ꓙꓵꓻ ꓢꓴ ꓠꓬ ꓬꓰ‐ꓢꓴ ꓬꓲ ꓫꓵꓽ ꓬꓲ ꓧꓪ ꓥ ꓟ

ꓡꓴ-ꓘ=8ꓽ19-21

ꓖꓳ ꓕꓯ ꓬꓰ-ꓢꓴ ꓬꓲ ꓟꓹ ꓟ ꓐꓰ ꓬꓲ ꓠꓬꓲ ꓤ ꓐꓴ ꓬꓲ ꓔꓯ ꓡ ꓡꓳ꓿ ꓖꓳ ꓡꓱ ꓥ ꓟꓲ ꓬꓲ ꓪꓽ ꓠꓽ ꓞꓳ ꓜꓴꓻ ꓑꓶꓸ ꓓꓴ ꓬꓲ ꓒꓻ ꓕꓲ ꓗꓪ ꓡ ꓟꓽ ꓠ꓿ ꓢꓴ ꓡꓰ ꓬꓰ-ꓢꓴ ꓔꓯ꓾ ꓠꓴ ꓟꓹ ꓟ ꓐꓰ ꓠꓴ ꓠꓬꓲ ꓤ ꓐꓴ ꓠꓱ ꓫꓱ ꓟS ꓗꓪ ꓦꓰꓼ ꓞ ꓢꓲ ꓠꓴ ꓔꓯ ꓟꓳꓻ ꓠꓲꓹ ꓫꓵˍ ꓙꓳꓽ꓾ ꓐꓯ ꓖꓶˍ ꓡꓳ꓿ ꓬꓰ-ꓢꓴ ꓡꓰ ꓬꓲ ꓪꓽ ꓔꓯ ꓒꓳꓹ ꓖꓶ ꓢꓲ꓾ ꓪꓴ-ꓢ ꓐꓯ ꓘꓶꓽ ꓑ ꓙꓽ ꓢꓲ ꓛꓳ ꓬꓰ ꓢꓴ ꓠꓬ꓾ ꓥꓪ ꓟꓹ ꓟˍ ꓐꓰ ꓥꓪ ꓬꓲꓼ ꓥꓪ ꓠꓬꓲ ꓐꓴ ꓥꓳ꓾ ꓐꓯ ꓖꓶˍ ꓡꓳ꓿

ꓪꓴ-ꓢ ꓔꓯ ꓙꓵꓻˍ ꓡꓳ ꓐꓯ ꓢꓲ꓾ ꓪꓴ-ꓢ ꓐꓯ ꓘꓶꓽ ꓐꓰ ꓘꓴ ꓜꓲꓼ ꓞꓳ ꓙꓵꓽ ꓗ ꓐꓴ ꓔꓯ ꓟꓽ ꓛꓳ ꓫꓱꓽ ꓠꓽ꓾ ꓡ ꓞꓳ ꓖꓳ ꓕꓲ ꓣꓳ ꓟ ꓬꓲ ꓙꓵꓻ ꓠꓲꓹ ꓠꓬ ꓬꓲ ꓫꓵꓻ ꓥ ꓡꓳ꓾ ꓐꓰ ꓝꓲ ꓓꓴ ꓬ-ꓗꓴ ꓡꓰ ꓐꓯ ꓔ ꓡꓳ= ꓖꓳ ꓟˍ ꓡꓰ ꓐꓰ ꓠꓬꓲꓸ ꓠꓬꓲ ꓗꓪ ꓥˍ ꓟꓲ ꓡꓴ-ꓘ 8ꓽ21 ꓗꓪ ꓢꓲ ꓒ ꓬꓰ-ꓢꓴ ꓡꓰ ꓕꓱ ꓡꓱ ꓐꓯ ꓔ ꓡꓳ= “ꓪꓴ-ꓢ ꓐꓯ ꓘꓶꓽ ꓑ ꓙꓽ ꓢꓲ ꓛꓳ ꓬꓰ ꓢꓴ ꓠꓬ ꓥꓪ ꓟꓹ ꓟ ꓐꓰ ꓥꓪ ꓬꓲꓼ ꓥꓪ ꓠꓬꓲ ꓐꓴ ꓥꓳ꓾” ꓐꓰ ꓐꓯ ꓔ ꓡꓳ=

ꓣꓳ ꓠꓬ ꓣꓳ ꓚꓲꓸ ꓛꓬ ꓣꓳꓽ ꓙꓲ-ꓢꓴ ꓢꓲ ꓤ ꓕꓲ ꓣꓳ ꓥ ꓡꓳ ꓐꓰ ꓐꓯ ꓢꓲ꓾ ꓬꓲ ꓐꓯ ꓘꓶꓽ ꓙꓳˍ ꓟ ꓡꓰ꓾ ꓬꓲꓸ ꓟꓸ ꓔ ꓖꓶˍ ꓟ ꓡꓰꓽ ꓟꓽ ꓛꓳ ꓫꓱꓽ ꓕꓯ ꓠꓽ꓾ ꓣꓳ ꓠꓬ ꓢꓲ ꓒ ꓬꓰ-ꓢꓴ ꓗ ꓠꓯꓸ ꓛꓳ ꓢꓴ ꓟꓽ ꓥ= ꓕꓱ ꓟ ꓔꓯ ꓣꓳ ꓙꓲ-ꓢꓴ ꓢꓲ ꓤ ꓮ ꓙꓵꓽ ꓚꓲꓸ ꓔ ꓠ ꓗꓹ ꓡꓳ= ꓢꓷꓸ ꓠ ꓗꓹ ꓡꓳ=

“ꓥꓪ ꓠꓬ ꓖꓳ ꓓꓱꓽ ꓔꓲꓹ ꓟꓶ ꓡꓰꓳ꓾ ꓢꓲꓽ ꓫꓬ ꓑ ꓑ ꓥˍ ꓟꓲ ꓘꓳꓹ ꓣꓴ ꓔꓬˍ ꓡꓳ= ꓥꓪ ꓫꓵꓻˍ ꓕꓯ ꓥꓪ ꓦꓻ ꓠꓬ ꓚꓵ ꓚꓵ ꓟꓴꓽ ꓗꓪ ꓗꓴꓷꓼ ꓗꓪ ꓑꓰ ꓬꓰˍ ꓥꓳ” ꓐꓰ ꓢꓻ ꓢꓻ ꓡꓰꓽ ꓟꓽ ꓓꓵꓽ ꓙꓽ ꓠꓹ ꓟ꓾ ꓣꓳ ꓙꓵꓻˍ ꓟ ꓡꓰ ꓛꓳ ꓫꓱꓽ ꓣꓱꓽ ꓬꓰ ꓠꓹ ꓟ ꓬꓳꓸ ꓚꓵˍ ꓡꓳ ꓐꓰ ꓐꓯ ꓖꓶ ꓠꓲꓹ ꓫꓵˍ ꓡꓳ=