ꓶꓽ ꓓꓳꓽ ꓫꓱꓸ ꓓꓳꓽ ꓘꓴ ꓜꓲꓼ ꓞꓳ (Q & A )

ꓖꓳꓳꓓ ꓠꓰꓪꓢ ꓚꓧꓴꓣꓚꓧ ꓐꓯꓹ ꓟ ꓖꓳꓳꓓ ꓠꓰꓪꓢ ꓟꓲꓢꓢꓲꓳꓠ ꓐꓯꓹ ꓟ ꓕꓱ ꓟ ꓠꓬ ꓖꓳ ꓟꓶꓸ ꓗꓳꓣꓰꓮ ꓗꓴꓷ ꓗꓪ ꓚꓳ ꓬꓲ ꓪꓴꓸ ꓔꓴ ꓡꓹ ꓟ ꓘꓴ ꓜꓲꓼ ꓞꓳ ꓥˍ ꓡꓳ=  1971 ꓘꓳꓼ ꓕꓯ ꓟꓸ ꓒꓽ ꓓꓽ ꓳꓚꓗ ꓢꓳꓳ ꓑꓮꓣꓗ ꓡꓰ ꓔꓶ ꓔ ꓟ ꓘꓴ ꓜꓲꓼ ꓞꓳ ꓥˍ ꓡꓳ= ꓗꓳꓣꓰꓮ ꓗꓴꓷ ꓗꓪ ꓶꓽ ꓓꓳꓽ ꓫꓱꓸ ꓓꓳꓽ ꓘꓴ ꓜꓲꓼ ꓞꓳ ꓐꓯꓹ ꓟ ꓮ ꓟꓬ ꓙꓳꓹ ꓟ ꓠꓯꓸꓼ ꓗꓪ ꓐꓰ ꓖꓴ ꓪꓴꓠ ꓑꓮ ꓐꓯꓹ ꓟ ꓚꓬꓴ ꓙꓹ ꓟ ꓐꓯꓹ ꓟ ꓘꓴ ꓜꓲꓼ ꓞꓳ ꓔꓯ ꓟꓽ ꓓ ꓐꓯ ꓠꓲꓹ ꓫꓵˍ ꓟ ꓥ ꓐꓶ= 

ꓖꓳ ꓡꓰ ꓥˍ ꓟꓲ 1972 ꓘꓳꓼ ꓕꓯꓽ ꓢꓲ ꓘꓴ ꓜꓲꓽ ꓞꓳ ꓚꓵ ꓚꓵ ꓔꓶ ꓒꓬꓱꓼ ꓡꓰꓹ ꓟ  ꓘꓴ ꓜꓲꓼ ꓞꓳ ꓥˍ ꓡꓳ= 1976 ꓘꓳꓼ ꓕꓯ ꓠꓬ ꓟꓲꓢꓢꓲꓳꓠꓮꓣꓬ ꓢꓚꓧꓳꓳꓡ ꓐꓯꓹ ꓟ ꓘꓴ ꓜꓲꓼ ꓞꓳ ꓗꓪ ꓐꓰ ꓒꓴꓹ ꓟ ꓢꓷꓸ ꓠꓲꓹ ꓢꓳ ꓦꓲ ꓕꓲꓽ ꓟ ꓒꓴꓹ ꓫꓵꓽ ꓐꓶ= ꓖꓳ ꓟ ꓗꓸ ꓠꓯꓸ ꓢꓲ ꓫꓬ ꓕꓳꓽ ꓶ ꓢꓳ ꓦꓲ ꓔꓯ ꓞꓳ ꓡꓱ ꓐꓴ ꓞꓳ ꓡꓯꓸ ꓐꓴ ꓐꓱ ꓶꓽ ꓒꓴꓹ ꓫꓵ ꓥˍ ꓐꓶ= ꓖꓳ ꓟ ꓠꓬ ꓞꓳ ꓘꓹ ꓗꓪ ꓟ ꓞꓳ ꓡꓱ ꓐꓴ ꓐꓱ ꓶ ꓒꓴ ꓖꓶꓹ ꓟ ꓥ ꓐꓶ= 

 ꓕꓱ ꓟ ꓞꓳ ꓡꓱ ꓐꓴ ꓠꓬ ꓢꓴ ꓪꓴꓠ ꓐꓯꓹ ꓟ ꓐꓱ ꓓꓴꓽ ꓘꓴꓽ ꓗꓪ ꓡꓴꓽ ꓔꓬ ꓢꓴ ꓐꓴ ꓔꓯ ꓦ ꓢꓯꓼ ꓡꓴꓽ ꓖꓶ ꓠꓹ ꓟ ꓪꓴꓸ ꓓꓵ ꓛꓹ ꓢꓲ ꓔꓶ ꓐꓬꓱꓽ ꓛꓹ ꓢꓲ ꓒꓴ ꓔ ꓟ ꓢꓲ ꓫꓬ ꓕꓳ ꓶ ꓢꓳ ꓔꓶꓸ ꓥ ꓐꓶ= ꓖꓳ ꓟ ꓡꓰ ꓟꓽ ꓞꓲ ꓕꓱ ꓟ ꓘꓴ ꓜꓲꓼ ꓞꓳ ꓠꓬ ꓔ ꓟꓸ ꓩꓴ ꓓꓲ ꓢꓴ ꓔꓬ ꓟ ꓠꓯꓸꓼ ꓗꓪ ꓢꓷ ꓙ ꓟꓴ ꓙꓹ ꓟ ꓮ ꓟꓬ ꓧꓪꓹ ꓬꓰ ꓐꓶ=1990 ꓘꓳꓼ ꓔꓯ ꓕꓱ ꓟ ꓘꓵ ꓜꓲꓼ ꓞꓳ ꓗꓪ ꓐꓰ ꓪꓴ-ꓢ ꓶꓽ ꓓꓳꓽ ꓫꓱꓸ ꓓꓳꓽ ꓚ ꓙꓰ ꓠꓹ ꓟ ꓘꓴ ꓜꓲꓼ ꓞꓳ ꓔꓶ ꓙꓰ ꓠꓹ ꓟ ꓐꓱ ꓶ ꓖꓰꓣꓟꓮꓠꓬ ꓗꓴꓷ ꓐꓰ ꓯꓟꓰꓣꓲꓚꓮ ꓗꓴꓷ ꓗꓪ ꓝꓲ ꓩꓴ ꓫꓵꓹ ꓐꓶ=