ꓙꓵ ꓠꓲꓹ ꓬꓲ ꓟꓸ ꓟꓲ ꓠꓯˍ ꓟ (Dialogue with Culture)

ꓪꓴ-ꓢ ꓟꓸ ꓟꓲ ꓔꓯ ꓚ ꓕꓯꓽ ꓟꓽ ꓓ ꓠꓬ ꓙꓵ ꓠꓲꓹ ꓡꓲꓽ ꓒꓲꓼ ꓚꓱꓹ ꓔꓯ ꓟꓳꓸ ꓔꓳꓹ ꓜꓳꓽ ꓡꓹ ꓟ ꓙꓳˍ ꓡꓳ= ꓖꓳ ꓟ ꓪꓴꓸ ꓠꓬꓲ ꓠꓲ ꓠꓬꓲꓹ ꓠꓬꓲ ꓪꓴ-ꓢ ꓟꓬꓱꓽ ꓟꓯ ꓢꓴ ꓠꓬ ꓙꓵ ꓠꓲꓹ ꓡꓲꓽ ꓒꓲꓼ ꓚꓱꓹ ꓔꓯ ꓟꓽ ꓓ ꓟꓽ ꓢꓽ ꓔꓳꓹ ꓜꓳꓽ ꓡ ꓓꓴ ꓥꓳ= ꓟꓬ ꓠꓬꓲ ꓐꓶꓹ ꓠꓬꓲ ꓮꓝꓣꓲꓚꓮ ꓐꓰ ꓮꓢꓲꓮ ꓗꓪ ꓣꓳꓽ ꓕꓱ ꓡꓰ ꓔꓳꓹ ꓜꓳꓽ ꓡꓹ ꓟ ꓙꓳˍ ꓡꓳ= ꓙꓵ ꓠꓲꓹ ꓡꓲꓽ ꓒꓲꓼ ꓚꓱꓹ ꓐꓯ ꓟ ꓠꓬ ꓮ ꓡꓰꓳ ꓫꓵꓽ ꓔꓯ ꓐꓯˍ ꓥ ꓐꓯ ꓠꓬ ꓗꓶ ꓕꓯꓽ ꓕꓲ ꓞꓲꓼ ꓗꓪ ꓚꓳꓹ ꓡꓰ ꓣꓱꓽ ꓫꓶꓸ ꓡꓹ ꓟ ꓙꓵ ꓠꓲꓹ ꓐꓯ ꓟꓵ ꓫꓱꓹ ꓟ ꓠꓬ ꓣꓳꓽ ꓮꓢꓲꓮ ꓗꓴꓷ ꓗꓮꓪ ꓐꓯ ꓠꓬ ꓐꓴꓓꓓꓧꓮ ꓙꓵ ꓠꓲꓹ ꓧꓲꓠꓓꓴ ꓙꓵ ꓠꓲꓹ ꓲꓢꓡꓮꓟ ꓙꓵ ꓠꓲꓹ ꓖꓳ ꓟ ꓡꓰ ꓟꓽ ꓞꓲ ꓠꓲꓽ ꓖꓴꓹ ꓟ  ꓕꓱ ꓡꓰꓳ ꓫꓵꓽ ꓙꓵ ꓠꓲ ꓮ ꓙꓵꓽ ꓔꓯ ꓐꓯ ꓠꓲꓹ ꓫꓵꓹ ꓟ ꓥ ꓪ=

 ꓣꓳ ꓕꓲꓽ ꓟꓵꓽ ꓟꓵꓽ ꓗꓪ ꓪꓴ-ꓢ ꓟꓸ ꓟꓲ ꓚ ꓙꓰ ꓔꓯ꓾ ꓣꓳ ꓟꓸ ꓟꓲ ꓚ ꓙꓰꓹ ꓟ ꓟꓵ ꓗꓪ ꓟ ꓞꓳ ꓤꓽ ꓐꓴ ꓙꓵ ꓠꓲꓹ ꓡꓲꓽ ꓒꓲꓼ ꓐꓰ ꓣꓳꓽ ꓫꓸ ꓕꓱ ꓠꓹ ꓟ ꓔꓳꓹ ꓜꓳꓽ ꓡ ꓓꓴ ꓥꓳ= ꓖꓳ ꓟ ꓑꓶꓸ ꓓꓴ ꓠꓲ ꓪꓴ-ꓢ ꓟꓬꓱꓽ ꓟꓯ ꓢꓴ ꓐꓴ ꓠꓬ ꓕꓲꓽ ꓜꓶ ꓡꓰ ꓕꓲ ꓜꓶ ꓣꓱꓽꓽ ꓫꓶꓸ ꓡꓹ ꓟ ꓡꓲꓽ ꓒꓲꓼ ꓚꓱꓹ ꓔꓯ ꓢꓳ ꓠꓹ ꓡꓳꓹ ꓥ=  ꓙꓵ ꓠꓲꓹ ꓠꓯꓸꓼ ꓗꓪ ꓣꓱꓹ ꓟ ꓛꓳ ꓚꓱꓹ ꓔꓯ ꓢꓳ ꓠ ꓡꓳꓼ ꓥ= ꓖꓳ ꓕꓯ ꓢꓲ ꓖꓳ ꓟ ꓡꓲꓽ ꓒꓲꓼ ꓐꓰ ꓙꓵ ꓠꓲꓹ ꓠꓯꓸꓼ ꓗꓪ ꓟ ꓮ ꓟꓬ ꓗꓪ ꓛꓲ ꓬꓲ ꓟꓸ ꓟꓲꓽ ꓙꓳꓹ ꓟ ꓕꓱ ꓟ ꓚꓱꓹ ꓔꓯ ꓟꓳ ꓣꓳꓽ ꓢꓷꓸ ꓡ ꓓꓴ ꓥꓳ=

 ꓖꓳ ꓟ ꓠꓬ ꓙꓵ ꓠꓲꓹ ꓠꓯꓸꓼ ꓗꓪ ꓮ ꓘꓶꓸ ꓕꓶ ꓡꓰ ꓠꓹ ꓟ ꓬꓲ ꓞꓳꓹ ꓟꓶ ꓬꓲ ꓚꓰ ꓓ ꓗꓶ ꓡꓰꓳ ꓫꓵꓽ ꓙꓳ ꓐꓶ= ꓮ ꓡꓰꓳ ꓐꓯ ꓠꓬ ꓞꓳ ꓤꓽ ꓠꓬ ꓧꓶꓸ ꓕꓯꓽ ꓕ꓾ꓽ ꓞꓲꓼ ꓗꓪ ꓟ ꓙꓵ ꓠꓲꓹ ꓡꓲꓽ ꓒꓲꓼ ꓕꓱ ꓟ ꓔꓯ ꓟꓽ ꓣꓱꓽ ꓟꓽ ꓓꓹ ꓟ ꓙꓳˍ ꓡꓳ= ꓔꓯ ꓥꓳ ꓕꓲꓽ ꓟ ꓐꓯ ꓠꓬ ꓣꓳꓽ ꓢꓲ ꓒꓽ ꓬꓰ-ꓢꓴ ꓔꓯ ꓙꓵ ꓔꓬ ꓥˍ ꓟꓲ ꓧꓶꓸ ꓕꓯꓽ ꓠꓲꓽ ꓡꓲꓽ ꓗꓪ ꓟ ꓮ ꓟꓬꓹ ꓔꓯ ꓣꓳꓽ ꓙꓵ ꓔꓬ ꓟ ꓣꓱꓽ ꓔꓬ ꓟ ꓥ ꓡꓳ= ꓞꓳ ꓟꓳ ꓮ ꓡꓰ ꓢꓲ ꓔꓵꓸ ꓠ ꓡꓳꓼ꓾ ꓮ ꓡꓰ ꓢꓲ ꓬꓰ ꓠ ꓡꓳꓼ꓾ ꓦ ꓟꓲ ꓮꓡ ꓰ ꓢꓲ ꓛꓽ ꓠ ꓡꓳꓼ ꓪꓳ ꓟꓬ ꓕꓱ ꓡꓰ ꓘꓳꓹ ꓔꓯ ꓮ ꓡꓰ ꓫꓵꓽ ꓒꓬꓱꓼ ꓡ ꓓꓴ ꓙꓳ ꓡ ꓐꓰ ꓕꓱ ꓡꓰꓳ ꓫꓵꓽ ꓮ ꓟꓶ ꓗꓪ ꓛꓲ ꓣꓱꓽ ꓔꓬ ꓟ ꓥˍ ꓡꓳ=