ꓡ ꓞꓳ 126 ꓣꓳ ꓐˍ ꓟ ꓓꓳ-ꓟꓲ-ꓠꓲ-ꓗꓯ ꓐꓬꓱꓻ ꓦꓲꓻ ꓟꓮꓲ-ꓬ-ꓟꓲ ꓐꓬꓱꓻ ꓦꓲꓻ ꓠꓽ ꓖꓴ ꓗꓪ ꓬꓯꓼ ꓙꓰ ꓔꓬ ꓕꓯ ꓞꓰ ꓡꓰ ꓢꓲ ꓮ ꓔꓳꓸ ꓐꓬ ꓡꓰ ꓟ

ꓐꓬ ꓡꓰ ꓟ ꓐꓬꓱꓻ ꓦꓲꓻ

Friday, June 24, 2022

Red Air ꓐꓬꓱꓻ ꓦꓲꓻ ꓚꓱꓹ ꓠꓬ ꓗꓳꓸ ꓗꓷ ꓟ ꓠꓽ ꓠꓬꓲꓽ ꓠꓬꓲ 6 ꓦ 21 ꓠꓬꓲ ꓕꓯ ꓓꓳ-ꓟꓲ-ꓠꓲ-ꓗꓯ ꓗꓴꓷꓼ꓾ ꓢꓯ-ꓔꓳ-ꓓꓳ-ꓟꓲ-ꓖꓳ ꓡꓳ ꓒꓱ ꓗꓪ ꓐꓰ ꓐꓬꓱꓻ ꓛꓲꓺ ꓡ ꓕꓯ ꓠꓽ ꓖꓴ ꓚ ꓚꓱꓹ ꓗꓪ ꓐꓰ ꓧꓶꓸ ꓙꓰ ꓟ ꓥ ꓢꓲ ꓟꓳꓼ ꓟꓲꓺ ꓗꓪ ꓠꓽ ꓡꓰ ꓟ ꓥ ꓡꓳ=

Social Media ꓗꓪ ꓚꓰꓹ ꓩꓴ ꓔ ꓟ ꓦꓲꓓꓰꓳ ꓗꓪ ꓠꓬ ꓐꓬꓱꓻ ꓦꓲꓻ ꓬꓲ ꓠ ꓘꓴꓻ ꓠꓬ ꓧꓶꓽ ꓡꓰ ꓢꓲ ꓡꓯ ꓶꓸ ꓓꓴ ꓡꓯꓼ ꓠꓯꓸ ꓘꓪ ꓗꓪˍ ꓟꓲ ꓮ ꓔꓳꓸ ꓐꓬ ꓗꓷ ꓟ ꓔꓯ ꓟꓳ ꓪˍ ꓟ ꓥ ꓡꓳ= ꓐꓬꓱꓻ ꓦꓲꓻ ꓘꓴꓽ ꓗꓪ ꓐ ꓢꓴ ꓐꓴ ꓔꓯ ꓠꓬ ꓡꓯ ꓙ ꓐꓽ ꓓꓴ ꓡꓯꓼ ꓗꓪ ꓐꓰ ꓙ ꓖꓴ ꓔꓯ ꓟꓳꓸ ꓓꓳ ꓙꓰ ꓝꓲ ꓢꓲ ꓐꓬꓱꓻ ꓦꓲꓻ ꓐꓰ ꓶꓽ ꓤ ꓔꓷꓹ ꓙꓰ ꓝꓲ ꓟ ꓥ ꓡꓳ= ꓠꓻ ꓓꓴ ꓓꓴ ꓡꓰ ꓢꓴ 3 ꓣꓳ ꓔꓯ ꓥˍ ꓟꓲ ꓠꓯꓻ ꓞꓲꓼ ꓦꓲꓻ ꓗꓪ ꓧꓳꓽ ꓙꓰ ꓢꓲ ꓠꓯꓻ ꓞꓲꓼ ꓫꓬꓹ ꓖꓶ ꓗꓷꓳ꓾ ꓐꓰ ꓢꓷꓸ ꓪ ꓡꓳ=

ꓐꓬꓱꓻ ꓦꓲꓻ ꓠꓽ ꓔꓶꓸ ꓗꓪ ꓟ ꓙꓵꓽ ꓪ ꓙꓳ ꓢꓴ ꓐꓴ ꓡꓰ ꓐꓬꓱꓻ ꓦꓲꓻ ꓬꓲ ꓠ ꓘꓴꓻ ꓠꓬ ꓟꓲ ꓕꓯꓽ ꓢꓲ ꓠꓽ ꓙꓰˍ ꓟ ꓖꓲ-ꓬ ꓐꓬꓺ ꓡꓰ ꓟ ꓥ ꓢꓲ ꓕꓱ ꓟ ꓠꓬ ꓮ ꓔꓳꓸ ꓐꓬꓻ ꓡꓰ ꓝꓲˍ ꓟ ꓥ ꓡꓳ꓾ ꓐꓰ ꓬꓲ ꓔꓪꓲꓔꓔꓰꓣ ꓗꓪ ꓐꓳ ꓔ ꓡꓳ꓾ ꓐꓰ ꓢꓷ ꓪ ꓟ ꓥ ꓡꓳ=

Source : MyanmaPlatform