ꓔꓱꓹ ꓚꓲ_ ꓟ ꓘꓴ ꓜꓲꓼ ꓞꓳ (3) (Q & A)

ꓘ-ꓕꓳ-ꓡꓲꓼ ꓘꓴ ꓜꓲꓼ ꓞꓳ ꓠꓬ ꓮ ꓕꓯꓽ ꓥˍ ꓟꓲ ꓟ ꓐꓬ ꓡꓰ ꓕꓲꓽ ꓟꓼ ꓕꓱ ꓡꓰ ꓙꓳꓹ ꓟ ꓥˍ ꓡꓳ= ꓝꓲ ꓓꓴ ꓒꓲ-ꓕꓱ ꓬꓲ ꓛꓲ ꓥꓹ ꓟ ꓔꓲ ꓒꓽ ꓪꓸ ꓔꓲꓸ ꓡꓯꓽ ꓒꓯꓹ ꓗꓪ ꓕꓱ ꓡꓰ ꓕꓲꓽ ꓟ ꓕꓱ ꓡꓰ ꓙꓳꓹ ꓟ ꓥˍ ꓡꓳ= ꓮꓓ 1517 ꓘꓳꓼ ꓛꓲ ꓡ ꓕꓯ ꓘꓴ ꓜꓲꓼ ꓞꓳ ꓠꓯꓸꓼ ꓗꓪ ꓫꓵꓽ ꓪꓴ ꓓꓽ ꓟ ꓕꓲꓽ ꓟ ꓗꓷ ꓡꓰꓳ= ꓖꓳ ꓟ ꓠꓬ ꓮꓸ ꓫꓵꓽ ꓥꓹ ꓡ ꓐꓯꓹ ꓠꓬ ꓔꓲ ꓒꓽ ꓥꓹ ꓟ ꓟꓮꓣꓔꓲꓠ ꓡꓴꓔꓧꓰꓣ ꓐꓯꓹ ꓢꓴ ꓟ ꓡꓰ ꓘꓴ ꓜꓲꓽ ꓞꓳ ꓔꓯ ꓒꓳꓹ ꓔꓴꓹ ꓟ ꓗꓷ ꓡꓰ ꓢꓲ ꓠꓬꓲ ꓘꓴ ꓜꓲꓼ ꓞꓳ ꓔꓯ ꓒꓳꓹ ꓔꓴꓹ ꓟ ꓓꓽ ꓪꓴꓸ ꓘ-ꓕꓳ-ꓡꓲꓼ ꓗ ꓫꓵ ꓔꓯ ꓒꓳ ꓔꓴ ꓟ ꓓꓽ ꓪꓴꓸ ꓕꓱ ꓡꓰ ꓗꓷ ꓡꓰꓹ ꓟ ꓥ ꓪ= 

ꓬꓲ ꓡꓰ ꓟꓸ ꓖꓶꓽ ꓡꓹ ꓟ ꓠꓬ ꓘ-ꓕꓳ-ꓡꓲꓼ ꓗ ꓫꓵ ꓛꓳ ꓚꓱꓹ ꓔꓯ ꓟꓽ ꓪꓽ ꓠ ꓓꓽ ꓪꓴꓸ ꓕꓱ ꓡꓰ ꓒꓳꓹ ꓔꓴ ꓡꓹ ꓟ ꓥˍ ꓡꓳ= ꓖꓳ ꓡꓰ ꓢꓲ ꓡꓴꓔꓧꓰꓣꓰꓠ ꓚꓧꓴꓣꓚꓧ ꓐꓯꓹ ꓟ ꓕꓱ ꓡꓰ ꓓꓳ ꓡꓹ ꓓꓴ ꓟ ꓥ ꓪ= ꓮꓓ1534 ꓘꓳꓼ ꓕꓯꓽ ꓠꓬ ꓰꓠꓖꓡꓮꓠꓓ ꓪꓸ ꓔꓲꓸ ꓧꓰꓠꓣꓬ ꓦꓲꓲꓲ ꓠꓬ ꓘ-ꓕꓳ-ꓡꓲꓼ ꓘꓴ ꓜꓲꓼ ꓞꓳ ꓔꓯ ꓒꓳꓹ ꓔꓴꓹ ꓟ ꓕꓱ ꓡꓰ ꓘꓷ ꓡ ꓐꓶ= ꓬꓲ ꓒꓳꓹ ꓔꓴ ꓡꓹ ꓟ ꓠꓬ ꓮ ꓡꓰ ꓥ ꓡ ꓐꓯ ꓠꓬ ꓬꓲ ꓦꓲ ꓢꓲ ꓟ ꓥˍ ꓟ ꓚꓮꓔꓧꓰꓣꓲꓠꓰ ꓳꓝ ꓮꓣꓳꓖꓮꓠ ꓠꓬ ꓤꓼ ꓠꓱ ꓮ ꓐꓲ ꓤꓼ ꓤꓽ ꓑꓸ ꓤꓼ ꓕꓱ ꓡꓰ ꓟꓶ ꓡꓹ ꓟ ꓟꓽ ꓙꓳꓹ ꓟ ꓪꓴꓸ ꓠꓬ ꓠꓲ ꓬꓲ ꓠꓬ ꓤꓽ ꓑ ꓤꓼ ꓠꓲꓹ ꓫꓵˍ ꓡꓳ= ꓮꓡꓰꓳ ꓐꓯ ꓠꓬ ꓬꓲ ꓔꓯ ꓝꓸ ꓢꓴ ꓬꓲ ꓙꓵꓽ ꓪꓽ ꓔꓯ ꓝꓸ ꓢꓴ ꓟ ꓟꓶ ꓟ ꓪꓴꓸ ꓠꓬ ꓠꓲ ꓤꓽ ꓑ ꓤꓼ ꓠꓲꓹ ꓫꓵˍ ꓟ ꓥ ꓪ= ꓖꓳ ꓕꓯ ꓮꓠꓠ ꓑꓳꓡꓲꓠꓰ ꓐꓯꓹ ꓢꓴ ꓟ ꓐꓰ ꓬꓲ ꓠꓬ ꓡꓯꓽ ꓒꓯꓹ ꓝꓸ ꓠꓹ ꓟ ꓢꓯꓼ ꓕꓵ< ꓟ ꓪꓴꓸ ꓠꓬꓲ ꓘꓴ ꓜꓲꓼ ꓞꓳ ꓗꓪ ꓐꓰ ꓕꓼ ꓩꓴꓹ ꓟ ꓕꓱ ꓡꓰ ꓗꓷ ꓡꓰꓹ ꓡꓳ= ꓬꓲ ꓠꓬ ꓮꓠꓖꓡꓲꓚꓮꓠ ꓘꓴ ꓜꓲꓼ ꓞꓳ ꓔꓶ ꓡˍ ꓡꓳ= 

 ꓮꓓ 1541- 1549 ꓘꓳꓼ ꓠꓬꓲꓽ ꓗꓴꓸ ꓚꓸ ꓗꓪ ꓠꓬ ꓙꓳꓧꓠ ꓚꓮꓡꓦꓲꓠ ꓐꓯꓹ ꓢꓴ ꓟ ꓡꓰ ꓘꓴ ꓜꓲꓼ ꓞꓳ ꓕ꓾ꓽ ꓟ ꓔꓷ ꓡ ꓐꓶ= ꓖꓳ ꓟ ꓔꓯ ꓣꓰꓝꓳꓣꓟꓰꓓ ꓚꓧꓴꓣꓚꓧ ꓐꓯꓹ ꓟ ꓥˍ ꓡꓳ= ꓮꓓ 16ꓳ9 ꓗꓪ ꓠꓽ ꓠꓲ ꓙꓳꓧꓠ ꓢꓟꓲꓔꓧ ꓐꓯꓹ ꓢꓴ ꓟ ꓡꓰ ꓘꓴ ꓜꓲꓼ ꓞꓳ ꓕꓲꓽ ꓟ ꓔꓶ ꓡꓺ ꓳ= ꓗꓳ ꓓꓱꓽ ꓔꓲꓹ ꓘꓴ ꓜꓲꓼ ꓞꓳ ꓥ ꓡꓳ= ꓖꓳ ꓡꓰ ꓥˍ ꓟꓲ ꓮꓟꓰꓣꓲꓚꓮ ꓗꓪ ꓟ ꓗꓳ ꓓꓱꓽ ꓔꓲꓹ ꓘꓴ ꓜꓲꓼ ꓞꓳ ꓠꓬ ꓔꓧꓳꓟꓮꓢ ꓧꓮꓡꓪꓮꓬ ꓔꓯ ꓢꓲ ꓘꓴ ꓜꓲꓼ ꓞꓳ ꓔꓶ ꓢꓴ ꓐꓰ ꓕꓱ ꓡꓰ ꓢꓳꓼˍ ꓡꓳ=