ꓟꓬꓱꓺ ꓓꓳ ꓙꓳˍ ꓟ Michael Jackson ꓟꓸ ꓟꓲꓽ

ꓬꓲ ꓠꓬ pop ꓟꓴꓽ ꓖꓪ ꓚꓱꓹ ꓔꓯ ꓟꓳꓸ ꓓꓺ ꓒꓽ ꓕꓲ ꓣꓳ ꓥ ꓡꓳ=

ꓬꓲ ꓔꓯ 1958 ꓘꓳꓼ 8 ꓦ 29 ꓕꓯ American ꓗꓴꓷꓼ꓾Indiana ꓟꓵꓽ ꓾ Gary ꓗꓪ ꓦꓵꓻ ꓔ ꓡꓳ=

ꓬꓲꓸ ꓐꓹ ꓐ ꓟꓬꓱꓺ ꓠꓬ Joseph Jackson ꓥ ꓢꓲ꓾ ꓬꓲꓸ ꓟꓹ ꓟ ꓔꓯ ꓠꓬ Catherine Jackson ꓐꓰ ꓟꓬꓱꓺ ꓔ ꓡꓳ=

ꓬꓲ ꓔꓯ African-American ꓟꓬꓱꓽ ꓬꓰ ꓜꓽ ꓢꓴ ꓦꓲꓻ ꓗꓪ ꓐꓰ ꓦꓵꓻ ꓔ ꓟ ꓥ ꓢꓲ꓾ ꓬꓲꓸ ꓮ ꓐꓽ ꓮ ꓟ ꓤ ꓠꓱ ꓞꓲ ꓣꓳ ꓘꓴꓽ ꓗꓪ 8 ꓣꓳ ꓕꓲ ꓣꓳ ꓥ ꓡꓳ=

ꓬꓲꓸ ꓐꓹ ꓐ ꓠꓬ steel ꓫꓬꓹ ꓒꓱꓻ ꓗꓪ ꓟꓬꓱꓽ ꓬꓰ ꓢꓴ ꓥ ꓢꓲ꓾ ꓬꓲꓸ ꓟꓹ ꓟ ꓠꓬ Jehovah ꓔꓯ ꓢꓷꓸ ꓙ ꓟꓳ ꓙ ꓢꓴ ꓕꓲ ꓣꓳ ꓥꓳ=

ꓬꓲꓸ ꓪ ꓕꓲ ꓦꓲ ꓢꓴ ꓠꓬ ꓞꓳ ꓫꓸ ꓥ ꓢꓲ ꓦꓲ ꓤ ꓤ ꓗꓪ ꓔꓬ ꓡꓳ=

ꓬꓲ ꓞꓲꓼ ꓣꓳˍ ꓕꓯ ꓡꓰ ꓟꓴꓽ ꓖꓪ ꓚꓱꓹ ꓔꓯ ꓮ ꓘꓶꓸ ꓠꓲꓹ ꓠꓵˍ ꓡꓳ=

ꓬꓲ ꓮ ꓬꓲꓼ 3 ꓣꓳ ꓠꓬ Jackson Brothers ꓐꓰ ꓟꓬꓱꓺ ꓔ ꓟ ꓛꓲ ꓐꓶ ꓛꓰꓹ ꓜꓴ ꓔꓯ ꓔꓶ ꓗꓷꓳ=  

1964 ꓘꓳꓼ ꓕꓯ Michael Jackson ꓟꓲ꓾ ꓬꓲ ꓮ ꓬꓲꓼ ꓐꓴ ꓜꓴ ꓗꓪ ꓓꓵꓽ ꓗꓷꓳ=

ꓬꓲ ꓞꓲꓼ 8 ꓘꓳꓼ ꓙꓳ ꓡˍ ꓕꓯ Michael ꓠꓬ ꓬꓲꓸ ꓮ ꓬꓲꓼ Jermaine ꓐꓰ ꓕꓲ ꓪꓺꓽ ꓟꓴꓽ ꓖꓪ ꓖꓪ ꓪꓴꓸ ꓔꓴ ꓗꓷꓳ=

ꓗꓸ ꓠꓯ ꓬꓲꓸ ꓪ ꓐꓴ ꓛꓲ ꓐꓶ ꓛꓰꓹ ꓜꓴ ꓟꓬꓱꓺ ꓔꓯ Jackson 5 ꓐꓰ ꓡꓶꓸ ꓗꓷ ꓢꓲ ꓡꓳ ꓒꓱ ꓘꓴꓽ ꓗꓪ ꓛꓰꓹ ꓡꓳ=

ꓝ ꓢꓲ ꓬꓲꓸ ꓪ ꓐꓴ ꓠꓬ ꓙꓵꓻ ꓒꓶꓽ ꓓꓳ ꓔꓶꓸ꓾ ꓛꓲ ꓡꓵꓻ ꓡꓯ ꓡꓵꓻ ꓔꓶꓸ ꓗꓪ ꓛꓲ ꓐꓶ ꓛꓰꓹ ꓗꓷꓳ=

ꓛꓲ ꓐꓶ ꓛꓰꓹ ꓢꓲ ꓟꓴꓽ ꓖꓪ ꓖꓪꓺ ꓬꓰˍ ꓟ ꓪꓴꓸ ꓠꓬꓲ Michael Jackson ꓠꓬ ꓮ ꓘꓶꓸ ꓟꓬꓱꓺ ꓓꓳꓽ ꓙꓳ ꓡˍ ꓡꓳ=

Michael Jackson ꓟꓬꓱꓺ ꓓꓳ ꓮ ꓘꓶꓸ ꓪꓴꓽ ꓡ ꓢꓲ ꓬꓲ ꓔꓯ ꓜꓲꓺ ꓡ ꓢꓴ ꓮ ꓟꓬꓹ ꓙꓳˍ ꓟ ꓪꓴꓸ ꓠꓬꓲ ꓬꓲꓸ ꓠꓬ ꓢꓷꓸ ꓠꓲꓹ ꓢꓳ ꓦꓲ ꓗꓪ ꓟꓽ ꓙꓰ ꓙꓰ꓾ ꓦꓲ ꓗꓪ ꓡꓰꓽ ꓔꓬ ꓢꓲ ꓢꓳ ꓠ ꓗꓷ ꓡꓰꓳ=

ꓬꓲ ꓠꓬ ꓬꓲꓸ ꓤ ꓠꓱ ꓤ ꓤꓶ ꓕꓯ ꓠꓱꓸ ꓐꓯꓼ ꓤ ꓠꓱ ꓤ ꓐꓴ ꓐꓰˍ ꓟꓲ ꓠꓲꓹ ꓒꓵꓽ ꓠꓲꓹ ꓡꓱ ꓟꓽ ꓔꓬ ꓗꓳꓸ ꓗꓷ=

ꓬꓲ ꓠꓬ Jackson 5 ꓗꓪ ꓟꓴꓽ ꓖꓪ ꓖꓪ ꓔꓬ ꓕꓯ ꓬꓲꓸ ꓕꓲ ꓟ ꓔꓵꓸꓼ ꓖꓪ ꓔ ꓟ ꓟꓴꓽ ꓖꓪ Album ꓐꓴ ꓟꓲ ꓮ ꓟꓬꓹ ꓙꓳˍ ꓡꓳ=

1978 ꓘꓳꓼ ꓕꓯ The Wiz ꓢꓯꓸ ꓐꓬꓱꓽ ꓗꓪ ꓐ ꓗꓷ ꓟ ꓾ ꓟꓴꓽ ꓖꓪ ꓫꓬꓹ ꓟ ꓗꓪ ꓒꓴ ꓔꓳꓹ ꓙ ꓢꓴ Quincy Jones ꓐꓰ ꓟꓳ ꓡꓯꓽ ꓘꓳ ꓗꓷꓳ =

ꓬꓲ ꓠꓬ ꓬꓲꓸ Jackson 5 ꓜꓴ ꓗꓪ ꓐꓰ ꓓꓳ ꓡ ꓗꓷ ꓢꓲ꓾ ꓓꓽ ꓪꓴꓸ ꓟ “Grown Up” album ꓔꓯ ꓫꓬꓹ ꓗꓷꓳ=

1979 ꓕꓯ Michael ꓠꓬ ꓟꓴꓽ ꓖꓪ album ꓕꓲ ꓟ ꓔꓯ ꓑꓶ ꓗꓷꓳ=

ꓖꓳ ꓟ ꓠꓬ ꓟꓬꓱꓺ ꓓꓳꓽ ꓮ ꓘꓶꓸ ꓪꓴꓽ ꓡ ꓢꓲ꓾ ꓗꓴꓷꓼ ꓘꓴꓽ ꓗꓪ ꓟꓽ ꓓ ꓙꓲˍ ꓟ ꓟꓴꓽ ꓗꓪ 10 ꓚꓱꓹ ꓘꓴꓽ ꓗꓪ ꓐ ꓗꓷꓳ= ꓖꓳ ꓟ ꓐꓴ ꓠꓬ ꓬꓲ ꓓ ꓪꓴꓸ ꓟ ꓟꓴꓽ ꓖꓪ album ꓘꓴꓽ ꓗꓪ ꓐꓹ ꓟ “Rock with You” ꓐꓰ “Don’t stop till you get enough” ꓐꓴ ꓥ ꓡꓳ=

ꓬꓲꓸ ꓠꓬ Quincy Jones ꓐꓰ ꓝꓮꓲ ꓕꓲ ꓧꓪꓹ ꓟꓬꓱꓽ ꓬꓰ ꓗꓷ ꓢꓲ 1982 ꓘꓳꓼ ꓗꓸ ꓠꓯꓸ ꓠꓬ Thriller album ꓕꓲ ꓟ ꓫꓬꓹ ꓗꓷ ꓢꓲ ꓖꓳ ꓟ ꓠꓬ ꓾ ꓟꓽ ꓓ ꓙꓲˍ ꓟ album 10 ꓟ ꓘꓴꓽ ꓗꓪ ꓠꓳ 7 ꓗꓪ ꓐ ꓗꓷ ꓟ ꓥ ꓢꓲ ꓠꓬꓲ Grammy ꓡꓯꓼ ꓫꓴ 8 ꓟ ꓧꓪꓸ ꓡꓰ ꓗꓷ ꓟ ꓥꓳ=  

ꓝꓮꓲ ꓬꓲꓸ ꓠꓬ Bad, Dangerous, Invincible album ꓐꓴ ꓔꓯ ꓫꓬꓹ ꓗꓷ ꓢꓲ ꓖꓳ ꓟ ꓐꓴ ꓠꓬ ꓟꓬꓱꓺ ꓓꓳꓽ ꓮ ꓘꓶꓸ ꓪꓴꓽ ꓡ ꓗꓷ ꓟ ꓥꓳ=

Michael ꓠꓬ ꓬꓲ ꓕꓲ ꓤꓶ ꓗꓪ 2 ꓧꓪꓹ ꓡꓯꓽ ꓒꓯꓹ ꓝ ꓗꓷꓳ=

1994 ꓘꓳꓼ 5 ꓦ 26꓾ ꓬꓲꓸ ꓞꓲꓼ 34 ꓘꓳꓼ ꓕꓯ Lisa Marie Presley ꓐꓰ ꓡꓯ ꓒꓯꓹ ꓝ ꓗꓷ ꓢꓲ꓾ ꓬꓲꓸ ꓪ ꓐꓴ ꓠꓬ 1996 ꓘꓳꓼ ꓕꓯ ꓒꓰ ꓡꓯꓽ ꓘꓳ ꓗꓷꓳ=

ꓝꓮꓲꓸ 1996 ꓘꓳꓼ 11 ꓦ 14 ꓕꓯ Debbie Rowe ꓟꓬꓱꓺ ꓔ ꓟ ꓠ ꓫꓬꓹ ꓒ ꓔꓯ ꓣꓱꓽ ꓙˍ ꓟ ꓤ ꓟꓶ ꓤ ꓐꓰ ꓡꓯꓽ ꓒꓯꓹ ꓝ ꓗꓷꓳ=

ꓬꓲꓸ ꓪ ꓠꓬꓲꓽ ꓫꓵꓸ ꓔꓯ Michael Joseph Jackson Jr ꓐꓰ Paris-Michael Katherine Jackson ꓟꓬꓱꓺ ꓔ ꓟ ꓤ ꓠꓱ ꓠꓬꓲꓽ ꓣꓳ ꓙꓳ ꓡ ꓗꓷꓳ= 1999 ꓘꓳꓼ ꓕꓯ ꓬꓲꓸ ꓪ ꓐꓴˍ ꓟꓲ ꓒꓰ ꓡꓯꓽ ꓘꓳ ꓗꓷꓳ=

ꓝꓮꓲ ꓠꓬ ꓬꓲ ꓔꓯ ꓾ ꓠꓯ ꓞꓲꓼ ꓣꓱꓽ ꓢꓲ ꓦꓵꓻ ꓔ ꓟ Prince Michael Jackson II ꓟꓬꓱꓺ ꓔ ꓟ ꓤ ꓠꓱ ꓕꓲ ꓣꓳ ꓙꓳ ꓡꓰꓳ=

Michael ꓠꓬ ꓠꓲꓹ ꓟ ꓠ ꓪꓴꓸ ꓠꓬꓲ 2009 ꓘꓳꓼ 6 ꓦ 25 ꓠꓬꓲ ꓕꓯ ꓫꓵꓻ ꓗꓷꓳ= ꓬꓲꓸ ꓞꓲꓼ ꓠꓬ 50 ꓘꓳꓼ ꓥ ꓡꓳ=

ꓬꓲ ꓐꓯ ꓔ ꓟ ꓐꓯ ꓘꓶꓽ ꓠꓬ꓾ “ꓠꓴ ꓠꓬ ꓟꓲ ꓠꓯ ꓔꓯ ꓪ ꓙꓲ ꓙꓲˍ ꓟ ꓒꓬꓱꓼ ꓡ ꓠ ꓬꓰ ꓠꓲꓹ ꓫꓵˍ ꓠꓬ꓾ ꓠꓴ ꓚꓲꓸ ꓛꓬ ꓔꓯ ꓡꓳꓸ ꓢꓲ ꓒꓳꓹ ꓡꓶꓸ ꓗꓷ” ꓐꓯˍ ꓟ ꓥ ꓡꓳ=