ꓬꓰ-ꓢꓴ ꓢꓷ. ꓡꓰ ꓓꓴ ꓬꓰ ꓟ 25 ꓫꓵ: ꓟ. ꓟꓲ

              ꓢꓲ- ꓒ ꓬꓰ-ꓢꓴ ꓟꓲ ꓠꓯ ꓗꓪ 3 ꓘꓳꓼ ꓶꓼ ꓥꓳ: ꓟꓬꓱ: ꓬꓰˍ ꓕꓯ ꓬꓲ ꓚꓲꓸ ꓛꓬ ꓠꓬ ꓪꓴ-ꓢ ꓬꓲ ꓮ ꓐꓲ ꓥ ꓢꓲ꓾ ꓚꓬꓴ ꓢꓲ ꓒ ꓟꓲ-ꓢ-ꓬ ꓥ ꓟ ꓡꓳ. ꓟꓳ ꓢꓴ ꓙꓵꓻ ꓠꓹ ꓟ ꓢꓷ. ꓡꓰ ꓓꓴ 25 ꓫꓵ: ꓟꓳ. ꓖꓶˍ ꓡꓳ=

ꓬꓲ. ꓢꓷ. ꓡꓰ ꓓꓴ ꓟꓳ. ꓖꓶ: ꓟ ꓗꓪ꓾

1. ꓞꓳ ꓤ ꓕꓯ ꓢꓲ ꓢꓷ. ꓡꓰ ꓓꓴ ꓬꓰ ꓟ (16) ꓫꓵ:

2. ꓠꓲ: ꓢ- ꓓꓯ ꓕꓯ ꓢꓲ ꓬꓰ ꓟ (3) ꓫꓵ:

3. ꓟꓲ ꓠꓯ ꓶ ꓤ: ꓕꓲ: ꓫꓵ: ꓫꓵ: ꓗꓪ ꓬꓰ ꓟ (6) ꓫꓵ: ꓥ ꓡꓳ=

              ꓞꓳ ꓤ: ꓕꓯ ꓢꓲ ꓬꓰ ꓟ ꓢꓷ. ꓡꓰ ꓓꓴ (16) ꓫꓵ: ꓔꓯ ꓟꓳ. ꓢꓳ ꓣꓴ ꓡꓯ=

1. ꓟ-ꓕꓲ 8:1-4 ꓔ ꓟ ꓩꓴ ꓓꓲ ꓢꓴ ꓕꓲ: ꓣꓳ ꓔꓯ ꓫꓬꓹ ꓓ ꓡꓰ ꓟ=

2. ꓟ-ꓘꓳ 7ꓽ31-37 ꓠꓸ ꓐꓳ ꓟꓲ ꓠꓸ ꓐꓳ ꓫꓸ ꓪ ꓥ ꓟꓲ ꓕꓱ ꓟꓽ ꓐ ꓡꓹ ꓟ ꓡꓽ ꓞꓳ ꓕꓲꓽ ꓣꓳ ꓔꓯ ꓖ-ꓡꓲ-ꓡꓲ ꓬꓲ ꓡꓵꓽ ꓐꓱ ꓒ ꓕꓲ ꓗꓪ ꓫꓬꓹ ꓓ ꓡꓰ ꓟ=

3ꓸ ꓟ-ꓕꓲ 20ꓽ29-34 ꓬꓰ-ꓢꓴ ꓬꓲ ꓛꓳ ꓒꓯ ꓐꓴ ꓐꓰ ꓙꓱ-ꓡꓱ-ꓘꓳ ꓗꓪ ꓐꓰ ꓓꓳ ꓙꓰ ꓢꓲ ꓙ ꓫꓱꓽ ꓔꓬ ꓕꓯ ꓟꓬ ꓢꓶꓽ ꓠꓬꓲ ꓟꓽ ꓟꓳ ꓢꓴ ꓟꓬ ꓔꓶ ꓠꓬꓲꓽ ꓣꓳ ꓔꓯ ꓫꓬꓹ ꓓ ꓡꓰ ꓟ=

4ꓸ ꓬꓳ-ꓦ 9ꓽ1-40 ꓦꓵ ꓕꓯꓽ ꓡꓰ ꓠꓬꓲ ꓟꓽ ꓟꓳ ꓟꓬ ꓔꓶ ꓕꓲꓽ ꓣꓳ ꓔꓯ ꓢꓳ ꓡꓳ ꓬꓲ ꓐꓱ ꓗꓪ ꓞꓲꓽ ꓬꓰ ꓐꓰ ꓬꓰ-ꓢꓴ ꓕꓵꓽ ꓪꓽ ꓖꓶꓽ ꓗꓷ ꓠꓬ ꓬꓲꓸ ꓞꓲꓽ ꓙꓰ ꓠꓬ ꓟꓬ ꓢꓶꓽ ꓠꓬꓲ ꓟꓳ ꓡꓰꓳ=

5ꓸ ꓟ-ꓕꓲ 8ꓽ14-15 ꓒꓲ-ꓕꓱ ꓬꓲ ꓟꓹ ꓟ ꓑꓯꓹ ꓖꓳ ꓓꓱꓽ ꓛꓴ ꓞ ꓢꓲ ꓠ ꓔꓬ ꓟ ꓔꓯ ꓞꓼ ꓐꓰ ꓫꓬꓹ ꓓ ꓡꓰ ꓟ=

6ꓸ ꓟ-ꓘꓳ 2ꓽ1-12 ꓘꓹ ꓑꓱ ꓠꓴ ꓘꓹ ꓗꓪ ꓛꓲ ꓫꓵ ꓡꓯꓽ ꓫꓵꓸ ꓢꓴ ꓕꓲꓽ ꓣꓳ ꓔꓯ ꓫꓬꓹ ꓓ ꓡꓰ ꓟ=

7ꓸ ꓬꓳ-ꓦ 5ꓽ1-24 ꓙꓱ-ꓣꓴ-ꓢ-ꓡꓱ ꓡ ꓒꓱ ꓒ ꓕꓲ ꓮꓸ ꓣꓳ ꓗꓸ ꓘꓶꓽ ꓐꓽ ꓢꓲ ꓗꓪ ꓐꓱ-ꓢꓰ-ꓓ ꓬꓲ ꓙꓬ ꓓꓴꓽ ꓗꓪ ꓫꓱꓽ ꓛꓲ ꓬꓰ ꓠꓬ 38 ꓘꓳꓼ ꓠ ꓔꓬ ꓟ ꓕꓲꓽ ꓣꓳ ꓔꓯ ꓫꓬꓹ ꓓ ꓡꓰ ꓟ= ꓟꓸ ꓟꓲ ꓕꓱ ꓟ ꓗꓪ ꓣꓳ ꓚꓲꓸ ꓔꓸ ꓓꓴ ꓬꓲꓸ ꓓꓽ ꓟ ꓕꓲꓽ ꓫꓵꓽ ꓠꓬ ꓬꓰ-ꓢꓴ ꓡꓰ "ꓮ ꓟꓶ ꓠꓴ ꓠꓽ ꓓ ꓡꓰꓳ= ꓕꓱ ꓟ ꓕꓯ ꓢꓲ ꓟꓽ ꓙꓲ ꓟ ꓠꓴ ꓔꓯ ꓟꓽ ꓗꓷ ꓡꓰ ꓠꓹ ꓟ ꓕꓱ ꓡꓱ ꓖꓳ ꓑꓳꓸ ꓝꓴꓲ ꓕꓽ ꓬꓰ" ꓕꓱ ꓟ ꓥꓳ=

8ꓸ ꓡꓴ-ꓘ 8ꓽ43-44 12 ꓘꓳꓼ ꓢꓲꓽ ꓓꓳ ꓢꓲ ꓠ ꓔꓬ ꓟ ꓮꓸ ꓟꓲ ꓕꓲꓽ ꓣꓳ ꓬꓰ-ꓢꓴ ꓐꓵ ꓞꓲꓽ ꓟꓶꓽ ꓔꓯ ꓫꓱꓸ ꓪ ꓠꓬꓲ ꓬꓲ ꓠꓹ ꓟ ꓓ ꓡꓰ ꓟ=

9ꓸ ꓟ-ꓕꓲ 8ꓽ5-13 ꓟꓯꓼ 100 ꓣꓳ ꓙꓵꓽ ꓒꓽ ꓢꓲꓽ ꓒꓽ ꓮ ꓐꓲ ꓔꓯ ꓶꓽ ꓤꓹ ꓗꓪ ꓐꓰ ꓶꓽ ꓥꓳꓽ ꓙꓱꓽ ꓖꓶꓽ ꓠꓬ ꓓ ꓡꓰ ꓟ=

10ꓸ ꓟ-ꓕꓲ 15ꓽ21-28 ꓠꓲꓽ ꓢ-ꓓꓯ ꓡꓰ ꓫꓸ ꓙꓲ ꓔꓬ ꓟ ꓘꓷ-ꓠ ꓤ ꓟꓶ ꓤ ꓕꓲꓽ ꓣꓳ ꓔꓯ ꓫꓬꓹ ꓓ ꓡꓰ ꓟ=

11ꓸ ꓬꓳ-ꓦ 4ꓽ46-53 ꓢꓲꓽ ꓒꓽ ꓬꓲꓸ ꓤꓽ ꓔꓯ ꓠ ꓫꓬꓹ ꓖꓶ ꓟ=

12ꓸ ꓟ-ꓕꓲ 15ꓽ30-31 ꓖ-ꓡꓲ-ꓡꓲ ꓬꓲ ꓡꓵꓽ ꓐꓱ ꓘꓶꓽ ꓪ ꓚꓲ ꓗꓪ ꓠ ꓢꓴ ꓒꓬꓽ ꓢꓴ ꓮ ꓟꓬꓹ ꓣꓳ ꓔꓯ ꓠ ꓫꓬꓹ ꓖꓶ ꓟ=

13ꓸ ꓟ-ꓕꓲ 9ꓽ18-26 ꓙꓰ ꓣꓴ ꓮꓸ ꓟꓲ ꓔꓯ ꓢꓯꓸ ꓬꓲꓼ ꓡ ꓝꓲ ꓟ=

14ꓸ ꓡꓴ-ꓘ 7ꓽ11-17 ꓟꓶꓽ ꓛꓵꓽ ꓟ ꓤꓽ ꓔꓲꓸ ꓔꓯ ꓢꓯꓸ ꓬꓲꓼ ꓡ ꓝꓲ ꓟ=

15ꓸ ꓬꓳ-ꓦ 11ꓽ1-45 ꓐꓱ-ꓕ-ꓠꓲ ꓘꓹ ꓗꓪ ꓔꓬ ꓟ ꓟ-ꓡꓲ-ꓬ ꓬꓲ ꓠꓬꓲ ꓤꓽ ꓡ-ꓢ-ꓣꓴ ꓔꓯ ꓫꓵꓽ ꓗꓸ ꓠꓯ ꓡꓲ ꓦꓬꓼ ꓡꓳꓼ ꓬꓲ ꓕꓯ ꓢꓲ ꓢꓯꓸ ꓬꓲꓼ ꓡ ꓝꓲ ꓟ=