ꓙꓲꓻ ꓫꓬ ꓢꓴ Frances Xavier Cabrini ꓑꓮꓲ

ꓙꓲꓻ ꓫꓬ ꓢꓴ Frances Xavier Cabrini ꓑꓮꓲ

ꓙꓲꓻ ꓫꓬ ꓢꓴ Frances Xavier Cabrini ꓠꓬ ꓕꓲ G ꓐꓰ ꓕꓲ ꓗG KW ꓙꓰ ꓢꓲ  ꓟꓬꓱꓽ ꓬꓰ ꓜ:  ꓢꓴ ꓐꓴ ꓔꓯ ꓬꓰ ꓙ ꓢꓴ ꓙꓲꓻ ꓫꓬ ꓢꓴ ꓥ ꓡꓳ= ꓬꓲ ꓔꓯ Italy ꓗꓴꓷꓼ Saint Angelo Lodiniano ꓡꓳ ꓒꓱ ꓗꓪ 1850 ꓘꓳ; ꓕꓯ ꓦꓵꓻ ꓗꓷ ꓪ=ꓬꓲ ꓠꓬ ꓞꓲ; ꓣꓳˍ ꓟ ꓙꓵꓹ ꓗꓪ ꓔꓲꓺ ꓟ ꓜꓴ ꓗꓪ ꓓꓵꓽ ꓠꓹ ꓟ ꓢꓯꓼ ꓕꓵꓼˍ ꓥ ꓟꓲ ꓬꓲꓸ ꓧꓪꓽ ꓖꓳ ꓓꓱ ꓗꓪ ꓠ ꓫꓵꓽ ꓙꓳˍ ꓟ ꓪꓴꓸ ꓠꓬꓲ ꓔꓲꓺ ꓟ ꓜꓴ ꓗꓪ ꓐꓰ  ꓬꓲꓸꓔꓯ ꓟꓽ ꓘꓳꓹ ꓣꓴ= ꓖꓳ ꓡꓱ ꓥ ꓟ ꓪꓴꓸ ꓠꓬꓲ ꓬꓲ ꓠꓬ ꓔꓲꓺ ꓟ ꓜꓴ (The Congregation of the Missionary Sisters of the Sacred Heart) ꓜꓴ ꓔꓯ ꓒꓴꓻ ꓢꓲ ꓪꓴ-ꓢ ꓟꓬꓱꓽ ꓬꓰ ꓗꓷ ꓪ=

ꓝꓮꓲ ꓙꓲꓻ ꓫꓬ ꓢꓴ Frances Xavier Cabrini  ꓔꓯ ꓔꓲꓺ ꓒ ꓪ ꓔꓲ Leo 3 ꓗꓪ ꓐꓰ America ꓗꓴꓷꓼ ꓗꓪ ꓪꓴ-ꓢ ꓟꓬꓱꓽ ꓬꓰ ꓠꓹ ꓟ ꓙꓵꓽ ꓪ ꓖꓶꓽ ꓗꓷ ꓪ=ꓬꓲꓸ ꓠꓬ America ꓗꓴꓷꓼ ꓗꓪ ꓛꓲ ꓬꓰ ꓕꓯ꓾ Italy ꓞꓳ ꓫꓵꓽ ꓐꓴ ꓔꓯ ꓬꓰ  ꓙ ꓠꓹ ꓟ ꓥ ꓡꓳ= ꓙꓲꓻ ꓫꓬ ꓢꓴ Frances Xavier Cabrini ꓠꓬ America ꓗꓴꓷꓼ ꓗꓪ ꓛꓲ ꓬꓰˍ ꓕꓯ꓾ New York ꓗꓪ ꓪꓴ-ꓢ ꓟꓬꓱꓽ ꓬꓰ ꓔꓬ ꓟ ꓔꓲꓺ ꓒ ꓓ ꓠꓬ ꓡꓽ ꓙꓰ ꓠꓹ ꓟ ꓐꓯˍ ꓡꓳ= ꓖꓳ ꓡꓱ ꓥ ꓟꓲ ꓬꓲ ꓠꓬ ꓔꓲꓺ  ꓒ  ꓪ ꓔꓲ ꓡꓰ ꓪꓴ-ꓢ ꓟꓬꓱꓽ ꓬꓰ ꓠꓹ ꓟ ꓝꓲ ꓩꓴ ꓡˍ ꓟ ꓥꓳ꓾ ꓐꓰ ꓐꓯ ꓖꓶ ꓢꓲ ꓪꓴ-ꓢ ꓟꓬꓱ ꓽꓗꓪ ꓮ ꓟꓬꓹ ꓢꓯꓼ ꓕꓵꓼˍ ꓡꓳ=ꓟꓽ ꓟꓶ ꓫꓵ ꓕꓯ ꓙꓲꓻ ꓫꓬ ꓢꓴ Frances Xavier Cabrini ꓠꓬ America ꓗꓴꓷꓼ ꓗꓪ ꓫꓸ ꓢꓴ ꓐꓱ ꓶ ꓠꓯꓺ ꓞꓲꓼ ꓦꓲ ꓐꓰ ꓪꓽ ꓘꓴ ꓦꓲ ꓮ ꓟꓬꓹ ꓫꓬꓹ ꓖꓶ ꓗꓷ ꓪ= ꓙꓲꓻ ꓫꓬ ꓢꓴ Frances Xavier Cabrini  ꓠꓬ 1917 ꓘꓳꓼ ꓕꓯ ꓟꓲ ꓠꓯ ꓗꓪ ꓐꓰ ꓧꓪꓽ ꓖꓳ ꓓꓱ ꓡꓳꓹ ꓬꓰ ꓪ=            `