ꓐꓶꓼ ꓡ ꓗꓳꓸ ꓔꓳꓸ ꓢꓶꓽ ꓔꓶ ꓚꓱꓹ

Dragon Fruit ꓔꓶ ꓚꓱꓹ (ꓐꓶꓼ ꓡ ꓗꓳꓸ ꓔꓳꓸ ꓢꓶꓽ - ꓡꓳ ꓪꓴꓸ ꓥꓳꓽ)

ꓐꓶꓼ ꓡ ꓗꓳꓸ ꓔꓳꓸ ꓔꓯ ꓦꓲꓻ ꓗꓪ ꓔꓶˍ ꓟ ꓚꓱꓹ

ꓕꓱ ꓕꓲ ꓚꓱꓹ ꓠꓬ ꓔꓶ ꓢꓲ ꓶꓻ ꓡꓯꓼ ꓬꓰ ꓢꓴ ꓐꓱ ꓶ ꓠꓽ ꓟꓽ ꓥ꓾ ꓚꓲꓸ ꓛꓬ ꓦꓲꓻ ꓗꓪ ꓔꓶ ꓢꓴ ꓐꓱ ꓶ ꓥ ꓡꓳ=

• ꓐꓶꓼ ꓡ ꓗꓳꓸ ꓔꓳꓸ ꓢꓶꓽ ꓐꓯ ꓗꓷ ꓠꓬ ꓠꓱꓸ ꓐꓯꓼ ꓢꓲꓹ ꓢꓶꓽ ꓐꓴ ꓐꓰ ꓟꓽ ꓫꓱꓸ ꓟ ꓬꓲꓸ ꓢꓶꓽ ꓥ ꓟ ꓣꓳꓽ ꓢꓷꓸ ꓔ ꓡꓳ= ꓬꓲꓸ ꓢꓶꓽ ꓘꓴꓽ ꓗꓪ ꓬꓲꓸ ꓫꓵꓽ ꓫꓵꓽ ꓢꓶꓽ ꓐꓰ ꓬꓲ ꓒꓴ ꓒꓴ ꓢꓶꓽ ꓐꓯ ꓢꓲ ꓙꓳˍ ꓡꓳ=
• ꓐꓶꓼ ꓡ ꓗꓳꓸ ꓔꓳꓸ ꓢꓶꓽ ꓗꓪ ꓠꓬ ꓬꓲꓻ ꓙꓬ ꓢꓯꓼ ꓮ ꓟꓬꓹ ꓓꓯꓹ ꓟ ꓡꓰ ꓟꓽ ꓞꓲꓺ vitamin C꓾ calcium ꓐꓰ phosphorus ꓢꓯꓼ ꓮ ꓟꓬꓹ ꓓꓯˍ ꓢꓲ꓾ ꓧꓪꓽ ꓖꓳ ꓓꓱ ꓐꓱ ꓶ ꓙꓲꓻ ꓓꓴ ꓮ ꓟꓬꓹ ꓙꓳˍ ꓟ ꓪꓴꓸ ꓠꓬꓲ ꓞꓳ ꓤ ꓮ ꓟꓬꓹ ꓜꓽ ꓗꓹ ꓛꓲˍ ꓟ꓾ ꓧꓳˍ ꓟ ꓥꓳ= 
• ꓐꓶꓼ ꓡ ꓗꓳꓸ ꓔꓳꓸ ꓔꓯ ꓡꓱꓻ ꓟꓵꓽ ꓛꓺ ꓟꓵꓽ ꓐꓴ ꓥ ꓟ ꓾ Asia ꓐꓶꓻ ꓓꓳ ꓖꓴ ꓟꓶꓸ ꓗꓴꓷꓼ ꓐꓴ ꓗꓪ ꓮꓽ ꓟꓬꓹ ꓟꓳ ꓪ ꓓˍ ꓡꓳ= ꓬꓲꓸ ꓢꓶꓽ ꓜꓲ ꓔꓯ ꓣꓳ ꓦꓲꓻ ꓗꓪ ꓢꓺ ꓢˍ ꓔꓶ  ꓐ ꓡˍ ꓡꓳ=
• ꓣꓳ ꓦꓲꓻ ꓗꓪ ꓜꓽ ꓓꓴ ꓐꓱ ꓶ ꓪꓴꓻ ꓔ ꓟ ꓬꓲꓸ ꓢꓶꓽ ꓗꓪ ꓐꓰ ꓔꓶ ꓠˍ ꓥ= ꓬꓲꓸ ꓢꓶꓽ ꓗꓪ ꓟ ꓬꓲꓸ ꓠꓲꓹ ꓟ ꓐꓴ ꓔꓯ ꓣꓴ ꓗꓷ ꓢꓲ ꓔꓶˍ ꓟ ꓥꓳ=
• ꓬꓲꓸ ꓠꓲꓹ ꓟ ꓤ ꓤ ꓐꓴ ꓗꓪ ꓬꓲꓸ ꓧꓪꓽ ꓟꓽ ꓠꓷꓼ ꓠ ꓞꓲꓽ ꓦ ꓖꓶ ꓠ ꓔ ꓥ= ꓞꓲꓺ ꓓꓳ ꓡꓰ ꓠꓬ ꓬꓲꓻ ꓪꓴꓻ ꓾ ꓥ ꓠꓬ꓾ ꓑꓳꓽ ꓤ ꓤ ꓗꓪ ꓠꓱꓸ ꓦꓱꓽ ꓧꓳꓽ ꓢꓲ ꓔꓶ ꓠꓯˍ ꓡꓳ= ꓔꓶ ꓓꓴ ꓬꓲꓻ ꓪꓴꓻ ꓠꓬ ꓬꓲꓻ ꓙꓬ ꓬꓲꓻ ꓓꓳ ꓙꓰ ꓐ ꓡˍ ꓟ꓾ ꓬꓲꓸ ꓘꓴ ꓙꓳˍ ꓠ ꓔ ꓥ=
• ꓬꓲꓸ ꓫꓵꓸ ꓔꓶ ꓗꓷ ꓠꓬ ꓕꓯ ꓢꓲꓺ ꓗꓪ ꓬꓲꓻ ꓙꓬ ꓮ ꓔꓲꓸ ꓤ ꓡꓰꓽ ꓧꓳꓽ ꓖꓶ ꓠ ꓗˍ ꓥ= ꓓꓳ ꓡꓰˍ ꓠꓬ ꓔꓶ ꓔ ꓟ ꓬꓲꓻ ꓪꓴꓻ ꓔꓯ plastic ꓡꓰ ꓑꓲꓸ ꓗꓷ ꓢꓲ ꓟꓶꓽ ꓛꓺ ꓢꓯꓼ ꓟꓶˍ ꓟ ꓗꓪ ꓗꓷ ꓠ ꓗˍ ꓡꓳ=
• ꓔꓶ ꓗꓷ ꓢꓲ 5 ꓠꓬꓲ ꓙꓳ ꓡˍ ꓕꓯ ꓬꓲꓸ ꓜꓲ ꓡꓲꓸ ꓤ ꓓꓳ ꓡˍ ꓥꓳ=
• ꓬꓲ ꓜꓲ ꓡꓲꓸ ꓤ ꓐꓴ 2” ꓛꓲꓺ ꓙꓳ ꓡˍ ꓠꓬ ꓾ ꓣꓳ ꓔꓶ ꓓꓴ ꓙꓽ ꓖꓶꓽ ꓔ ꓟ ꓗꓪ ꓚꓵꓹ ꓔꓶ ꓐ ꓡˍ ꓡꓳ=
• ꓐꓶꓼ ꓡ ꓗꓳꓸ ꓔꓳꓸ ꓢꓶꓽ ꓠꓬ ꓬꓲꓻ ꓙꓬ ꓢꓯꓼ ꓮꓽ ꓟꓬꓹ ꓟꓽ ꓠꓵ ꓟ ꓪꓴꓸ ꓠꓬꓲ ꓾ ꓬꓲꓻ ꓙꓬ ꓮ ꓔꓲꓸ ꓤ ꓡꓰꓽ ꓧꓳꓽ ꓖꓶ ꓠ ꓗˍ ꓥ= ꓟꓶꓽ ꓛꓺ ꓢꓯꓼ ꓟꓲ ꓮꓽ ꓟꓬꓹ ꓣꓱꓽ ꓞꓹ ꓡꓳ=
• ꓬꓲꓸ ꓜꓲ ꓠꓬ ꓠꓴꓽˍ ꓟ ꓑꓶꓸ ꓓꓴ ꓬꓲꓸ ꓜꓲ ꓞꓳꓹ ꓓ ꓫꓬꓹ ꓖꓶ ꓠ ꓗˍ ꓡꓳ=
• ꓬꓲꓸ ꓢꓶꓽ ꓓꓱꓼ ꓡ ꓢꓲ ꓟꓲꓺ ꓡˍ ꓠꓬ ꓧꓼ ꓜꓽ ꓓ ꓡꓺꓳ=