ꓔꓲꓺ ꓒ ꓪ ꓔꓲ ꓠꓬ ꓮ-ꓩ-ꓖꓯ-ꓠꓲ-ꓢ-ꓔꓯ ꓗꓪ ꓟꓵꓽ ꓙꓴꓽ ꓚꓵꓹˍ ꓟ ꓪꓴꓸ ꓠꓬꓲ ꓫ ꓓꓴ ꓔꓳꓹ ꓜꓳꓽ ꓡꓰ ꓢꓴ ꓐꓱ ꓶ ꓪꓽ ꓘꓴ ꓙ ꓖꓶ ꓔꓬ ꓡꓳ

ꓔꓲꓺ ꓒ ꓪ ꓔꓲ Francis ꓠꓬ ꓮ-ꓩ-ꓖꓯ-ꓠꓲ-ꓢ-ꓔꓯ ꓗꓪ ꓟꓵꓽ ꓙꓴꓽ ꓚꓵꓹˍ ꓟ ꓪꓴꓸ ꓠꓬꓲ ꓑ ꓫꓬ 1000 ꓣꓳ ꓟꓽ ꓛꓲꓺ ꓫꓵꓻ ꓗꓷ ꓢꓲ 1500 ꓟꓽ ꓛꓲꓺ ꓠꓻ ꓓꓴ ꓓꓴ ꓡꓰ ꓟ ꓮ ꓙꓵꓽ ꓐꓱ ꓶ ꓪꓽ ꓘꓴ ꓙ ꓖꓶ ꓔꓬ ꓡꓳ꓾ ꓐꓰ ꓐꓯ ꓡꓳ= ꓟꓵꓽ ꓙꓴꓽ ꓚꓵꓹˍ ꓟ ꓗꓪ ꓫ ꓓꓴ ꓔꓳꓹ ꓜꓳꓽ ꓔꓬ ꓢꓴ ꓮ ꓙꓵꓽ ꓐꓱ ꓶ ꓬꓰ ꓙ ꓔꓳꓹ ꓙ ꓠꓹ ꓟˍ ꓟꓲ ꓬꓲ ꓡꓰ ꓓꓰꓽ ꓔ ꓟ ꓥ ꓡꓳ=

6 ꓦ 22 ꓠꓬꓲ ꓠꓽ ꓢꓽ ꓠꓬꓲ ꓠꓯꓼ ꓕꓯ ꓮ-ꓩ-ꓖꓯ-ꓠꓲ-ꓢ-ꓔꓯ ꓐꓶ ꓓꓳꓻ ꓕꓲ ꓛꓱꓽ ꓗꓪ ꓟꓵꓽ ꓙꓴꓽ ꓚꓵꓹ ꓗꓷ ꓟ ꓥ ꓢꓲ ꓠꓬꓲ꓾ ꓮ ꓟꓬꓹ ꓐꓬ ꓡꓰ ꓟ ꓠꓬ ꓑ-ꓗꓲ-ꓢ-ꓔꓯ ꓟꓵꓽ ꓫꓸ ꓗ ꓥ ꓟ Paktika ꓖꓴ ꓟꓶꓸ ꓐꓰ Khost ꓟꓵꓽ ꓫꓴꓻ ꓗꓪ ꓥ ꓡꓳ꓾ ꓐꓰ ꓔ-ꓡꓲ-ꓐꓯ ꓔꓯ ꓟꓳꓸ ꓙꓵꓽ ꓪ ꓙꓳ ꓢꓴ ꓕꓲ ꓣꓳ ꓡꓰ ꓐꓯ ꓡꓳ=

ꓦꓲꓻ ꓐꓬ ꓡꓰ ꓟ ꓠꓯꓸ ꓘꓪ ꓗꓪ ꓐꓰ ꓓꓳꓻ ꓡ ꓟꓽ ꓓ ꓢꓴˍ ꓟꓲ ꓙꓳˍ ꓢꓰꓽ ꓟ ꓐꓰ ꓬꓲ ꓪ ꓐꓴ ꓔꓯ ꓚꓬꓴꓸ ꓙˍ ꓟ ꓔꓯˍ ꓟꓲ ꓡꓯ ꓫꓵ ꓬꓰ ꓔꓬ ꓖꓴˍ ꓡꓳ꓾ ꓐꓰ ꓙꓵꓽ ꓪ ꓙꓳ ꓢꓴ ꓐꓴ ꓡꓰ ꓐꓯ ꓡꓳ=

ꓮ-ꓩ-ꓖꓯ-ꓠꓲ-ꓢ-ꓔꓯ ꓗꓪ ꓙꓳˍ ꓟ ꓚꓬꓴꓸ ꓙ ꓜꓴꓻ ꓮ ꓙꓵꓽ ꓚꓬꓴꓸ ꓙ ꓬꓰ ꓙˍ ꓟ ꓟꓬꓱꓽ ꓐꓴ ꓗꓪ ꓔꓺ ꓬꓰ ꓠꓹ ꓟ ꓗꓴꓷꓼ ꓙꓵꓽ ꓪ ꓙꓳ ꓢꓴ ꓐꓴ ꓡꓰ ꓕꓵꓼ ꓪ ꓖꓶ ꓔ ꓡꓳ꓾ ꓐꓰ Vatican ꓓꓳꓽ ꓗꓪ ꓐꓯ ꓔ ꓡꓳ=