ꓲ-ꓓꓳ ꓗꓴꓷꓼ ꓫꓵꓽ ꓜꓴꓻ ꓙꓵꓽ ꓪ ꓔꓲ ꓣ-ꓫ ꓐꓰ ꓬꓴ-ꓗ-ꓣꓲꓸ ꓗꓪ ꓙꓰ ꓓꓴ ꓥꓳ

ꓲ-ꓓꓳ-ꓠꓲ,-ꓫ ꓗꓴꓷꓼ ꓫꓵꓽ ꓜꓴꓻ ꓙꓵꓽ ꓪ ꓔꓲ ꓙꓳ-ꓗꓳ-ꓪꓲ-ꓓꓳ-ꓓꓳ ꓠꓬ ꓕꓱ ꓕꓲ ꓦ ꓖꓴ ꓡꓰˍ ꓕꓯ ꓬꓴ-ꓗ-ꓣꓲꓸ ꓐꓰ ꓣ-ꓫ ꓗꓴꓷꓼ ꓐꓴ ꓗꓪ ꓙꓰ ꓢꓲ꓾ ꓠꓬꓲꓽ ꓗꓴꓷꓼ ꓡꓱꓸꓼ ꓗꓪ ꓟ ꓗꓴꓷꓼ ꓫꓵꓽ ꓜꓴꓻ ꓙꓵꓽ ꓪ ꓔꓲ  ꓐꓴ ꓐꓰ ꓜꓲ ꓡꓯ ꓘꓳ ꓓꓴ ꓥꓳ꓾ ꓐꓰ ꓲ-ꓓꓳ-ꓠꓲ,-ꓫ ꓠꓱꓸ ꓐꓯ ꓗꓴꓷꓼ ꓐꓰ ꓙ ꓡꓯ ꓘꓳ ꓢꓲꓽ ꓒ ꓡꓰ ꓠꓽ ꓢꓽ ꓠꓬꓲ ꓕꓯ ꓢꓷꓸ ꓙ ꓟꓳ ꓙ ꓗꓷꓳ=

ꓙꓳ-ꓗꓳ-ꓪꓲ ꓠꓬ ꓡ ꓠꓹ ꓟ 6 ꓦ 26 ꓠꓬꓲ ꓐꓰ 27 ꓠꓬꓲ ꓗꓪ ꓛꓲꓺ ꓙ-ꓟ-ꓠꓲ ꓗꓴꓷꓼ ꓗꓪ ꓬꓰˍ ꓟ 7 ꓗꓴꓷꓼ ꓖꓪ ꓙꓱ ꓜꓲꓼ ꓓꓴ ꓗꓪ ꓙꓰ ꓢꓲ꓾ ꓗ ꓠꓯꓸ ꓟꓳ-ꓢ-ꓗꓳ ꓗꓪ ꓣ-ꓫ ꓗꓴꓷꓼ ꓫꓵꓽ ꓜꓴꓻ ꓙꓵꓽ ꓪ ꓔꓲ Vladimir ꓑꓴ-ꓔꓲ ꓐꓰ ꓜꓲ ꓡꓯ ꓘꓳ ꓢꓲ꓾ ꓬꓴ-ꓗ-ꓣꓲꓸ ꓢꓲꓽ ꓒ Volodymyr Zelenskyy ꓐꓰˍ ꓟꓲ ꓜꓲ ꓡꓯ ꓘꓳ ꓠꓹ ꓟ Kyiv ꓡꓳ ꓒꓱ ꓗꓪˍ ꓟꓲ ꓙꓰˍ ꓥꓳ꓾ ꓐꓰ ꓠꓱꓸ ꓐꓯ ꓗꓴꓷꓼ ꓐꓰ ꓙ ꓡꓯ ꓘꓳ ꓢꓲꓽ ꓒ Retno Marsudi ꓡꓰ ꓐꓯ ꓡꓳ=

ꓖꓳ ꓡꓱ ꓙꓰˍ ꓟ ꓗꓪ ꓞꓳ ꓤ ꓪ ꓤ ꓫꓱꓸ ꓤ ꓙ ꓗꓳ ꓡꓯ ꓘꓳ ꓓꓴ ꓐꓰ꓾ ꓜꓽ ꓓꓴ꓾ ꓣꓱꓽ ꓫꓵꓽ ꓣꓱꓽ ꓙꓰꓽ ꓫ ꓓꓴ ꓔꓳꓹ ꓜꓳꓽ ꓡˍ ꓟ ꓔꓯ ꓫꓬꓹ ꓔꓱꓹ ꓠꓹ ꓟ ꓐꓰ ꓢꓲꓺ ꓡꓲꓺ ꓟ ꓐꓱ ꓶ ꓙꓳ-ꓗꓳ-ꓪꓲ ꓡꓰ ꓓꓰꓽ ꓙ ꓓꓴ ꓥꓳ꓾ ꓐꓰ ꓢꓷꓸ ꓪ ꓡꓳ=

News source: Popular News Journal