ꓙꓲꓻ ꓫꓬ ꓢꓴ Margaret ꓐꓰ ꓙꓲꓻ ꓫꓬ ꓢꓴ Gertrude ꓑꓮꓲ=

ꓙꓲꓻ ꓫꓬ ꓢꓴ Margaret ꓐꓰ ꓙꓲꓻ ꓫꓬ ꓢꓴ Gertrude ꓑꓮꓲ=

ꓙꓲꓻꓫꓬ ꓢꓴ Margaret ꓔꓯ England ꓗꓴꓷꓼ ꓗꓪ 1045 ꓘꓳꓼ ꓕꓯ ꓦꓵꓻ ꓗꓷ ꓪ= Normen ꓟꓯꓼ ꓜꓴ ꓠꓬ England ꓗꓴꓷꓼ ꓔꓯ ꓟꓯꓼ ꓢꓰꓼ ꓡˍ ꓟ ꓙꓵꓹ ꓗꓪ ꓙꓲꓻ ꓫꓬ ꓢꓴ Margaret ꓠꓬ Scotland ꓗꓴꓷꓼ ꓗꓪ ꓔꓬ ꓗꓷ ꓪ= ꓬꓲꓸ ꓘꓳꓼ 24 ꓘꓳꓼ ꓕꓯ ꓪ-ꓔꓲ (Malcolm 3) ꓐꓰ ꓡꓯ ꓒꓯꓹ ꓝꓸ ꓢꓲ ꓠꓬꓲ ꓮ-ꓟꓲ 8 ꓣꓳ ꓪ ꓡꓰ ꓪ= ꓙꓲꓻ ꓫꓬ ꓢꓴ Margaret ꓠꓬ ꓮ ꓟꓬ ꓛꓲ ꓙꓲˍ ꓟ ꓪ ꓔꓲ ꓟ ꓕꓲ ꓣꓳ ꓥ ꓡꓳ= ꓬꓲ ꓠꓬ ꓪ ꓔꓲ ꓔꓯ ꓮ ꓟꓬ ꓠꓲ, ꓠꓵˍ ꓟ ꓡꓰꓽ ꓟꓽ ꓛꓲ ꓗꓴꓷꓼ ꓗꓪ ꓔꓬ ꓟ ꓑ ꓫꓬꓼ ꓐꓴ ꓔꓯ ꓮ ꓟꓬꓹ ꓠꓲꓹ ꓠꓵˍ ꓟ ꓪ ꓔꓲ ꓟ ꓥ ꓡꓳ=ꓙꓲꓻꓫꓬ ꓢꓴ Margaret ꓠꓬ ꓪ: ꓘꓴ ꓦꓲꓻ ꓮ ꓟꓬꓹ ꓔꓯ ꓫꓬꓹ ꓖꓶ ꓢꓲ ꓠꓬꓲ ꓘꓴ-ꓜꓲ-ꓞꓳ ꓔꓯ ꓮ ꓟꓬ ꓬꓰ ꓙ ꓗꓷ ꓪ= ꓫꓸ ꓢꓴ ꓟꓶ ꓢꓴ ꓔꓯ ꓮ ꓟꓬ ꓬꓰ ꓙ ꓢꓲ ꓔꓬ ꓓꓴ ꓦꓲꓻˍ ꓟꓲ ꓫꓬꓹ ꓖꓶ ꓗꓷ ꓪ= A.D 1093 ꓘꓳꓼ ꓕꓯ ꓙꓲꓻ ꓫꓬ ꓢꓴ Margaret ꓠꓬ ꓟꓲ ꓠꓯ ꓗꓪ ꓐꓰ ꓧꓪꓽ ꓖꓳ ꓓꓱ ꓡꓳꓹ ꓬꓰ ꓪ=

ꓙꓲꓻ ꓫꓬ ꓢꓴ Gertrude ꓔꓯ 1256 ꓘꓳꓼ ꓕꓯ Germany ꓗꓴꓷꓼ ꓗꓪ ꓬꓲ ꓔꓯ ꓦꓵꓻ ꓗꓷ ꓪ=  ꓙꓲꓻ ꓫꓬ ꓢꓴ Gertrude ꓠꓬ ꓞꓲꓼ ꓣꓳˍ ꓟ ꓙꓵꓹ ꓗꓪ ꓔꓲꓺ ꓟ ꓐꓴ ꓔꓬ ꓟ ꓪꓽ ꓘꓴ ꓦꓲꓻ ꓗꓪ ꓔꓬ ꓢꓲ ꓪꓴ-ꓢ ꓐꓯ ꓘꓶꓽ ꓔꓯ ꓢꓳ ꓣꓴ ꓟꓶ ꓢꓴ ꓥ ꓡꓳ= ꓬꓲ ꓞꓲꓼ 26 ꓘꓳꓼ ꓡꓳ ꓕꓯ ꓢꓲꓺ ꓒ ꓬꓰ-ꓢꓴ ꓠꓬ ꓬꓲꓸ ꓔꓯ ꓦ ꓒꓬꓱꓽ ꓗꓪ ꓐꓰ ꓫꓸ ꓕꓱ ꓡ ꓪ= ꓖꓳ ꓗꓸ ꓠꓯꓸ ꓬꓲ ꓔꓯ ꓪꓴ-ꓢ ꓐꓯ ꓘꓶꓽ ꓔꓯ ꓮ ꓟꓬꓹ ꓢꓳ ꓣꓴ ꓢꓲ ꓠꓬꓲ ꓦ ꓕꓲ ꓒꓳꓹ ꓗꓪ ꓢꓯꓼ ꓕꓵꓼ ꓗꓷ ꓪ= ꓔꓲꓺ ꓟ ꓕꓲ ꓣꓳ ꓒꓬꓱꓼ ꓡ ꓗ ꓠꓯꓸ ꓪꓴ-ꓢ ꓐꓯ ꓘꓶꓽ ꓔꓯ ꓮ ꓟꓬꓹ ꓚꓺ ꓖꓶ ꓗꓷ ꓪ= ꓢꓲꓺ ꓒ ꓬꓰ-ꓢꓴ ꓬꓲꓸ ꓔꓯ ꓒꓬꓱꓽ ꓟꓳꓸ ꓖꓶˍ ꓟ ꓔꓯ (The Revelation of Gertrude) ꓐꓯˍ ꓟ ꓕꓳ ꓶ ꓗꓪ ꓐꓳ ꓖꓶ ꓔ ꓡꓳ=ꓙꓲꓻ ꓫꓬ ꓢꓴ Gertrude ꓠꓬ  A.D 1301꓾ ꓬꓲ ꓞꓲꓼ 45 ꓘꓳꓼ ꓕꓯ ꓧꓪꓽ ꓖꓳ ꓓꓱ ꓡꓳꓹ ꓬꓰ ꓪ=