ꓙꓲꓻꓫꓬ ꓢꓴ Bruno ꓑꓮꓲ=

ꓙꓲꓻꓫꓬ ꓢꓴ Bruno ꓑꓮꓲꓽ

ꓙꓲꓻꓫꓬ ꓢꓴ Bruno ꓔꓯ ꓮꓸꓓ 1030 ꓘꓳ; ꓕꓯ  Italy ꓗꓴꓷ; Cologne ꓐꓯˍ ꓟ ꓡꓳ ꓒꓱ ꓗꓪ ꓬꓲ ꓔꓯ ꓦꓵꓻ ꓗꓷ= ꓙꓲꓻꓫꓬ ꓢꓴ Bruno ꓠꓬ Carthusim ꓐꓯˍ ꓟ ꓔꓲꓸꓸꓒ ꓜꓴꓻ ꓔꓯ ꓒꓴ ꓢꓲ ꓠꓬꓲ ꓙꓲꓻꓫꓬ ꓢꓴ ꓕꓲ ꓣꓳ ꓒꓬꓱ; ꓡ ꓢꓴ ꓥ ꓡꓳ= ꓙꓲꓻꓫꓬ ꓢꓴ Bruno ꓔꓲꓸꓸꓒ ꓕꓲ ꓣꓳ ꓒꓬꓱ; ꓡ ꓗꓸ ꓠꓯꓸ ꓬꓲ ꓔꓬ ꓟ ꓪꓽ ꓘꓴ ꓦꓲꓻ ꓗꓪ ꓔꓲꓸꓸꓒ ꓐꓴ ꓡꓰ ꓒꓴ ꓖꓶ ꓔ ꓟ  ꓟꓲ ꓠꓯ ꓢꓷꓸ ꓠꓲꓹ ꓕꓳꓽ ꓶ ꓢꓳꓻ ꓦꓲꓻ ꓗꓪ 18 ꓘꓳꓼ ꓟꓲ  ꓠꓯ ꓢꓷ. ꓠꓲꓹ ꓕꓳꓽ ꓶ ꓟꓸ ꓖꓶ ꓢꓴ ꓕꓲ ꓣꓳ ꓥ ꓡꓳ=

ꓙꓲꓻꓫꓬ ꓢꓴ Bruno ꓠꓬ ꓮ ꓟꓬꓹ ꓛꓲ ꓢꓯꓼ ꓕꓵꓼ ꓢꓲ ꓠꓬꓲ ꓟꓲ ꓠꓯ ꓢꓷꓸ ꓠꓲꓹ ꓕꓳꓽ ꓶ ꓐꓰ ꓪꓴ-ꓢ ꓶ ꓓꓳꓽ ꓫꓱꓹ ꓓꓳꓽ  ꓔꓯ ꓡ ꓞꓳ ꓮ ꓟꓬꓹ ꓔꓯ ꓟꓸ ꓖꓶ ꓢꓴ ꓙꓲꓻꓫꓬ ꓢꓴ ꓕꓲ ꓣꓳ ꓥ ꓡꓳ= ꓙꓲꓻ ꓫꓬ ꓢꓴ Bruno ꓠꓬ A.D 1074 ꓘꓳꓼ ꓕꓯ ꓟꓲ ꓠꓯ ꓡ ꓞꓳ ꓐꓴ ꓓꓵꓽ ꓙ ꓥꓳ ꓡꓳˍ ꓟ ꓛꓳ ꓫꓱꓽ ꓥꓳꓽ ꓡꓰˍ ꓟ ꓔꓯ ꓫꓬꓹ ꓔꓱꓹ ꓠꓹ ꓟ ꓐꓱ ꓶ꓾ ꓡ ꓞꓳ ꓟꓽ ꓔꓬ ꓟ ꓟꓵꓽ ꓗꓪ ꓙꓰ ꓢꓲ ꓠꓬꓲ꓾ ꓜ ꓝꓲ ꓝꓲ ꓪꓽ ꓘꓴ ꓢꓲ ꓠꓬꓲ ꓙꓲ-ꓢꓴ ꓢꓲ ꓤ ꓐꓴ ꓦ ꓕꓲꓽꓒꓳꓹ ꓗꓪ ꓪꓴꓽ ꓟꓴ ꓡ ꓠꓹ ꓟ ꓐꓱ ꓶ ꓕꓳꓽ ꓶ ꓮ ꓟꓬꓹ ꓔꓯ ꓐꓳ ꓢꓴ ꓙꓲꓻꓫꓬ ꓢꓴ ꓕꓲ ꓣꓳ ꓥ ꓡꓳ=

ꓙꓲꓻꓫꓬ ꓢꓴ Bruno ꓠꓬ ꓜꓽ ꓓꓴ ꓓꓳ ꓓꓴ ꓟ ꓙꓳ ꓫꓸ ꓢꓴ ꓟꓶ ꓢꓴ ꓔꓯ ꓮ ꓟꓬꓹ ꓛꓲ ꓬꓰ ꓙ ꓢꓴ  ꓙꓲ ꓫꓬ ꓢꓴ ꓕꓲ ꓣꓳ ꓥ ꓡꓳ= ꓙꓲꓻ ꓫꓬ ꓢꓴ Bruno ꓠꓬ ꓟꓵꓽ ꓗꓪ ꓔꓬ ꓢꓲ ꓦ ꓕꓲꓽ ꓒꓳꓹ ꓗꓪ ꓪꓴꓽ ꓟꓴ ꓡ ꓠꓹ ꓟ ꓐꓱ ꓶ꓾ ꓖꓳ ꓟ ꓡꓰ ꓟꓽ ꓛꓲ ꓟꓲ ꓠꓯ ꓡ ꓞꓳ ꓐꓴ ꓓꓵꓽ ꓙ ꓥꓳꓽ ꓡꓰˍ ꓟ ꓕꓯ ꓕꓳꓽ ꓶ ꓮ ꓟꓬꓹ ꓔꓯ ꓐꓳ ꓖꓶˍ ꓟ ꓪꓴꓸ ꓠꓬꓲ ꓡ ꓞꓳ ꓮ ꓟꓬꓹ ꓥˍ ꓟꓲ ꓓꓵꓽ ꓙ ꓒꓳꓹ ꓡꓲꓼ ꓡˍ ꓟ ꓥ ꓡꓳ= ꓙꓲꓻꓫꓬ ꓢꓴ Bruno ꓠꓬ ꓟꓵꓽ ꓗꓪ ꓔꓬ ꓗꓷ ꓟ 10 ꓘꓳꓼ ꓡꓳꓹ ꓬꓰ ꓗꓸ ꓠꓯꓸ Carthusian ꓐꓯˍ ꓟ ꓔꓲꓸꓸꓒ ꓜꓴꓻ ꓔꓯ ꓒꓴ ꓖꓶꓽ ꓗꓷ ꓪ= ꓙꓲꓻꓫꓬ ꓢꓴ Bruno ꓠꓬ ꓔꓲꓸꓸꓒ ꓐꓴ ꓔꓯ ꓥˍ ꓟꓲ ꓮ ꓟꓬꓹ ꓛꓲ ꓬꓰ ꓙ ꓔ ꓙ ꓗꓷ ꓟ ꓙꓲꓻꓫꓬ ꓢꓴ ꓕꓲ ꓣꓳ ꓥ ꓡ0=

ꓬꓲꓸꓠꓬ ꓮ ꓕꓯ ꓥˍ ꓟꓲ ꓗꓹ ꓛꓲꓽ ꓛꓲꓽˍ ꓐꓰ ꓔꓬ ꓢꓴ ꓕꓲ ꓣꓳ ꓥ ꓡꓳ= ꓙꓬꓻꓫꓬ ꓢꓴ Bruno ꓠꓬ A.D 1101 ꓘꓳꓼ ꓕꓯ Italy ꓗꓴꓷꓼ ꓗꓪ ꓟꓲ ꓠꓯ ꓗꓪ ꓐꓰ ꓧꓪꓽ ꓖꓳ ꓕꓱ ꓡꓳꓹ  ꓫ ꓬꓰ ꓪ=