ꓐꓶ-ꓬꓲ ꓾ ꓗ-ꓬꓸ ꓟꓯꓼ ꓛꓰꓹ ꓑꓬ ꓢꓴ ꓐꓴ ꓬꓰ ꓙ ꓔꓳꓹ ꓙˍ ꓟ ꓮ ꓟꓬꓹ ꓣꓱꓽ ꓞꓹ ꓔꓬ ꓟ

ꓓꓶꓽ ꓡꓯ ꓘꓳ꓾ ꓢꓰꓼ ꓡꓯ ꓘꓳˍ ꓟ ꓟꓽ ꓠꓽ ꓗꓷ ꓢꓰꓽ ꓟ ꓐꓶ-ꓬꓲ ꓗꓴꓷꓼ ꓫꓴ ꓖꓴ ꓟꓶꓸ ꓗꓪ ꓟ ꓒꓯ-ꓘꓳ ꓡꓳ ꓒꓱ ꓗꓪ ꓮ ꓟꓶ ꓕꓯ ꓐꓶꓻ ꓡꓯ ꓘꓳˍ ꓟ ꓠꓽ ꓗꓷ ꓥ ꓟꓲ ꓑ ꓫꓬ ꓐꓴ ꓠꓬ ꓚꓲꓸ ꓛꓬ ꓦꓲꓻ ꓗꓪ ꓬꓲꓼ ꓙꓰ ꓟꓽ ꓐ ꓡ ꓢꓰꓽ=

ꓢꓲ-ꓢꓮꓲ ꓡꓳ ꓒꓱ ꓗꓪ ꓟꓯꓼ ꓛꓰꓹ ꓑꓬ ꓢꓴ 8000 ꓛꓲꓺ ꓙꓳˍ ꓟ ꓥ ꓢꓲ ꓟꓬꓽ ꓠꓬꓲ ꓠꓬ ꓠꓻ ꓧꓶꓻ ꓤ ꓔꓳꓹ ꓜꓳꓽ ꓔꓬ ꓡꓳ= ꓚꓲ ꓛꓬ ꓦꓲꓻ ꓔꓯ ꓡꓳꓺ ꓔ ꓢꓲ ꓛꓰꓹ ꓑꓬ ꓔꓬ ꓪ ꓢꓴ ꓐꓴ ꓠꓬ ꓔꓬ ꓖꓴ ꓐꓰ ꓠꓯꓻ ꓞꓲꓼ꓾ ꓜꓽ ꓓꓴ ꓓꓳꓻ ꓓꓴ ꓣꓱꓽ ꓞꓹ ꓔꓬ ꓢꓰꓽ ꓟ ꓥ ꓡꓳ꓾ ꓐꓰ ꓬꓰ ꓙ ꓢꓴ ꓐꓴ ꓡꓰ ꓐꓯ ꓡꓳ=

ꓕꓱ ꓟˍ ꓡꓰ ꓐꓰ ꓗ-ꓬꓸ ꓗꓪ ꓦ ꓐ ꓬꓲ ꓟ ꓢꓴꓸ ꓐꓶꓻ ꓡꓯ ꓘꓳꓹ ꓟ ꓪꓴꓸ ꓠꓬꓲ ꓢꓲ-ꓢꓮꓲ ꓡꓳ ꓒꓱ ꓗꓪ ꓛꓰꓹ ꓑꓬ ꓡ ꓢꓴ ꓬꓲ ꓪꓸ (ꓬꓲ ꓟꓶꓽ) ꓟꓽ ꓞꓲꓺ ꓙꓳˍ ꓟ ꓥ ꓢꓲ꓾ ꓕꓲ ꓐꓱ ꓠꓬ ꓬꓲꓼ ꓙꓰ ꓗꓷˍ ꓥ ꓟꓲ꓾ 8000 ꓛꓲꓺ ꓟꓯꓼ ꓛꓰꓹ ꓑꓬ ꓔꓶꓸ ꓗꓪ ꓔꓬ ꓢꓰꓽ ꓟ ꓥ ꓡꓳ= ꓢꓲ-ꓢꓮꓲ ꓡꓳ ꓒꓱ ꓗꓪ ꓔꓬ ꓟ ꓟꓯꓼ ꓛꓰꓹ ꓑꓬ ꓔꓬ ꓢꓴ ꓐꓴ ꓐꓱ ꓶ ꓗꓴꓷꓼ ꓘꓴꓽ ꓗꓪ ꓐꓰ ꓬꓰ ꓙ ꓔꓳꓹ ꓙ ꓢꓴ꓾ ꓠꓱꓸ ꓐꓯ ꓗꓴꓷꓼ ꓗꓪ ꓐꓰ ꓬꓰ ꓙ ꓔꓳꓹ ꓙ ꓡ ꓢꓴ ꓐꓴ ꓙꓳˍ ꓥ ꓟꓲ ꓜꓽ ꓓꓴ ꓓꓳꓻ ꓓꓴ꓾ ꓠꓯꓻ ꓞꓲꓼ ꓐꓰ ꓠꓱꓸ ꓐꓯ ꓣꓱꓽ ꓞꓹ ꓟ ꓣꓱꓽ ꓫꓵꓽ ꓣꓱꓽ ꓙꓰꓽ ꓐꓴ ꓠꓬ ꓟꓽ ꓡꓳꓼ꓾ ꓣꓱꓽ ꓞꓹ ꓔꓬ ꓡꓳ꓾ ꓐꓰ ꓬꓰ ꓙ ꓢꓴ ꓡꓰ ꓐꓯ ꓔ ꓟ ꓗꓪ ꓐꓰ ꓢꓷ ꓪ ꓡꓳ=

News source : VOA