꓝꓣꓮꓠꓚꓲꓢ ꓡꓰ ꓫ. ꓕꓱ ꓗꓷ ꓐꓰ (ꓦꓮꓔꓲꓚꓮꓠ ꓠꓰꓪꓢ) ꓗꓪ ꓐꓰ ꓢꓷ. ꓪ ꓡꓳ꓿