ꓖ‐ꓟꓶ‐ꓓꓲ ꓑꓴꓔꓮꓳ ꓡꓳ ꓒꓱ ꓗꓪ ꓒꓯ‐ꓛꓵꓽ ꓧꓪ ꓢꓴ ꓝꓮꓲ ꓕꓲ ꓣꓳ ꓫꓵꓻ ꓡꓰ ꓟ ꓓꓳꓽ

ꓖ‐ꓟꓶ‐ꓓꓲ ꓑꓴꓔꓮꓳ ꓡꓳ ꓒꓱ ꓗꓪ ꓒꓯ‐ꓛꓵꓽ ꓧꓪ ꓢꓴ ꓝꓮꓲ ꓕꓲ ꓣꓳ ꓫꓵꓻ ꓡꓰ ꓟ ꓓꓳꓽ

9 ꓦ 29 ꓠꓬꓲ 2022 ꓘꓳꓼ ꓕꓯ ꓖ‐ꓟꓶ‐ꓓꓲ ꓑꓴꓔꓮꓳ ꓡꓳ ꓒꓱ ꓗꓪ ꓒꓯ‐ꓛꓵꓽ ꓧꓪ ꓢꓴ ꓑ ꓫꓬ ꓝꓮꓲ ꓕꓲ ꓣꓳ ꓞꓰ ꓫꓵꓻ ꓡꓰꓳ ꓐꓰ ꓐꓯ ꓔ ꓡꓳ꓿ ꓕꓱ ꓫꓵꓻ ꓡꓰ ꓢꓴ ꓑ ꓫꓬ ꓠꓬ ꓖ‐ꓟꓶ‐ꓓꓲ ꓑꓴꓔꓮꓳ ꓡꓳ ꓒꓱ ꓙꓴ‐ꓐꓴ‐ꓡꓲ ꓘ, ꓗꓪ ꓔꓬ ꓟ ꓟꓶ‐ꓑ‐ꓘꓰ  ꓟꓬꓱꓺ ꓔ ꓢꓴ ꓥ ꓡꓳ꓿ ꓬꓲ ꓠꓬ ꓒꓯ‐ꓛꓵꓽ ꓧꓪ ꓢꓲ ꓠꓬꓲ ꓪꓽ ꓙꓵꓽ ꓗꓪ ꓐꓰ ꓞꓰ ꓫꓵꓻ ꓡꓰ ꓟ ꓥ ꓡꓳ꓿ ꓬꓰ ꓙ ꓢꓴ ꓕꓲ ꓣꓳ ꓫ. ꓕꓱ ꓔ ꓟ ꓠꓬ ꓒꓯ‐ꓛꓵꓽ ꓧꓪ ꓖꓴ ꓪꓽ ꓙꓵꓽ ꓗꓪ ꓐꓰ ꓞꓰ ꓫꓵꓻ ꓡꓰ ꓟ ꓠꓬ 3 ꓠꓬꓲ ꓙꓳ ꓡꓰꓳ꓿ ꓫꓵꓻ ꓡꓰ ꓢꓴ ꓔꓯ ꓪꓽ ꓙꓵꓽ ꓗꓪ ꓓꓵ. ꓗꓷꓳ ꓐꓯ ꓔ ꓡꓳ꓿ ꓝꓮꓲ ꓑꓧꓳꓠꓰ ꓡꓲꓠꓰ ꓪ_ ꓟ ꓘ, ꓗꓪ ꓠꓬꓲꓽ ꓠꓬꓲ ꓙꓰ ꓠ, ꓢꓲ ꓠꓬꓲ ꓫꓵꓻ ꓡꓰ ꓟ ꓓꓳꓽ ꓔꓯ ꓐꓯ ꓟ. ꓖꓶ ꓟ ꓥ ꓡꓳ꓿

ꓫꓵꓻ ꓡꓰ ꓢꓴ ꓠꓬ ꓤ ꓠꓱ ꓤ 8 ꓣꓳ ꓔꓬ ꓟ ꓦꓲꓻ ꓢꓲꓺ ꓒ ꓥ ꓡꓳ ꓐꓰ ꓢꓷ. ꓪ ꓡꓳ꓿ ꓞꓲ ꓠꓲ, ꓠꓬ ꓒꓯ‐ꓛꓵꓽ ꓒꓵꓽ ꓮ ꓘꓶ. ꓒꓵꓽ ꓡ ꓟ ꓪꓴ. ꓠꓬꓲ ꓒꓯ‐ꓛꓵꓽ ꓧꓪ ꓢꓴ ꓑ ꓫꓬ ꓐꓴ ꓟꓬ ꓡ_ ꓡꓳ꓿ ꓒꓯ‐ꓛꓵꓽ ꓧꓪ ꓢꓲ ꓠꓬꓲ ꓫꓵꓻ ꓡꓰ ꓢꓴ ꓑ ꓫꓬ 8 ꓣꓳ ꓙꓳ ꓡꓰ ꓟ ꓥ ꓡꓳ꓿ ꓗꓳ. ꓗꓷ ꓟ ꓕꓲ ꓫꓵꓽ ꓠꓽ ꓘꓴꓽ ꓗꓪ ꓥ ꓟꓲ ꓒꓯ‐ꓛꓵꓽ ꓧꓪ ꓢꓴ ꓠꓬꓲꓽ ꓣꓳ ꓫꓵꓻ ꓡꓰ ꓟ ꓥ ꓡꓳ꓿