ꓟꓬꓱꓺ ꓓꓳꓽ ꓙꓳˍ ꓟ Elon Musk ꓟꓸ ꓟꓲꓽ

ꓬꓲꓸ ꓠꓬ ꓒꓴ ꓪˍ ꓟ ꓟꓬꓱꓽ ꓮꓽ ꓟꓬꓹ ꓬꓰ ꓢꓴ꓾ Engineer ꓐꓰ ꓣꓱꓽ ꓫꓵꓽ ꓣꓱꓽ ꓙꓰꓽ ꓫꓬꓹ ꓪꓴꓸ ꓔꓴ ꓢꓴ (inventor) ꓕꓲ ꓣꓳ ꓥ ꓡꓳ=ꓠꓬꓲꓸ ꓠꓬꓲ ꓗꓪ ꓬꓲ ꓠꓬ ꓕꓲ ꓟꓲꓺ ꓠꓯ ꓗꓪ ꓒꓴ ꓟꓽ ꓓ ꓙꓳ ꓢꓴ ꓘꓴꓽ ꓗꓪ ꓟ ꓕꓲ ꓣꓳ ꓥꓳ= ꓬꓲ ꓔꓯ 1971 ꓘꓳꓼ꓾ 6 ꓦ꓾ 28 ꓠꓬꓲ ꓕꓯ ꓖꓴ ꓟꓶꓸ Africa꓾ Pretoria ꓗꓪ ꓦꓵꓻ ꓔ ꓡꓳ=

ꓬꓲ ꓐꓹ ꓐ ꓟꓬꓱꓺ ꓠꓬ Errol Musk ꓥ ꓢꓲ꓾ ꓬꓲ ꓟꓹ ꓟ ꓟꓬꓱꓺ ꓠꓬ Maye Haldema ꓥ ꓡꓳ= ꓬꓲꓸ ꓐꓹ ꓐ ꓠꓬ British electrical engineer ꓕꓲ ꓣꓳ ꓥ ꓢꓲ꓾ ꓬꓲ ꓟꓹ ꓟ ꓠꓬ British-Canadian model ꓕꓲ ꓣꓳ ꓥꓳ= ꓬꓲ ꓪ ꓠꓬꓲ ꓣꓳ ꓠꓬ 1980 ꓘꓳꓼ ꓕꓯ ꓒꓰꓹ ꓡꓯ ꓘꓳ ꓗꓷ ꓢꓲ꓾ Elon ꓠꓬ ꓬꓲ ꓐꓹ ꓐ ꓐꓰ ꓕꓲ ꓪꓺꓽ Africa ꓗꓪ ꓔꓬ ꓗꓷꓳ=

ꓖꓳ ꓕꓲ ꓙꓵꓹ ꓗꓪ ꓐꓰ ꓟꓽ ꓟꓶ ꓫꓵˍ ꓟ ꓘꓳꓼ ꓕꓯ ꓬꓲ ꓠꓬ computer programming ꓔꓯ ꓬꓲ ꓚꓲꓸ ꓛꓬ ꓢꓳ ꓣꓴ ꓗꓷ ꓢꓲ꓾ ꓬꓲꓸ ꓪꓴꓸ ꓟ video game ꓔꓯ ꓬꓲ ꓞꓲꓼ 12 ꓘꓳꓼ ꓕꓯ ꓪꓴꓽ ꓗꓷꓳ= ꓟꓴꓺ ꓕꓲꓸ ꓢꓳꓺ ꓦꓲ ꓗꓪ ꓢꓳ ꓓꓴ ꓐꓱ ꓶ ꓬꓲ ꓠꓬ 1990 ꓘꓳꓼ ꓕꓯ Ontario꓾ Kingston ꓗꓪ ꓟ Queen’s University ꓟꓴꓺ ꓕꓲꓸ ꓢꓳꓺ ꓦꓲ ꓗꓪ ꓐꓰ ꓢꓷꓸ ꓠꓲꓹ ꓢꓳ ꓣꓴ ꓗꓷꓳ=

ꓬꓲ ꓠꓬ Physics ꓐꓰ Economics ꓠꓬꓲꓽ ꓚꓱꓹ ꓡꓱꓸꓼ ꓢꓳ ꓧꓪꓸ ꓡꓰ ꓢꓲ ꓾ Pennsylvania ꓟꓴꓺ ꓕꓲꓸ ꓢꓳꓺ ꓦꓲ ꓗꓪ ꓝꓸ ꓢꓲ ꓢꓳꓺ ꓣꓴ ꓗꓷꓳ=ꓝꓮꓲ ꓬꓲ ꓠꓬ ꓠꓱꓸ ꓐꓯꓼ ꓟꓴꓺ ꓕꓲ ꓢꓳ ꓦꓲ ꓗꓪ ꓐꓰˍ ꓟꓲ ꓙꓵꓽ ꓪꓴꓸ ꓛꓴꓽ ꓮꓽ ꓟꓬꓹ ꓟꓶ ꓗꓷꓳ=

ꓗꓸ ꓠꓯꓸ ꓬꓲ ꓠꓬ ꓬꓲꓸ ꓮ ꓬꓲꓼ Kimbal Musk ꓐꓰ ꓕꓲ ꓪꓽ Zip2 ꓟꓬꓱꓺ ꓔ ꓟ software company ꓔꓯ ꓫꓬꓹ ꓔꓶ ꓗꓷ ꓢꓲ꓾ company ꓖꓳ ꓟ ꓠꓬ New York Time ꓐꓰ Chicago Tribute ꓡꓰ ꓐꓰ ꓟꓬꓱꓺ ꓓꓳ ꓙꓳˍ ꓟ ꓕꓳꓽ ꓶ ꓫꓬꓹ ꓓꓴ ꓔꓯ ꓬꓰ ꓙ ꓔꓳꓹ ꓙ ꓖꓶ ꓐ ꓡˍ ꓟ software ꓕꓲ ꓟ ꓒꓬꓱꓼ ꓡ ꓗꓷꓳ=

1999 ꓘꓳꓼ ꓕꓯ Zip2 ꓔꓯ Compaq ꓗꓪ ꓪꓴꓽ ꓖꓶ ꓗꓷ ꓗꓸ ꓠꓯꓸ ꓾ Musk ꓠꓬ Online ꓗꓪ ꓚꓳꓸ ꓒꓴ ꓦ ꓩꓴ ꓖꓶˍ ꓟ X.com ꓔꓯ ꓫꓬꓹ ꓗꓷꓳ=

ꓝꓮꓲ ꓠꓬ ꓒꓴ ꓦ ꓩꓴ ꓖꓶˍ ꓟ PayPal ꓐꓯˍ ꓟ ꓔꓯ ꓫꓬꓹ ꓗꓷ ꓢꓲ ꓖꓳ ꓟ ꓔꓯ ꓠꓬ꓾ eBay ꓔꓯ $165 million ꓐꓰ ꓪꓴꓽ ꓗꓷ ꓪ ꓡꓰꓳ=

2002  ꓘꓳꓼ ꓕꓯ ꓠꓬ ꓬꓲ 3 ꓟ ꓕꓲ ꓟ company ꓥ ꓟ꓾ SpaceX ꓐꓯˍ ꓟ Space Exploration Technologies ꓗꓪ ꓒꓴ ꓮ ꓟꓬꓹ ꓣꓱꓽ ꓗꓷꓳ=

ꓫꓵꓽ ꓘꓳꓼ ꓘꓴꓽ ꓠꓯꓸꓼ ꓗꓪ company ꓠꓬ ‘Falcon’ ꓟꓵꓽ ꓪꓴꓽ ꓗꓪ ꓩꓴ ꓗꓷˍ ꓟ ꓙꓱꓻ ꓦꓲ ꓐꓰ ‘Dragon’ ꓔꓯ ꓬꓲ ꓪ ꓐꓴ ꓚꓲꓸ ꓛꓬ ꓒꓴ ꓗꓪ ꓐꓰ ꓫꓬꓹ ꓗꓷꓳ=

‘SpaceX’ ꓠꓬ International Space Station ꓗꓪ ꓣꓱꓽ ꓞꓹ ꓟ ꓮ ꓙꓵꓽ ꓔꓯꓹ ꓖꓶˍ ꓟ ꓙꓱꓻ ꓦꓲ ꓕꓲ ꓟ ꓫꓬꓹ ꓠꓹ ꓟ ꓐꓱ ꓶ NASA ꓗꓪ ꓐꓰ ꓟꓬꓱꓽ ꓖꓶˍ ꓟ ꓔꓯ ꓟꓶ ꓗꓷꓳ=

ꓝꓮꓲ ꓠꓬ 2003 ꓘꓳꓼ ꓕꓯ꓾ ꓧꓪꓽ ꓞꓶꓻ ꓟꓽ ꓗꓷ ꓗꓷ ꓾ ꓮꓸ ꓔꓳꓸ ꓢꓯꓼ ꓧꓳꓽ ꓢꓲ ꓣꓱꓽˍ ꓟ electric ꓟꓳ ꓓꓳ ꓫꓬꓹ ꓟ Tesla Motors company ꓔꓯ ꓫꓬꓹ ꓔꓶ ꓗꓷ ꓢꓲ꓾ ‘Roadster’ ꓟꓬꓱꓺ ꓔ ꓟ ꓟꓳ ꓓꓳ ꓫꓬꓹ ꓗꓷ ꓟ ꓪꓴꓸ ꓠꓬꓲ꓾ ꓖꓳ ꓟ ꓐꓱ ꓶ ‘Global Green’ ꓡꓯꓼ ꓫꓴꓻ ꓟꓶ ꓡꓰ ꓗꓷꓳ= Roadster ꓟꓳ ꓓꓳ ꓫꓬꓹ ꓟ ꓗꓪ ꓮ ꓘꓶꓸ ꓢꓯꓸ ꓕꓵꓼ ꓔ ꓟ ꓪꓴꓸ ꓠꓬꓲ 2004 ꓘꓳꓼ ꓕꓯ ꓬꓲ ꓠꓬ Tesla Motors Company ꓗꓪ ꓢꓽ ꓡ ꓙꓵꓽ ꓕꓲ ꓣꓳ ꓒꓬꓱꓼ ꓡ ꓗꓷꓳ=

ꓗꓴꓷꓼ ꓘꓴꓽ ꓗꓪ ꓶꓻ ꓡꓯꓼ ꓟꓬꓱꓽ ꓬꓰ ꓢꓴ ꓐꓱ ꓶ ꓮ ꓘꓶꓸ ꓫˍ ꓟ ꓘꓳꓼ ꓓꓳ ꓡˍ ꓕꓲ ꓙꓵꓹ ꓗꓪ ꓬꓲ ꓠꓬ ꓚꓰꓳ ꓕꓲ ꓣꓳ ꓒꓬꓱꓼ ꓡ ꓗꓷꓳ= Solar ꓫꓬꓹ ꓟ company ꓥ ꓟ ‘SolarCity’ ꓐꓱ ꓶ ꓾ꓬꓲꓸ ꓪꓴꓸ ꓟ design ꓫꓬꓹ ꓖꓶ ꓗꓷ ꓟ ꓪꓴꓸ ꓠꓬꓲ ꓾ ꓬꓲ ꓠꓬ ‘SolarCity’ company KW ꓟꓽ ꓓ ꓪꓴꓽˍ ꓟ sharer ꓕꓲ ꓣꓳ ꓒꓬꓱꓼ ꓡ ꓗꓷꓳ=

ꓠꓬꓲꓸ ꓠꓬꓲ ꓗꓪ SolarCity ꓠꓬ ꓟꓲ ꓠꓯ ꓡꓱꓻ ꓡˍ ꓟ ꓔꓯ ꓗꓽ ꓕꓸ ꓠꓹ ꓟ United States ꓗꓪ ꓟꓽ ꓓ ꓪꓴꓽˍ ꓟ 2 ꓟ ꓕꓲ ꓟ ꓟ ꓟꓶ ꓛꓺ ꓢꓯꓼ ꓔꓳꓹ ꓙ ꓓꓴ ꓕꓲ ꓟ ꓥ ꓡꓳ=

2017 ꓘꓳꓼ ꓕꓯ ꓬꓲ ꓠꓬ Hyperloop ꓔꓯ Nevada ꓗꓪ ꓫꓬꓹ ꓓꓳ ꓡꓰ ꓟ ꓔꓯ ꓐꓯ ꓑꓶ ꓗꓷꓳ= ꓝ ꓢꓲ ꓬꓲ ꓡꓰ New York City ꓗꓪ ꓐꓰ Washington D.C ꓗꓪ ꓛꓲꓺ hyperloop ꓫꓬꓹ ꓙꓵꓽ ꓪ ꓟꓶ ꓡꓰ ꓗꓷ ꓟ ꓔꓯˍ ꓟꓲ ꓐꓯ ꓑꓶ ꓗꓷꓳ=

Musk ꓠꓬ Tesla Motors company ꓗꓪ ꓓꓽ ꓪꓴꓸ ꓟ Roadster ꓟꓳ ꓓꓳ ꓫꓬꓹ ꓟ ꓗꓪ ꓮꓽ ꓟꓬꓹ ꓢꓯꓼ ꓕꓵꓼ ꓗꓷ ꓟ ꓪꓴꓸ ꓠꓬꓲ ꓬꓲ ꓠꓬ꓾ 2006 ꓘꓳꓼ ꓕꓯ ꓾ꓫꓬꓹ ꓔ ꓟ design ꓡꓯꓼ ꓫꓴ ꓥ ꓟ ‘Global Green’ ꓡꓯꓼ ꓫꓴ ꓟꓶ ꓡꓰ ꓗꓷꓳ=

Elon Musk ꓠꓬ ꓬꓲ ꓕꓲ ꓤꓶꓻ ꓗꓪ 3 ꓧꓪꓹ ꓡꓯꓽ ꓒꓯꓹ ꓝ ꓗꓷꓳ= ꓬꓲ ꓪꓴꓸ ꓗꓪ ꓠꓬ Canada ꓕꓳꓽ ꓶ ꓐꓳ ꓢꓴ ꓥ ꓟ Justine Wilson ꓐꓰ 2000 ꓘꓳꓼ ꓕꓯ ꓡꓯꓽ ꓒꓯꓹ ꓝ ꓗꓷꓳ= ꓬꓲ ꓪ ꓐꓴ ꓔꓯ ꓤ ꓠꓱ 6 ꓣꓳ ꓙꓳ ꓡꓰ ꓗꓷꓳ=

Elon Musk ꓐꓰ Justine Wilson ꓐꓴ 2008 ꓘꓳꓼ ꓕꓯ ꓒꓰꓹ ꓡꓯꓽ ꓘꓳ ꓗꓷ ꓢꓲ꓾ 2010 ꓘꓳꓼ ꓕꓯ ꓬꓲ ꓠꓬ English ꓢꓯꓸ ꓐꓬꓱꓽ ꓔꓯꓺ ꓢꓴ Talulah Riley ꓐꓰ ꓡꓯꓽ ꓒꓯꓹ ꓝ ꓗꓷꓳ= ꓬꓲ ꓪ ꓐꓴ ꓠꓬ 2012 ꓘꓳꓼ ꓕꓯ ꓒꓰꓹ ꓗꓷ ꓢꓲ꓾ 2013 ꓘꓳꓼ ꓕꓯ ꓝꓮꓲ ꓕꓲ ꓧꓪꓹ ꓡꓯꓽ ꓒꓯꓹ ꓝ ꓗꓷꓳ= ꓖꓳ ꓡꓱ ꓥˍ ꓟꓲ ꓬꓲ ꓪ ꓠꓬꓲꓽ ꓣꓳ ꓠꓬ 2016 ꓘꓳꓼ ꓕꓯ ꓒꓰꓹ ꓗꓷꓳ=

sources #google