ꓔꓲꓸꓸ ꓒ ꓪ ꓔꓲ Francis Canada ꓗꓴꓷꓼ ꓗꓪ ꓙꓰ ꓚꓳ ꓠꓹ ꓟ-ꓸ

ꓔꓲꓸꓸ ꓒ ꓪ ꓔꓲ Francis  ꓡꓰ Canada ꓗꓴꓷꓼ ꓗꓪ ꓙꓰ ꓚꓳ ꓠꓹ ꓟ-ꓸ

6 ꓦ 23 ꓠꓽ ꓡꓲꓸ ꓠꓬꓲ ꓕꓯ ꓔꓲꓸꓸ ꓒ ꓪ ꓔꓲ ꓝꓣꓮꓠꓚꓲꓢ ꓠꓬ Canada ꓗꓴꓷꓼ ꓗꓪ ꓙꓰ ꓚꓳ ꓠꓹ ꓟ ꓚꓱꓹ ꓔꓯ Vatican Press Office ꓗꓪ ꓐꓰ ꓐꓯ ꓑꓶ ꓗꓷ ꓟ ꓥꓳ=

7 ꓦ 24-29 ꓠꓬꓲ ꓗꓪ ꓠꓬ Canada ꓗꓴꓷꓼ ꓗꓪ ꓙꓰ ꓚꓳ ꓠꓹ ꓟ ꓥ ꓡꓳ=

7 ꓦ 24 ꓠꓽ ꓫꓵ ꓠꓬꓲ ꓠꓯꓼ ꓕꓯ ꓣꓳ-ꓟ Fiumicino ꓙꓱ., ꓦꓲ., ꓠꓽ ꓔꓶꓸ ꓗꓪ ꓐꓰ ꓪꓴꓸ ꓔꓴ ꓠꓹ ꓟ-ꓸ

Canada ꓗꓴꓷꓼ Edmonton International Airport ꓗꓪ ꓠꓽ ꓢꓲ ꓖꓳ ꓗꓪ ꓐꓰ ꓘꓳꓹ ꓣꓴ ꓠꓹ ꓟ-ꓸ

7 ꓦ 25 ꓠꓽ ꓕꓲꓽ ꓠꓬꓲ ꓕꓯ Canada ꓗꓴꓷꓼ ꓗꓪ ꓐꓰ ꓡ ꓞꓳ ꓐꓴ ꓐꓰ ꓜꓲ ꓡꓯꓼ ꓘꓳ ꓠꓹ ꓟ-ꓸ

ꓓ ꓪꓴꓸ ꓗꓴꓷꓼ ꓙꓵꓽ ꓪꓴꓽ ꓢꓴ ꓐꓴ ꓖꓳ ꓗꓸ ꓠꓯꓸ Maskwacis ꓗꓪ ꓐꓰ ꓑ ꓫꓬ ꓐꓴ ꓐꓰ ꓜꓲ ꓡꓯꓼ ꓘꓳ ꓠꓹ ꓟ-ꓸ

ꓖꓳ ꓗꓸ ꓠꓯꓸ Edmonton ꓗꓪ ꓝꓮꓲ ꓙꓸꓹ ꓫꓱꓽ ꓢꓲ-ꓸ ꓖꓳ ꓗꓪ ꓡ ꓞꓳ ꓐꓴ ꓐꓰ ꓬꓰ-ꓢꓴ ꓢꓲ ꓫꓬ ꓟ ꓠꓲꓹ ꓟ (Sacred Heart) ꓢ-ꓢꓶ-ꓠ ꓗꓪ ꓐꓰ ꓘꓴ ꓜꓲꓼ ꓞꓳ ꓡ ꓞꓳ ꓐꓴ ꓐꓰ ꓜꓲ ꓡꓯꓼ ꓘꓳ ꓠꓹ ꓟ-ꓸ

7 ꓦ 26 ꓠꓽ ꓠꓬꓲꓽ ꓠꓬꓲ Edmonton ꓗꓪ ꓐꓰ Commonwealth Stadium ꓗꓪ ꓔꓬ ꓟ ꓡ ꓞꓳ ꓐꓴ ꓐꓰ ꓕꓲ ꓪꓼ ꓟꓲ-ꓢ ꓪꓽ ꓘꓴ_ ꓟ-ꓸ

ꓖꓳ ꓗꓸ ꓠꓯꓸ Lac Ste. Anne ꓗꓪ ꓙꓰ ꓚꓳ ꓠꓹ ꓟ-ꓸ ꓪꓽ ꓘꓴ ꓜꓲꓼ ꓡ ꓢꓴ ꓐꓴ ꓐꓰ ꓕꓲ ꓪꓼ ꓪꓽ ꓘꓴ ꓠꓹ ꓟ-ꓸ

7 ꓦ 27 ꓠꓽ ꓢꓽ ꓠꓬꓲ ꓗꓪ ꓠꓬ ꓐꓶ ꓓꓵꓽ Canada Quebec ꓡꓳ ꓒꓱ ꓗꓪ ꓙꓰ ꓚꓳ ꓠꓹ ꓟ-ꓸ

ꓖꓳ ꓗꓪ ꓘꓳꓹ ꓣꓴ ꓑꓮꓲ ꓬꓰ ꓠꓹ ꓟ-ꓸ Prime Minister ꓐꓰ ꓕꓲ ꓪꓼ ꓗꓴꓷꓼ ꓙꓵꓽ ꓢꓴ ꓢꓲ ꓒꓽ ꓐꓴ ꓐꓰ ꓑ ꓫꓬ ꓐꓴ ꓐꓰ ꓜꓲ ꓡꓯꓼ ꓘꓳ ꓠꓹ ꓟ-ꓸ

7 ꓦ 28 ꓠꓽ ꓡꓲꓸ ꓠꓬꓲ ꓗꓪ ꓠꓬ St. Anne de Beaupre ꓗꓪ ꓘꓴ ꓜꓲꓼ ꓞꓳ ꓑ ꓫꓬ ꓐꓴ ꓐꓰ ꓟꓲ-ꓢ ꓪꓽ ꓘꓴ ꓠꓹ ꓟ-ꓸ

ꓟꓳꓼ ꓡꓳ ꓙꓵꓹ ꓗꓪ ꓠꓬ ꓔꓲꓸꓸ ꓒ ꓓꓽ ꓐꓴ-ꓸ ꓔꓲꓸꓸ ꓒ ꓐꓴ-ꓸ Deacon ꓐꓴ-ꓸ ꓘꓴ ꓜꓲꓼ ꓞꓳ ꓗꓪ ꓟꓬꓱꓽ ꓟꓯ ꓢꓴ-ꓸ Seminaries ꓙꓳ ꓟ ꓐꓴ-ꓸ ꓘꓴ ꓜꓲꓼ ꓞꓳ ꓟꓸ ꓒꓽ ꓟꓸ ꓟ ꓐꓴ ꓐꓰ ꓕꓲ ꓪꓼ Notre Dame Cathedral ꓪꓽ ꓘꓴ ꓦꓲ ꓓꓽ ꓗꓪ ꓪꓽ ꓘꓴ ꓠꓹ ꓟ-ꓸ

7 ꓦ 29 ꓠꓽ ꓥꓪꓽ ꓠꓬꓲ Quebec ꓔꓲꓸꓸ ꓒ ꓓꓽ ꓐꓴ ꓔꓬ ꓢꓴ ꓐꓴ ꓐꓰ ꓕꓲ ꓪꓼ ꓜꓲ ꓡꓯꓼ ꓘꓳ ꓫꓸ ꓕꓱ ꓢꓲ-ꓸ ꓖꓳ ꓗꓪ ꓐꓰ ꓗꓴꓷꓼ ꓞꓳ ꓫꓵꓽ ꓝꓲ ꓓꓴ ꓐꓴ ꓐꓰ ꓖꓪ ꓙꓱ ꓜꓲꓼ ꓓꓴ ꓬꓰ ꓠꓹ ꓟ-ꓸ

Nunavut ꓡꓳ ꓒꓱ ꓥ ꓟ Lqaluit ꓡꓳ ꓒꓱ ꓗꓪ ꓝꓮꓲ ꓙꓸꓹ ꓫꓱꓽ ꓢꓲ-ꓸ ꓖꓳ ꓗꓪ ꓙꓳ ꓟ ꓐꓴ ꓐꓰ ꓜꓲ ꓡꓯꓼ ꓘꓳ ꓠꓹ ꓟ-ꓸ

ꓖꓳ ꓗꓸ ꓠꓯꓸ ꓙꓳ ꓦꓲꓸꓹ ꓗꓪ ꓐꓰ ꓞꓳ ꓡꓱ ꓐꓴ ꓞꓳ ꓪꓴꓽ ꓐꓴ ꓐꓰ ꓫꓸ ꓕꓱ ꓡꓯꓼ ꓘꓳ ꓢꓲ-ꓸꓣꓳ-ꓟ Fiumicino ꓙꓱ., ꓦꓲꓸꓹ ꓠꓽ ꓔꓶꓸ ꓗꓪ ꓠꓽ ꓚꓳꓼ ꓠꓬꓲ ꓠꓯꓼ ꓕꓯ ꓡ ꓠꓹ ꓟ ꓚꓱꓹ ꓔꓯ Vatican ꓓꓳꓽ ꓗꓪ ꓐꓰ ꓐꓯ ꓑꓶ ꓔ ꓡꓳ=