ꓟꓽ ꓓꓺ ꓓ ꓒꓽ ꓚꓱꓹ (Q & A)

ꓓꓳꓚꓔꓳꓣ ꓐꓯꓹ ꓟ ꓙꓵ ꓪꓴꓸ ꓛꓴꓽ ꓠꓬ ꓮ ꓙꓵꓽ ꓕꓲꓽ ꓡꓰꓼ ꓟ ꓥ= ꓓꓳꓚꓔꓳꓣ ꓐꓯꓹ ꓟ ꓙꓵ ꓪꓴꓸ ꓛꓴꓽ ꓔꓯ ꓓꓯꓽ ꓢꓲ ꓕꓲꓽ ꓕꓺ ꓛꓳ ꓠꓬꓲ ꓠꓬ 4 ꓫꓵ ꓙꓳ ꓥ= ꓕꓲꓽ ꓫꓵꓽ ꓠꓬ ꓟꓬ ꓞꓲꓼ ꓚꓱꓹ ꓔꓯ ꓟꓳꓸ ꓓꓳꓚꓔꓳꓣ ꓐꓯꓼ ꓟ ꓟꓬ ꓞꓲꓼ ꓟꓸ ꓒꓽ ꓓꓽ ꓥˍ ꓡꓳ=  2 ꓫꓵꓽ ꓕꓲꓽ ꓫꓵꓽ ꓠꓬ ꓺꓳꓠꓳꓣꓮꓐꓡꓰ ꓷꓳꓚꓔꓳꓣ ꓐꓮꓹ ꓟ ꓟꓬꓱ ꓓꓳꓽ ꓙꓳ ꓢꓴ ꓔꓯ ꓟꓬꓱ ꓓꓳꓽ ꓖꓶꓹ ꓟ ꓓꓳꓚꓔꓳꓣ ꓐꓯꓹ ꓟ ꓥˍ ꓡꓳ= 3 ꓕꓲ ꓫꓵꓽ ꓠꓬ ꓓꓸ ꓟin ꓐꓯꓹ ꓟ ꓓꓳꓚꓔꓳꓣ ꓳꓝ ꓟꓲꓠꓲꓢꓔꓣꓬ ꓐꓰ ꓐꓯꓹ ꓟ ꓥˍ ꓡꓳ= 4 ꓫꓵꓽ ꓕꓲꓽ ꓫꓵꓽ ꓠꓬ ꓑh. D ꓐꓯꓹ ꓟ ꓓꓳꓚꓔꓳꓣ ꓳꓝ ꓑꓧꓲꓡꓲꓢꓳꓑꓧꓬ ꓐꓰ ꓐꓯꓹ ꓟ ꓥˍ ꓡꓳ= 

ꓕꓱ ꓡꓰ ꓓꓳꓚꓔꓳꓣ ꓐꓯꓹ ꓟ ꓙꓵ ꓪꓴꓸ ꓛꓴꓽ ꓠꓬ 4 ꓙꓳꓹ ꓟ ꓠꓯꓸꓼ ꓗꓪ ꓧꓳꓠꓳꓣꓮꓐꓡꓰ ꓓꓳꓚꓔꓳꓣ ꓐꓯꓹ ꓟ ꓠꓬ ꓟꓬꓱ ꓓꓳꓽ ꓖꓶꓹ ꓟ ꓥˍ ꓡꓳ= ꓢꓷꓸ ꓠꓲꓹ ꓟꓽ ꓢꓷꓸ ꓔ ꓥˍ ꓟꓲ ꓟꓲ ꓠꓯ ꓗꓪ ꓟꓬꓱ ꓓꓳꓽ ꓙꓳ ꓢꓴ ꓔꓯ ꓖꓶˍ ꓟ ꓙꓵ ꓪꓴꓸ ꓛꓵꓽ ꓥˍ ꓡꓳ= ꓕꓲꓽ ꓐꓱ ꓠꓬ ꓢꓷꓸ ꓠꓲꓹ ꓮ ꓘꓶ ꓢꓷꓸ-ꓟꓲ ꓐ ꓡꓳ= ꓬꓲ ꓔꓯ ꓠꓬ ꓒꓵꓽ ꓗꓹ ꓬꓲ ꓒꓵꓹ ꓟ ꓪꓴꓸ ꓠꓬꓲ ꓠꓲ ꓖꓶꓹ ꓟ ꓥˍ ꓡꓳ= ꓟꓬꓱ ꓓꓳꓽ ꓖꓶꓹ ꓟ ꓥˍ ꓡꓳ= ꓕꓱ ꓟ ꓠꓬ ꓢꓯꓼ ꓕꓵꓼ ꓢꓴ ꓓ ꓢꓴ ꓮꓽ ꓟ ꓥˍ ꓟꓲꓪ ꓓꓹ ꓟ ꓥˍ ꓡꓳ= ꓧꓳꓠꓳꓣꓮꓐꓡꓰ ꓓꓳꓚꓔꓳꓣ ꓐꓯꓹ ꓟ ꓙꓵ ꓪꓴꓸ ꓛꓴꓽ ꓔꓯ ꓠꓬ ꓴꓠꓲꓦꓰꓣꓢꓲꓔꓬ ꓐꓯꓹ ꓟ ꓟꓴ ꓕꓲꓸ ꓢꓳ ꓦꓲ ꓕꓲꓽ ꓦꓲ ꓦꓲ ꓗꓪ ꓚꓳꓸ ꓕꓱ ꓡꓰ ꓖꓶ ꓔ ꓟ ꓙꓳˍ ꓡꓳ= 

 ꓠꓱ ꓐꓯ 3 ꓫꓵꓽ ꓠꓬ ꓢꓷꓸ ꓠꓲꓹ ꓢꓷꓸ ꓕꓯꓽ ꓢꓲꓸ ꓪ ꓓꓹ ꓟ ꓓꓳꓚꓔꓳꓣ ꓙꓵ ꓪꓴꓽ ꓛꓴꓽ ꓥˍ ꓡꓳ=ꓕꓱ ꓟ ꓪ ꓠꓹ ꓟ ꓐꓱ ꓕ꓾ꓽ ꓫꓵꓽ ꓠꓬ ꓮꓸ ꓫꓵꓽ ꓣꓱ ꓬꓯꓹ ꓥ ꓐꓯ ꓠꓬ 10 ꓔꓸ ꓔꓯ ꓧꓪꓸ ꓠ ꓡꓳꓹ ꓥ= ꓖꓳ ꓟ ꓡꓰ ꓟꓽ ꓞꓲ 10 ꓔꓸ ꓧꓪꓸ ꓓꓳ ꓡꓰ ꓠꓬ ꓟꓴ ꓕꓲꓸ ꓢꓳ ꓦꓲ ꓕꓲꓽ ꓦꓲ ꓦꓲ ꓗꓪ ꓚꓳꓸ Bachelor ꓐꓯꓹ ꓟ ꓐꓢꓚ꓾ ꓐꓮ ꓐꓯꓹ ꓟ ꓕꓱ ꓡꓰꓳ ꓫꓵꓽ ꓙꓵ ꓪꓴꓸ ꓛꓴꓽ ꓕꓲꓽ ꓟ ꓟ ꓪ ꓠ ꓡꓳꓹ ꓥ= ꓖꓳ ꓟ ꓐꓮꓚꓧꓰꓡꓳꓣ ꓐꓯꓹ ꓟ ꓪ ꓓꓳ ꓕꓯ ꓢꓲ ꓟꓮꓢꓔꓰꓣ ꓐꓯꓹ ꓟ ꓙꓵ ꓪꓴꓸ ꓛꓴꓽ ꓪ ꓠ ꓡꓳꓹ ꓥ= ꓣꓳꓽ ꓟꓬꓮꓠꓟꓮꓣ ꓗꓴꓷ ꓗꓪ ꓠꓬ 10 ꓔꓸ ꓧꓪꓸ ꓡꓰ ꓕꓯꓽ ꓬꓲ ꓧꓶ ꓮ ꓘꓶꓸ ꓟꓬꓽ ꓢꓴ ꓠꓬ ꓟꓬ ꓞ꓾ꓼ ꓓꓳꓚꓔꓳꓣ ꓗꓪ ꓢꓳ ꓝꓸ ꓡꓰꓹ ꓡꓳ=