ꓢꓲ ꓒ ꓬꓰ-ꓢꓴ ꓠꓬ ꓟꓴꓽ ꓗꓪ ꓗꓪ ꓟ ꓢꓯꓼ ꓟꓬ ꓑ ꓑ ꓥ ꓟ

ꓢꓲ ꓒ ꓬꓰ-ꓢꓴ ꓡꓰ ꓬꓲ ꓠꓬ ꓟꓴꓽ ꓗꓪ ꓗꓪ ꓟ ꓢꓯꓼ ꓟꓬ ꓑ ꓑ ꓥ ꓟ ꓣꓳꓽ ꓔꓯ ꓐꓯ ꓟꓸ ꓖꓶ ꓡˍ ꓡꓳ= ꓬꓲꓼ ꓤ ꓠꓬꓲ ꓤ ꓐꓴꓳ꓾ ꓣꓳ ꓧꓪꓽ ꓖꓳ ꓓꓱꓽ ꓔꓯ ꓢꓯꓼ ꓟꓬ ꓝꓸ ꓖꓶˍ ꓟ꓾ ꓣꓳ ꓢꓯꓸ ꓔꓬ ꓠꓹ ꓟ ꓐꓰ꓾ ꓣꓳꓽ ꓧꓪꓽ ꓖꓳ ꓓꓱꓽ ꓕꓱ ꓕꓲ ꓒꓳꓹ ꓟ ꓙꓰ ꓘꓴ ꓡ ꓘꓴ ꓠꓹ ꓟ ꓐꓱ ꓶ ꓢꓯꓼ ꓪ ꓖꓶ ꓔꓬ ꓟ ꓠꓬ ꓣꓳ ꓜꓽ ꓔꓬ ꓟ ꓜꓻ ꓥ ꓡꓳ= ꓣꓳ ꓜꓽ ꓔꓬ ꓟ ꓜꓽ ꓫꓵꓽ ꓓꓳ ꓫꓵꓽ ꓮ ꓡꓲ ꓥ ꓠꓬ ꓣꓳ ꓧꓪꓽ ꓖꓳ ꓓꓱꓽ ꓥˍ ꓟꓲ ꓖꓳ ꓡꓱ ꓗꓷ ꓡꓰˍ ꓡꓳ= ꓢꓯꓼ ꓪ ꓟꓶˍ ꓟ ꓔꓯ ꓜꓽˍ ꓠꓬ ꓣꓳ ꓧꓪꓽ ꓖꓳ ꓓꓱꓽ ꓠꓬ ꓢꓯꓼ ꓪ ꓙꓳ ꓡˍ ꓡꓳ= ꓕꓱ ꓟˍ ꓡꓰ ꓐꓰ ꓣꓳ ꓮ ꓫꓵꓽ ꓜꓽˍ ꓠꓬ ꓮ ꓫꓵꓽ ꓣꓳ ꓧꓪꓽ ꓖꓳ ꓓꓱꓽ ꓗꓪ ꓬꓲ ꓢꓯꓼ ꓙꓳ ꓡˍ ꓡꓳ= ꓕꓱ ꓟ ꓠꓬ ꓣꓳꓽ ꓠꓬ ꓜꓽ ꓓꓴ ꓗꓪ ꓐꓰ ꓢꓯꓸ ꓔꓬ ꓟ ꓥ ꓡꓳ=

ꓖꓳ ꓡꓱ ꓐꓯ ꓥ ꓟꓲ ꓣꓳꓽ ꓧꓪꓽ ꓖꓳ ꓓꓱꓽ ꓕꓱ ꓕꓲ ꓒꓳꓹ ꓔꓯ ꓢꓯꓼ ꓪ ꓖꓶ ꓔꓬ ꓟ꓾ ꓙꓰ ꓘꓴ ꓡ ꓘꓴ ꓝꓲˍ ꓟ ꓬꓲꓸ ꓟꓶꓽ ꓟ ꓙꓲꓻ ꓓꓰ ꓡꓰˍ ꓟ ꓠꓬ ꓣꓳ ꓦꓻ ꓥ ꓡꓳ= ꓦꓻ ꓗꓪ ꓐꓰ ꓣꓳꓽ ꓠꓬ ꓙꓰ ꓘꓴ ꓡ ꓘꓴ ꓔꓬ ꓟ ꓥ ꓡꓳ= ꓖꓳ ꓡꓱ ꓠꓬꓲ ꓧꓪꓽ ꓖꓳ ꓓꓱꓽ ꓕꓲ ꓒꓳꓹ ꓗꓪ ꓜꓽ ꓓꓴ ꓓꓳ ꓓꓴ ꓜꓽ ꓓꓳˍ ꓟ ꓡꓰ ꓐꓰ꓾ ꓣꓳ ꓦꓻ ꓕꓲ ꓒꓳꓹ ꓗꓪ ꓥˍ ꓟꓲ ꓢꓯꓼ ꓪ ꓙꓳ ꓠꓹ ꓟ ꓬꓳꓸ ꓚꓰꓽˍ ꓡꓳ= ꓣꓳ ꓦꓻ ꓢꓯꓼ ꓪ ꓠꓬ ꓬꓰ-ꓢꓴ ꓥ ꓡꓳ= ꓣꓳ ꓦꓻ ꓑ ꓑ ꓠꓬ ꓢꓲ ꓒ ꓬꓰ-ꓢꓴ ꓥ ꓡꓳ= ꓣꓳ ꓦꓻ ꓜꓻ ꓜꓽ ꓓꓴ ꓠꓬ ꓢꓲ ꓒ ꓬꓰ-ꓢꓴ ꓥ ꓡꓳ=

ꓖꓳ ꓡꓱ ꓠꓬꓲ ꓢꓲ ꓒ ꓬꓰ-ꓢꓴ ꓡꓰ꓾ ꓬꓲ ꓠꓬ ꓟꓴꓽ ꓗꓪ ꓗꓪ ꓐꓰ ꓬꓯꓼ ꓡˍ ꓟ ꓢꓯꓼ ꓟꓬ ꓑ ꓑ ꓥ ꓡꓳ ꓐꓰ ꓐꓯ ꓕꓯ꓾ ꓬꓲ ꓠꓬ ꓔꓯꓺ ꓐꓬꓱꓽ ꓕꓱ ꓟ ꓐꓯ ꓢꓲ ꓠꓬꓲ ꓬꓰ ꓔꓬ ꓟ ꓥ ꓡꓳ= ꓚꓵ ꓚꓵ ꓬꓲ ꓠꓬ ꓜꓽ ꓓꓴ ꓥ ꓡꓳ꓾ ꓓꓳ ꓓꓴ ꓥ ꓡꓳ ꓐꓯ ꓟ ꓬꓲ ꓣꓳ ꓔꓯ ꓐꓯ ꓖꓶ ꓡ ꓔꓬ ꓡꓳ=